Nýr bátur var sjósettur á Patreksfirði á sunnudaginn var. Báturinn heitir Fönix BA - 123 og er 15 brúttótonn. Skelin var keypt hjá Bátasmiðju Guðmundar í Hafnarfirði en smíði hans var fullkláruð á Patreksfirði í vetur. Eigandi bátsins er Hafþór Jónsson útgerðarmaður á Patreksfirði. Hafþór reiknar með að báturinn fari sína fyrstu veiðiferð á grásleppuna núna um komandi vertíð. Ætlunin er í framhaldinu að gera hann út á línuveiðar.
