09.06.2016 21:00Ambassador hlýtur Bláfánann 2016
Fréttatilkynning frá Landvernd Hvalaskoðunarfyrirtæki á Íslandi hljóta Bláfána fyrst í heiminum Landvernd veitti fjórum hvalaskoðunarfyrirtækjum bláfánavottun fyrir sjálfbæra sjávarferðamennsku 2. júní sl. Þetta er í fyrsta skipti sem Bláfáninn er veittur hvalaskoðunarfyrirtækjum í heiminum. Viðurkenninguna hlutu Ambassador á Akureyri og Elding, Special Tours og Whale Safari í Reykjavík. Bláfáninn er alþjóðleg umhverfisvottun sem veitt er fyrirtækjum og sveitarfélögum fyrir árangursríkt starf að umhverfismálum, og frá árinu 2016 einnig fyrirtækjum í sjávartengdri ferðaþjónustu. Meginmarkmið verkefnisins er að vernda haf- og strandsvæði, draga úr umhverfisáhrifum með kerfisbundnum hætti, bæta öryggi og efla umhverfisvitund. Þessu er náð með bættri umhverfisstjórnun, góðum slysavörnum, eftirliti með vatnsgæðum og öflugri fræðslu og upplýsingagjöf. Landvernd innleiddi Bláfánann hér á landi árið 2002 en verkefnið hefur verið rekið á alþjóðavísu frá árinu 1985 af alþjóðlegu umhverfismenntasamtökunum Foundation for Environmental Education (FEE), sem Landvernd er aðili að. Landvernd kom af stað þróun bláfánaviðurkenningarinnar fyrir hvalaskoðunarfyrirtæki á vegum FEE. Fyrirtæki í sjávartengdri ferðaþjónustu, smábátahafnir og baðstrendur geta sótt um vottunina. Á Íslandi flagga viðurkenningunni fjögur hvalaskoðunarfyrirtæki með alls 16 báta, sex smábátahafnir og þrjár baðstrendur. Hvalaskoðunarfyrirtækjunum var afhentur Bláfáninn við veglega athöfn sem fór fram í kjölfar viðburðar á vegum Whales and Dolphin Conservation í Hvalasýningasafninu á Granda í tilefni af 25 ára afmæli hvalaskoðunar á Íslandi. Hér að neðan má sjá lista yfir handhafa Bláfánans á Íslandi árið 2016. Ferðaþjónustuaðilar í hvalaskoðun · Ambassador á Akureyri · Elding í Reykjavík · Special Tours í Reykjavík · Whale Safari í Reykjavík Smábátahafnir · Smábátahöfnin á Bíldudal · Smábátahöfnin á Patreksfirði · Smábátahöfnin á Suðureyri · Smábátahöfnin í Stykkishólmi · Smábátahöfnin við Hafnarhólma á Borgarfirði eystri · Fossvogshöfn í Kópavogi Baðstrendur · Bláa lónið · Langisandur á Akranesi · Ylströndin í Nauthólsvík Skrifað af Þorgeir |
Eldra efni
Um mig Nafn: Þorgeir BaldurssonFarsími: 8620479Tölvupóstfang: thorgeirbald62@gmail.comHeimilisfang: Reynihlið 15 D 604 HörgárbyggðStaðsetning: HörgárbyggðUm: Fréttaritari Morgunblaðsins til sjávar og sveita og öll Almenn Ljósmyndun sem að tengist SjávarútvegiTenglar
Flettingar í dag: 1337 Gestir í dag: 9 Flettingar í gær: 3759 Gestir í gær: 27 Samtals flettingar: 1330578 Samtals gestir: 56647 Tölur uppfærðar: 4.4.2025 04:36:44 |
© 2025 123.is | Nýskrá 123.is síðu | Stjórnkerfi 123.is