Alvarleg þróun, segja fiskifræðingar.
Rækjuveiðar eru einn mikilvægasti þátturinn í sjávarútvegi við austurströnd Kanada. Nú horfir illa með rækjustofnana úti fyrir strönd Labrador og hluta Nýfundnalands. Kanadíska sjávarútvegsráðuneytið hefur tilkynnt að magn rækju á svokölluðu svæði 6 sé það minnsta frá því mælingar hófust.
Samkvæmt mati sem gert var í síðustu viku eru aðeins 104.000 tonn af veiðanlegri rækju á áðurnefndu svæði sem er fjórðungi minna en árið 2015, en þarna mældust 785.000 tonn árið 2006. Á svæði 5 sem er við hliðina hefur einnig orðið fjórðungs samdráttur í magni en á svæði 4 varð lítilsháttar aukning sem gæti stafað af hafstraumum, að sögn sérfræðinga.
Í ráðuneytinu er nú verið að vinna að veiðiráðgjöf sem birt verður í næstu viku og send stjórnvöldum og hagsmunaaðilum til umfjöllunar.
Frá þessu er skýrt á vefnum FISHupdate.com
 |
|
Canadiskir Eftirlitsmenn Mynd þorgeir Baldursson
|
