|
Bergey VE i Slippnum Mynd Guðmundur Alfreðsson
Bergey VE hefur verið seld Guðmundi Runólfssyni hf. í Grundarfirði og verður skipið afhent hinum nýja eiganda á næstu dögum og mun það fá nafnið Runólfur.
 |
| 2744 Runólfur SH 135 Mynd Óskar Pétur Friðriksson 30 sept 2019 |
Bergey var smíðuð í Póllandi árið 2007 fyrir Berg-Hugin, dótturfélag Síldarvinnslunnar í Vestmannaeyjum, og hefur útgerð skipsins ávallt gengið mjög vel.
 |
| 2744 Runólfur SH 135 mynd Óskar P Friðriksson |
Síðustu daga hefur skipið verið í slipp í Vestmannaeyjum þar sem gengið hefur verið frá því til afhendingar. M.a. var málað yfir rauða litinn sem ávallt hefur prýtt Bergey og er hún nú orðin blá.
Ný Bergey, sem er í smíðum hjá skipasmíðastöðinni Vard í Aukra í Noregi, verður væntanlega afhent Bergi-Hugin hinn 26. september nk.
|
