 |
|
Pólar Amaroq GR -18-49 MYND ÞORGEIR Baldursson
|
Í gær var greint frá því hér á heimasíðunni www.svn.is
að grænlenska skipið Polar Amaroq hefði fengið 350-400 tonn af loðnu norðnorðaustur af Langanesi
og væri hún fryst um borð í skipinu. Auk þess að veiða mun Polar Amaroq leita að loðnu
og eru rannsóknamenn frá Hafrannsóknastofnun um borð.
Í morgun ræddi heimasíðan við Guðmund Hallsson stýrimann
og sagði hann að tekið hefði verið eitt hol fyrir vinnsluna í gærkvöldi og fengust þá 250 tonn.
Verið væri að vinna þann afla um borð en skipið væri nú byrjað að sigla eftir leitarleggjunum.
Sagði Guðmundur að það hefði verið „ágætt að sjá“ á blettinum sem skipið var á í gær
og nú yrði spennandi að sjá hvað kæmi út úr leitinni.
