Vilhelm Þorsteinsson EA 11 á siglingu á Eyjafirði mynd þorgeir Baldursson
Uppsjávarskip Samherja, Vilhelm Þorsteinsson EA 11, hélt í gærkvöld frá Akureyri til makrílveiða.
Fyrstu íslensku skipin hófu leit og veiðar fyrr í vikunni en þau mega veiða samtals 125 þúsund tonn, þar af eru veiðiheimildir Vilhelms Þorsteinssonar EA hátt í 14 þúsund tonn.
Líklega í Smuguna
Guðmundur Þ. Jónsson skipstjóri segir að með fleiri skipum styttist væntanlega í að vertíðin hefjist fyrir alvöru. Rétt um tveir mánuðir eru liðnir frá því kolmunnavertíð lauk.
„ Við verðum að vona hið besta í upphafi vertíðar. Skipin sem eru komin á miðin eru suðaustur og austur af landinu en ég reikna fastlega með því að fara í Smuguna. Siglingin í Smuguna er nokkuð löng, tekur um einn og hálfan sólarhring og er lykilatriði við veiðar þar að útgerðir hafi á að skipa góðum og öflugum flota.“
Samstarf við önnur skip skilar góðum árangri
Síðustu árin hafa skip Samherja og Síldarvinnslunnar unnið saman á miðunum, sem hefur gefið góða raun að sögn Guðmundar.
„ Aflanum er safnað saman í eitt skip, með því móti kemst fiskurinn mun ferskari til vinnslu í landi. Samstarfið sparar líka umtalsverða orku, því með þannig vinnulagi er ekki verið að sigla í land með ónýtta burðargetu. Ég tel að þetta samstarf hafi gengið vel, markmiðið er alltaf að hámarka verðmæti aflans. Eins og ég segi, þá er ég þokkalega bjartsýnn á
Þorsteinn Már Baldvinsson forstjóri Samherja leysti landfestar, eins og svo oft áður
komandi vertíð, upphaf hverrar vertíðar er að vísu oft háð nokkurri óvissu. Og þannig er staðan akkúrat núna. Þessir þættir hafa ekkert breyst með árunum,“ segir Guðmundur Þ. Jónsson skipstjóri á Vilhelm Þorsteinssyni EA 11.
Vilhelm Þorsteinsson EA11 er glæsilegt skip mynd þorgeir Baldursson
Vilhelm Þorsteinssson EA 11 mynd þorgeir Baldursson
Vilhelm Þorsteinsson EA11 á útleið frá Akureyri mynd þorgeir Baldursson
