Þetta er fyrsti báturinn sem Trefjar afgreiða úr nýrri skipasmíðastöð sem opnuð hefur verið að Óseyrarbraut 29 í Hafnarfirði.

Aðalvél bátsins er af gerðinni Yanmar 6HYM 700hp tengd ZF V-gír.  Í bæatnum er ljósavél að gerðinni Westerbeke.  Báturinn er útbúinn fullkomnum siglingatækjum af gerðinni JRC. Hann er með vökvadrifinni hliðarskrúfu sem tengd er sjálfstýringu hans.
Báturinn er útbúinn til netaveiða auk þess aðstunda veiðar á kóngakrabba hluta úr ári. Netabúnaður frá Rapp. Í bátnum er ískrapavél frá Kælingu.  Öryggisbúnaður bátsins kemur frá Viking-björgunarbúnaði. Rými er fyrir 11stk 660 lítra kör í lest. Í bátnum er upphituð stakkageymsla og sturtuklefi. Borðsalur er í brúnni auk stóla fyrir skipstjóra og háseta.
Svefnpláss er fyrir fjóra í lúkar auk eldunaraðstöðu með eldavél, örbylgjuofn og ísskáp.  Reiknað er með að báturinn hefji veiðar nú í desember.

Eftirfarandi frétt mátti lesa á vf.is í morgun: Íbúar Reykjanesbæjar hafa undanfarna daga fylgst með síldveiðiskipum við veiðar, nánast alveg við fjöruborðið. Sú sjón heyrir nú sögunni til því Hafró hefur  beitt skyndilokun á stóru svæði í sunnanverðum Faxaflóa og einnig á síldveiðisvæðinu við Vestmannaeyjar þar sem skipin voru farin að fá stór köst. Ástæða lokunarinnar er allt of hátt hlutfall smásíldar í aflanum, samkvæmt því er fram kemur á visi.is en þar segir að þessi ákvörðun Hafró sé reiðarslag fyrir síldveiðiflotann.

Í framhaldi af frétt þessari birtum við nú syrpu frá veiðunum í gær, sem var annar og um leið síðasti veiðidagurinn á síldveiðunum við Keflavík.

                                                       155.  Lundey NS 14

                                       Lundey og Hákon EA
                         1060. Súlan EA 300 og 2410. Vilhelm Þorsteinsson EA 11

        Frá öðrum og síðari degi síldveiðanna úti af Keflavík © myndir Emil Páll

Þessar myndir komu úr safni Guðjóns Ólafssonar, en ekkert er vitað um hvaða stað, eða hvaða skip þær eru að sýna.



                Óþekktir staðir og skip? © myndir úr safni Guðjóns Ólafssonar