|
1270 Mánaberg ÓF 42 Mynd þorgeir Baldursson 2011
Lagði af stað til Múrmansk nú rétt áðan.
Frystitogarinn Mánaberg ÓF í eigu Ramma hf. hefur verið seldur til Rússlands. Skipið lagði af stað til Múrmansk nú rétt áðan frá Ólafsfirði.
Sólberg ÓF, hinn nýi frystitogari Ramma hf., sem verið hefur í smíðum í Tyrklandi, mun leysa af hólmi frystitogarana tvo, Sigurbjörgu og Mánaberg. Sigurbjörg ÓF er óseld og er nú að veiðum í Barentshafi.
Ragnar Aðalsteinsson útgerðarstjóri Ramma hf. tjáði Fiskifréttum að vonast væri til þess að nýi frystitogarinn legði af stað heim frá Tyrklandi um miðjan apríl.
|
