Við ætlum okkur að gera bátinn út frá Torfunesbryggjunni til hvalaskoðunarferða og sérferða ýmisskonar.   Ætlunin er að gera bátinn út árið um kring, en mestur krafturinn verður yfir sumarið þegar mestur fjöldi ferðamanna er á svæðinu. 

Við gerum ráð fyrir því að strax í byrjun skapist hér allt að 10 ársverkum og ef væntingar okkar ganga eftir gætu störfin orðið enn fleiri. 

Tvö skemmtiferðaskip komu til Akureyrar í morgun, MSC Magnifica og Adventure of the Seas. Með skipunum eru um 5000 farþegar, þannig að nóg er að gera hjá fyrirtækjum sem þjónusta ferðamenn. MSC Magnifica er 92.409 brúttólestir og farþegarnir eru um 2.500.  Adventure of the Seas er hins vegar stærsta skemmtiferðaskip sem lagst hefur að bryggju á Akureyri, 137 þúsund brúttótonn. Farþegarnir eru um 3.000 og um 1.000 manns í áhöfn. Heimild Vikudagur.is

Vessel's Details

Þorsteinn Pétursson.

Þorsteinn Pétursson fyrrverandi lögreglumaður og forvarnarfulltrúi er fæddur hér á Akureyri 27. maí 1945. Foreldrar Þorsteins voru  hjónin  Pétur Jónsson skósmíðameistari og Sigurbjörg  Pétursdóttir húsmóðir.

Þorsteinn var ekki gamall þegar hann tók þá ákvörðun að gerast sjómaður. Aðeins 13 ára gamall fór hann í sína fyrstu veiðiferð á togara og eins og hann nefndi við mig var þetta sumarvinnan hans þetta sumarið. Togarinn var Sléttbakur EA - 4 og var Áki Stefánsson skipstjóri á skipinu.

En það fer ekki allt í lífinu eins og maður ætlar sér, kannski sérstaklega þegar menn eru ekki eldri en 13 ár þegar ákvörðun er tekin.

1962 útskrifaðist Þorsteinn sem gagnfræðingur frá Gagnfræðaskóla Akureyrar og  strax þá um vorið, nánar tiltekið 1. júní réði hann sig til skipasmíðastöðvar KEA og fór að læra skipasmíði. Hann útskrifaðist sem skipasmiður í maí 1966. Um það leyti sem hann hóf störf í skipasmíðastöðinni var verið að byrja smíði á Húna II HU - 2 en sem nú ber einkennisstafina Húni II EA - 740 en það eru einkennisstafir Snæfells sem Kaupfélag Eyfirðinga átti á sínum tíma og gerði út. Þorsteinn vann allan tímann að smíði Húna II. en hann var afhentur eigendum sínum í ágúst 1963 og skal því kannski engan undra að hann beri sterkar taugar til skipsins.

Eiginkona Þorsteins er Snjólaug Aðalsteinsdóttir frá Dalvík. Þau giftust 1966 og fluttu til Dalvíkur ári seinna og þar starfaði hann sem lögreglumaður til ársins 1970 er þau fluttust aftur til Akureyrar. Þau eiga þrjá syni og níu barnabörn. Þegar hingað var komið hóf hann störf sem lögreglumaður og starfaði sem slíkur allt fram til ársins 1986 en þá gerist hann tollfulltrúi hjá sýslumannsembættinu hér á Akureyri og starfaði hann við það í nokkur ár en þá sneri hann aftur til starfa í lögreglunni og varð forvarnarfulltrúi við það embætti jafnframt því sem hann sinnti starfi sem lögreglumaður allt til starfsloka 2010.

Eins og fram kemur í skjalinu sem fylgir þessari heiðrun Sjómannafélags Eyjafjarðar er félagið að heiðra Þorstein fyrir óeigingjarnt starf sitt vegna hans vinnu við varðveislu og uppbyggingu gamalla báta hér á Akureyri. Þar er verkefnið Húni II lang stærst og viðamesta verkið.

1994 var örlaga ár í sögu Húna II. Þá átti að fara að farga skipinu en sem betur fer voru ekki allir á því að þannig ætti saga þess að enda. Hjónin Þorvaldur Skaftason og Erna Sigurbjörnsdóttir keyptu skipið og gerðu það haffært á ný og gerðu það út til hvalaskoðunar frá Hafnarfirði um árabil.  2003 komu þau á skipinu til Akureyrar og reifuðu þá hugmynd hvort ekki væri áhugi hér á svæðinu um að kaupa skipið hingað norður. Þorsteinn Pétursson fór af stað í verkið og ári síðar, rétt fyrir sjómannadag 2004 kom skipið hingað norður. Í kjölfar þess voru stofnuð Hollvinasamtök Húna II og eru ófá handtökin sem unnin hafa verið um borð í skipinu undir handleiðslu skipasmiðsins Þorsteins Péturssonar og ber honum og öllum þeim sjálfboðaliðum í Hollvinasamtökunum gott vitni.

Steini, ég ber þér kveðjur frá sjómönnum í Sjómannafélagi Eyjafjarðar og hafðu kærar þakkir fyrir þetta starf þitt þannig að saga þessa arms sjómennskunnar falli ekki í gleymskunnar dá.

Samantekt Konráð  Alfreðsson Formaður  SE