|
108 Húni EA 740 Siglir með skólakrakka mynd þorgeir Baldursson 24 ágúst 2021
Á hverju hausti sigla Hollvinir Húna II með nemendur 6. bekkjar á Akureyri og Eyjafirði í veiði og fræðsluferðir. Í ferðunum fræðast þau um bátinn Húna II og smíði hans, um lífríki sjávar og hollustu fisksins .Fjallað er um hafið kring um landið og þau verðmæti sem við þurfum að nýta og vernda td. með því að halda hafsvæðinu hreinu. Þau skoða stjórntæki í brú, veiða fisk sem síðan er krufinn, flakaður grillaður og snæddur. Þetta er unnið í samstarfi við Akureyrarbæ, Samherja og Háskólann á Akureyri. Rúmlega 300 nemendur sigla þetta haustið. Áhöfnin á Húna II eru 10 í þessum ferðum og öll vinna unnin í sjálfboðavinnu.og i dag sigldu með Húna 43 nemendur úr Naustaskóla
skipstjóri á Húna er margreyndur aflaskipstjóri Arngrimur Brynjólfsson sem að var lengi með
Vilhelm Þorsteinsson EA11 og Kristinu EA 410
|
