Vikingur AK 100 © Mynd þorgeir Baldursson 2010
I gær voru 50 ár frá því tog- og nótaskipið Víkingur AK kom í fyrsta sinn til heimahafnar á Akranesi.
Í tilefni tímamótanna var öllum fyrrverandi skipverjum og öðrum velunnurum skipsins boðið í kaffisamsæti í matsal HB Granda á Akranesi og hófst hátíðin með því að starfsmenn Landhelgisgæslunnar settu púðurhleðslu í gamla fallbyssu og skutu síðan fagnaðarskotum.
Síldar- og fiskimjölsverksmiðja Akraness lét smíða Víking hjá AG Weber Werk í Bremerhaven í Þýskalandi. Skipið var 950 brúttólestir með 2.400 hestafla vél og ganghraðinn var 16-17 sjómílur á klukkustund, að því er fram kemur í umfjöllun um þessi tímamót í Morgunblaðinu í dag.
Frá byrjun hefur Víkingur verið aflahæsta skipið í sínum flokki eða í hópi þeirra aflahæstu. Heildaraflinn er um 932.000 tonn og þar af tæplega 46.000 tonn af bolfiski. Undanfarin ár hefur skipið lengst af legið í höfn á Akranesi en verið notað til loðnuveiða frá 2005 og landaði síðast loðnu á Akranesi 28. febrúar fyrr á þessu ári.Skipstjóri á Viking er Magnús Þorvaldsson
