Vikudagur er 10 ára í dag en fyrsta tölublaðið kom út þann 5. desember 1997. Það var Akureyringurinn Hjörleifur Hallgríms sem kom blaðinu á fót og rak það fyrstu 8 árin. Þórður Ingimarsson var ritstjóri blaðsins í á fjórða ár á upphafsárunum og sjálfur ritstýrði Hjörleifur blaðinu í á fimmta ár. Um áramótin 2005-2006 urðu eigendaskipti á Vikudegi, þegar Útgáfufélagið ehf. keypti reksturinn. Að því félagi standa, KEA, Ásprent, Birgir Guðmundsson og Kristján Kristjánsson núverandi ritstjóri. Eigendur Vikudags stefna ótrauðir að því að efla og styrkja blaðið enn frekar og horfa björtum augum til næstu 10 ára. Núverandi ritstjóri fv Kristján Kristjánsson og Hjörleifur Hallgrimsson stofnandi Vikudags Myndir þorgeir Baldursson
