2449 Steinunn SF10 mynd þorgeir Baldursson 

2403 Hvanney SF 51 mynd þorgeir Baldursson  Nesfiskur hf. í Garði hefur gert kauptilboð í tvö skip í eigu Skinneyjar-Þinganess á Hornafirði. Um er að ræða skipin Hvanney SF og Steinunni SF en bæði eru um 29 metrar á lengd og smíðuð í Kína árið 2001. Kauptilboðið miðast við að skipin verði seld án aflahlut- deildar eða annarra aflaheimilda. Aflahlutdeildir skipanna verða fluttar til annarra skipa Skinneyjar-Þinganess. Sveitar- félaginu var boðið að neyta forkaupsréttar á skipunum. Bæjarráð Hornafjarðar gerir ekki athugasemd við að skipin verði seld. Sveitarfélagið mun ekki nýta forkaupsréttar á þeim. Ný skip á leiðinni Skinney-Þinganes undirritaði samning um smíði á tveimur nýjum togskipum í desember 2017. Koma þau í stað Hvanneyjar SF og Steinunnar SF. Áætlað var að smíði hvors skips tæki 14 mánuði og er gert ráð fyrir að skipin verði afhent í október og nóvember 2019. Skipin eru smíðuð af VARD í Noregi en fyrirkomulag og val á búnaði er unnið í samstarfi við útgerðirn- ar. Skipin verða 28,95 metar að lengd og 12 metrar að breidd. Í skipunum verða tvær aðalvélar með tveimur skrúfum. Ný kyn- slóð rafmagnsspila verða í skip- unum frá Seaonics. Þessi nýju systurskip verða vel búin í alla staði og í þeim verða íbúðir fyrir 13 manns. Þau munu taka um 80 tonn af ísuð- um fiski í lest. Heimild Fiskifrettir  Myndir Þorgeir Baldursson

                   Stormur HF 294 Mynd Tryggvi Sigurðsson 2017

Samist hefur um kaup kanadísks útgerðarfélags á línu- og netaskipinu Stormi HF af Stormi Seafood í Hafnarfirði. Kaupverðið er 140 milljónir evra, um 1,9 milljarður ÍSK. Nú er aðeins beðið eftir frágangi á fjármögnun kaupanna. Skipið hefur legið við festar í Reykjavíkurhöfn í á þriðja ár. Hingað kom það úr breytingu í Póllandi í desember 2017.

Skipið var smíðað á Nýfundnalandi árið 2005 og var 25 metrar á lengd og 9,20 á breidd. Smíðin var fjármögnuð af Landsbankanum og komst skipið í eigu þrotabús bankans í hruninu. Þá hafði verið lokið við um 80% af smíði skipsins. Það hafði verið til sölu í mörg ár þegar Stormur Seafood keypti það loks árið 2015. Skrokkurinn var dreginn til Gdansk í Póllandi þar sem skipið var lengt um 23 metra sem er Íslandsmet í lengingu.

Ákvörðunin um kaupin og endursmíði skipsins var tekin í tíð Steindórs Sigurgeirssonar, þáverandi framkvæmdastjóra og eiganda Storms Seafood. Eftir að skipið kom til Íslands seldi Steindór fyrirtækið og kvóta sem og skipið til nýrra eigenda.

Fyrsta rafknúna fiskiskipið

Stormur er eitt hið tæknilegasta og óvenjulegasta í íslenska flotanum. Það er fyrsta rafknúna fiskiskip landsins. Rafmagnið er framleitt í þremur ljósavélum og öll orkustýringin er sjálfvirk og skipið einkar orkusparneytið. Það er jafnt hægt að gera það út á línu- og netaveiðar. Á stjórnborða er hliðarbrunnur þar sem línan verður dregin. Vegna þess hve rafmótorinn er fyrirferðalítið er lestarrýmið mjög stórt miðað við skip af þessari stærð og svipar til lestarrýmis nýrra skipa HB Granda.

Stormi var siglt frá Póllandi til Íslands 2015 og hefur síðan legið óhreyft í Reykjavíkurhöfn. Kanadíska útgerðarfélagið, sem er staðsett á sunnanverðu Baffinslandi, ætlar að gera skipið út á grálúðuveiðar á línu. Fulltrúar þess hafa í þrígang komið til landsins til að skoða skipið. Undirritaður hefur verið samningur um kaupin. Útgerðin hefur frest fram til 15. apríl að ganga frá fjármögnuninni.

