Fyrsta Skemmtiferðaskipið 2017 til Akureyrar

 og siðan hoppað uppi rútu og ekið austur i þingeyjarsveit mynd þorgeir 2017

af Mbl.is 

Myndir Þorgeir Baldursson 

Fyrsta skemmti­ferðaskip sum­ars­ins, Celebrity Eclip­se, kom til hafn­ar á Ak­ur­eyri í morg­un. For­stjóri skipa­fé­lags­ins gaf þá fyrst­ur allra í söfn­un­ar­bauk á bryggj­unni, en Hafna­sam­lag Norður­lands mun í haust planta 2.000 trjám, hið minnsta, í sam­starfi við Skóg­rækt­ar­fé­lag Eyf­irðinga til að kol­efnis­jafna vegna þeirra skemmti­ferðaskipa sem koma til bæj­ar­ins í sum­ar.

Um borð í morg­un voru um 2.800 farþegar og starfs­menn eru um 1.200. Verk­efni Hafna­sam­lags­ins var þá ýtt form­lega úr vör, en það felst í því að 10 trjám hið minnsta verður plantað í norðlensk­an svörð í haust. Það var  Lisa Lutoff-Per­lo, for­stjóri Celebrity Cruises, eig­anda Celebrity Eclip­se, sem fyrst gaf í söfn­un­ar­bauk­inn en hún var á meðal farþega.

„Hafna­sam­lagið legg­ur fram and­virði 2.000 plantna og svo bæt­ist við það sem safn­ast meðal farþega,“ sagði Pét­ur Ólafs­son hafn­ar­stjóri við Morg­un­blaðið. Hann seg­ist ekki vita til þess að hafn­ir ann­ars staðar í heim­in­um hafi tekið upp á þessu. Alls kem­ur rúm­lega hálft hundrað skemmti­ferðaskipa til Ak­ur­eyr­ar í sum­ar, þar af um 30 sem hafa viðkomu í Gríms­ey.

Veðrið var ekki til að hrópa húrra fyr­ir á Ak­ur­eyri í morg­un: rign­ing og þriggja stiga hiti. Gránað hef­ur í fjöll síðustu daga eft­ir mik­inn hlý­indakafla í síðustu viku en fjöld­inn dreif sig þó frá borði, vel klædd­ur og vopnaður regn­hlíf­um. Marg­ir gengu um bæ­inn eða fóru í hvala­skoðun en megnið af farþegum hef­ur þó lík­lega farið í kynn­is­ferðir, aðallega aust­ur um og til Mý­vatns, en mik­ill bíla­floti frá fjölda ferðaþjón­ustu­fyr­ir­tækja beið á bryggj­unni í morg­un.

Celebrity Eclip­se held­ur úr höfn aft­ur síðdeg­is og kem­ur til Reykja­vík­ur fyr­ir há­degi á morg­un.