Hvaða bátur hér er á ferðinni veit síðuritari ekki en myndirnar eru teknar suður af Snæfellsnesi, snemma í vikunni. Einhvað nafn er á stýrishúsinu, en það er of dauft til að hægt sé að lesa það, þó myndirnar séu stækkaðar. Á hliðum stýrishússins eru fimm stafar númer sem byrjar á A-, þá eru fánalitirnir íslensku málaðir á bátinn að framan, annað veit ég ekki um bátinn. Þó sá síðuritari að hann var við bryggju í nágrenni Kaffivagnsins í Reykjavík sl. miðvikudag, en hafði þá ekki tækifæri til að skoða hann nánar, enda þá ekki kominn með myndirnar. Það væri því gaman er einhver ykkar lesendur góðir vissi einhver deili á bátnum.
Þekkið þið bátinn? © myndir Þórarinn Ingi Ingason í okt. 2009
Éf um réttar ágiskanir séu að ræða um að þetta sé 1262. Vilborg ST 100, þá er þetta saga viðkomandi báts:
Smíðanr. 1 hjá Vör hf. á Akureyri 1972. Fiskiskip til 2005, að hann var skráður sem farþegaskip. Skemmdist mikið af eldi á Skjálfanda 2. sept. 2008. Dreginn til Húsavíkur af Sæborgu ÞH 55 og 8. október 2008 sótti Keilir SI 145 bátinn og dró til Siglufjarðar til viðgerðar.
Nöfn: Sjöfn ÞH 142, Ásgeir Torfason ÍS 96, Rúna RE 150, Óskar ÍS 68, Guðbjörg GK 517, Sigurpáll ÞH 130 og Vilborg ST 100.
