Vilhelm Hafþórsson verðlaunahafi ©mynd þorgeir Baldursson 2010
Vilhelm setur metið ©mynd þorgeir Baldursson 2010
Vilhelm Hafþórsson úr Óðni vann besta afrekið á árlegu Nýárssundmóti Íþróttasambands fatlaðra sem haldið var í Laugardalslauginni í Reykjavík siðastliðin, sunnudag. Hlaut hann að launum svonefndan sjómannabikar. Óðinn átti tæplega 20 keppendur á mótinu.
Nýársmót fatlaðra er fyrir börn og unglinga 17 ára og yngri og er viðburður sem gleymist seint þeim er upplifa hann. Þarna eru saman komnir bæði reyndir sundmenn og byrjendur, sem er leyft að synda með hjálpartæki og þjálfara sinn við hlið sér. Allir fá þátttökuverðlaun, aðeins er keppt um stigahæsta sund og þá veittur áðurnefndur sjómannabikar, fyrir besta afrekið á mótinu sem reiknað er út frá heimsmeti í fötlunarflokki viðkomandi. Bikarinn fékk Vilhelm fyrir 50m. skriðsundi er hann synti á tímanum 28,28 sek. og hlaut 657 stig. Sannarlega glæsilegur árangur enda afar eftirsótt að vinna sjómannabikarinn.
Að venju stóð Óðins-hópurinn sig mjög vel og vakti verðskuldaða athygli. Krakkarnir voru almennt að bæta tímana sína og gaman var að fylgjast með árangrinum sem æfingarnar höfðu skilað
