Stærsta skipið selt til Rússlands

                        Navigator er eng­in smá­smíði Hann er 121 m á lengd og hef­ur frá 2017 verið á veiðum úti fyr­ir strönd­um Má­rit­an­íu. — Ljós­mynd/?Al­bert Har­alds­son

Span Ice selur risatogarann Navigator til rússnesks útgerðarfélags • Stærsta fiskveiðiskip sem verið hefur í eigu Íslendings • Eigandinn keypti skipið af Rökke árið 2016 en bauð fyrst í það árið 2008

Stefán E. Stef­áns­son

ses@mbl.is

Fyr­ir­tækið Span Ice hef­ur selt rúss­neska út­gerðarfyr­ir­tæk­inu JSC Akros risa­tog­ar­ann Navigator. Har­ald­ur Reyn­ir Jóns­son er eig­andi Span Ice en syst­ur­fyr­ir­tæki þess, Úthafs­skip, hef­ur ann­ast út­gerð Navigator við strend­ur Má­rit­an­íu frá ár­inu 2017. Skipið keypti Span Ice árið 2016 og réðst í kjöl­farið í tals­verðar end­ur­bæt­ur á því.

Morg­un­blaðið náði tali af Har­aldi í gær, skömmu eft­ir að af­hend­ing skips­ins fór fram á Las Palmas á Kana­ríeyj­um, þaðan sem skipið hef­ur verið gert út.

„Þetta eru mik­il tíðindi fyr­ir okk­ur en með þessu fer síðasti tog­ar­inn úr eigu okk­ar. Í fyrra seld­um við skip­in Vikt­oríu og Gl­oríu til Óman,“ seg­ir Har­ald­ur. Hann seg­ir að tals­verður aðdrag­andi hafi verið að söl­unni. Þannig hafi kaup­end­urn­ir nálg­ast hann á síðasta ári og fyr­ir um mánuði hafi kaup­samn­ing­ur verið und­ir­ritaður.

Það er þó ekki lang­ur tími, sam­an­borið við það hversu lang­ur tími leið frá því að Har­ald­ur fékk þá hug­dettu að kaupa Navigator og þar til skipið komst í hans eigu.

„Ég bauð í skipið fyrst árið 2008 en það var ekki fyrr en átta árum síðar sem við Røkke náðum sam­an og hann seldi.“

Verk­efna­laust frá 2007

Vís­ar Har­ald­ur þar til norska út­gerðarkóngs­ins Kj­ell Inge Rökke sem lét smíða skipið árið 1996. Hafði skipið legið bundið við bryggju í skipa­smíðastöð í Króa­tíu og verk­efna­laust, allt frá ár­inu 2007.

Hann seg­ir að JSC Akros sé fyr­ir­tæki sem staðsett sé á Kams­j­at­ka-skaga í aust­ur­hluta Rúss­lands og að senni­lega fari skipið til veiða á Kyrra­hafi í kjöl­far breyt­inga.

Stórt á alla mæli­kv­arða

„Við gerðum tals­verðar breyt­ing­ar á skip­inu á sín­um tíma. Bjugg­um það til upp­sjáv­ar­veiða, sett­um upp vinnslu­lín­ur og frysti­búnað fyr­ir upp­sjáv­ar­skip og end­ur­nýjuðum raf­einda­búnað í brúnni. Mér skilst á kaup­end­un­um að þeir muni auka við vinnslu­getu skips­ins enn frek­ar og bæta fiski­mjöls­verk­smiðju við skipið.“

Það er eng­in smá­smíði. Stærsta fiski­skip sem nokkru sinni hef­ur verið í eigu ís­lensks aðila. Vinnslu­geta þess er 220 tonn af fryst­um afurðum á sól­ar­hring. Lengd þess er 121 metri en til sam­an­b­urðar er lengsta skip Brims, Vík­ing­ur AK 100, 81 metri á lengd. Þá er Beit­ir NK 122, sem er í eigu Síld­ar­vinnsl­unn­ar, 89 m á lengd. Navigator er 18,5 metr­ar á breidd og 8.913 brúttó­rúm­lest­ir.

70-80 í áhöfn á hverj­um tíma

„Í áhöfn hafa verið á bil­inu 70-80 manns á hverj­um tíma og við höf­um gert það út með tveim­ur áhöfn­um,“ seg­ir Har­ald­ur. Skip­stjór­ar á skip­inu hafa verið þeir Páll Kristjáns­son og Al­bert Har­alds­son en sá síðar­nefndi hélt í gær upp á af­mæli sitt, sama dag og skipið færðist í eigu JSC Akros.

Kaup­verðið er trúnaðar­mál að sögn Har­ald­ar en hann viður­kenn­ir þó að hann sé mjög sátt­ur við viðskipt­in. Ekki hafi í raun staðið til að selja skipið held­ur hafi ætl­un­in verið að gera það áfram út. Hann seg­ir óljóst hvað taki við. Spurður út í hvort langri út­gerðar­sögu sé nú lokið, vill Har­ald­ur ekki kveða upp úr um það.

„Það eru mörg tæki­færi og ýms­ir mögu­leik­ar sem vert er að skoða en það er ekk­ert ákveðið enn þá,“ seg­ir hann.

Navigator

» Skipið var smíðað fyr­ir Kj­ell Inge Rökke árið 1996.
» Komst í eigu Span Ice árið 2016 og ráðist var í mikl­ar end­ur­bæt­ur á því.
» Skipið er 121 metri á lengd,
breidd þess er 18,6 metr­ar.
» Það er 8.913 brúttó­rúm­lest­ir á stærð.
» Vinnslu­get­an er 220 tonn af fryst­um afurðum.
Í áhöfn eru 70-80 manns á hverj­um tíma.
» Skip­stjór­ar hafa verið Íslend­ing­arn­ir Páll Kristjáns­son og Al­bert Har­alds­son.

Har­ald­ur Reyn­ir Jóns­son