Sónar Merike og Eldborg

                Merike EK Mynd Canadiska Strandgæslan 2008

Eistneski togarinn Merike sökk fjörutíu til fimmtíu mílum suðaustur af Hjörleifshöfða í gær.

Danskur dráttarbátur var þá með hann í togi en hann var á leið frá Hafnarfirði til Danmerkur,

þar sem togarinn hafði verið seldur í brotajárn. Togarinn hafði staðið ónotaður um nokkurra ára skeið.

Hvasst var á þessum slóðum þegar skipið sökk og er það talið hafa valdið því að togarinn tók að halla.

Um tuttugu mínútur liðu svo áður en hann var sokkinn.

Engin olía var um borð í skipinu og ekki eru fiskimið þarna,

þannig að ekki er talið að umhverfisáhrif verði af því að skipið fór niður. Af Ruv.is 19/2 -2011

Sónar i Slipp i hafnarfirði  Mynd Hjörtur Gislasson

Togarinn Sonar hefur verið tekinn upp í flotkví Vélsmiðju Orms og Víglundar

eftir um sjö ára samfellda legu við bryggju í Hafnarfjarðarhöfn.

Að sögn Magnúsar Þórissonar, hafnarvarðar, voru menn orðnir hræddir um að botnlokar gæfu sig og skipið sykki í höfninni.