Heimild Fiskifrettir 

mynd Tryggvi Sigurðsson  

       Sigþór Kjartansson skipst Sólbergs ÓF 1mynd þorgeir Baldursson 2018

2917 Sólberg ÓF1 mynd þorgeir Baldursson 2019             Sólberg ÓF við bryggju á Siglufirði mynd þorgeir Baldursson           Mjölinu landað úr Sólbergi  á Siglufirði Mynd þorgeir Baldursson 2019   Mjöli,frostnum afurðum, og lýsi .öllu landað á sama tima mynd þorgeir 2019                   Aflinn á brettum i lestinni mynd þorgeir Baldursson 2019                Landað úr Sólberginu ÓF1 mynd þorgeir Baldursson 2019                  Lýsistankur úr Sólbergi ÓF 1 mynd þorgeir Baldursson 2019              Löndun i Fullum gangi Úr Sólberginu Mynd þorgeir Baldursson 2019   Sigþór Kjartansson skipstjóri á Sólbergi ÓF-1 og áhöfn hans komu fyrir helgi úr mettúr í Barentshafinu. Eftirtekjan var um 1800 tonn eftir 37 daga veiðiferð úti fyrir Norður-Noregi. Allt var vaðandi í loðnu meðan veiðarnar stóðu yfir og fiskurinn vel haldinn. Segir Sigþór skynsamlegt af Norðmönnum og Rússum að gefa ekki út loðnukvóta fyrir þetta ár. „Við erum þokkalega glaðir eftir þennan túr. Þetta gekk allt saman mjög vel. Við fórum út að kvöldi 1. febrúar og siglingin tók þrjá og hálfan sólarhring. Við vorum mikið úti fyrir Honningsvåg, Hammerfest og Nordkap svæðinu. Heilt yfir var þarna ágætis veður en veðrabrigðin voru dálítið skrautleg. Eins og hendi væri veifað voru komnir þarna 34 metrar á sekúndu og stórhríð. Veðrabreytingarnar voru öfgakenndar en brælan stóð þó aldrei lengi yfir og það náði aldrei vondum sjóum eins og gerist við Ísland,“ segir Sigþór. Góð aflabrögð Hann segir aflabrögðin hafa verið mjög góð. Það komu þó dagar sem þurfti að hafa fyrir veiðinni og dregin voru löng tog. En aflinn var oftast nær mjög góður, um 90% þorskur. Sigþór er sáttur við Smugusamninginn svonefnda milli Íslendinga, Norðmanna og Rússa. „Það var nú ljóta vitleysan þegar við vorum að fara í Smuguna. Veiðin gat dottið niður í ekkert og menn létu bara reka. Þetta er allt annað líf núna. Styttra að fara og öruggara fiskirí.“ Sigþór segir þorskinn heilt yfir frekar vænni en af Íslandsmiðum. Engu að síður hafi verið meira um blandaðan fisk af stærð í þessum túr en oft áður.  Oftast í marsmánuði, þegar veiðin er hvað mest við Lofoten, hefur uppistaðan verið risafiskur og oft til vandræða hvað hann er stór. Í þessum túr hafi komið tímabil þar sem smærri fiskur hafi verið með. „Fiskurinn er troðfullur af loðnu og það var eiginlega sama hvar við vorum – alls staðar var loðna. Það eru loðnuflekkir í sjó víða. Norðmenn og Rússar gerðu með sér samkomulag um að veiða enga loðnu. Þeir vilja hafa hana fyrir þorskinn og ég er ekki frá því að það sé skynsamlegt. Þetta mætti prófa hérna heima líka.“ Mjöl og lýsi Það varð tilefni til fréttaskrifa þegar Sólbergið kom úr Barentshafinu á svipuðum tíma í fyrra með sennilega mesta afla sem íslenskt skip hefur komið með úr einni veiðiferð, alls um 1.760 tonn upp úr sjó. Í þeim túr var megnið af aflanum bitaskorið sem var nýjung hjá íslensku skipi. Eftir túrinn núna var aflinn enn meiri, eða um 1.885 tonn. Ætla má að aflaverðmætið sé hátt á sjötta hundrað milljónir króna. Sólbergið náði öllum sínum kvóta í þessum eina túr en á gamla Mánaberginu voru túrarnir yfirleitt tveir. Í Sólberginu eru flökunarvélar og hausarar frá Vélfagi á Ólafsfirði. Hægt er að bitaskera fiskinn þótt það hafi ekki verið gert að ráði í síðustu veiðiferð en í fyrra var komið úr Barentshafinu með mikið af hnökkum. Auk bolfisks var landað úr Sólberginu um 120 tonnum af mjöli og líklega um 30.000 lítrum af lýsi. Norska strandgæslan leit við í eftirlitsferð og undraðist mjög að lýsi væri einum tankinum. Það má því segja að allt verði að verðmætum sem kemur úr hafinu um borð í Sólbergið. Framundan er svo hefðbundin veiði á heimamiðum. Sigþór og áhöfn hans fá langþráð frí  en Trausti Kristinsson skipstjóri og hans áhöfn taka við keflinu. Heimild Fiskifrettir  Guðjón Guðmundsson  Myndir Þorgeir Baldursson

  Stigandi Ve 77 myn þorgeir Baldursson 

              2350 Árni Friðriksson RE 200 á Eyjafirði Mynd Andri Snær 2019 

Mik­il leit að loðnu í all­an vet­ur hef­ur ekki borið ár­ang­ur og ákveðið var á mánu­dag að hætta form­legri leit. Það er þó ekki aðeins loðnan í vet­ur sem veld­ur áhyggj­um því fyrstu mæl­ing­ar á ár­gang­in­um sem bera á uppi veiðar næsta vetr­ar gáfu ekki til­efni til bjart­sýni. Þá er óvissa varðandi fleiri upp­sjáv­ar­teg­und­ir.

Ekki verður annað sagt en mikið hafi verið lagt í loðnu­leit vetr­ar­ins. Þannig hafa rann­sókna­skip­in verið í um 40 daga sam­tals við leit og veiðiskip í alls 76 daga frá því að Heima­ey VE fór í leiðang­ur skömmu fyr­ir jól. Kostnaður af út­haldi veiðiskip­anna er hátt í 130 millj­ón­ir og skipt­ist hann á út­gerðir í sam­ræmi við hlut­deild í loðnu.

Að auki svipuðust tvö norsk skip eft­ir loðnunni fyr­ir aust­an og norðan í nokkra daga í fe­brú­ar. Um borð í veiðiskip­un­um voru hverju sinni 2-4 starfs­menn Haf­rann­sókna­stofn­un­ar, oft­ast fjór­ir.

Þó svo að form­legri loðnu­leit hafi verið hætt í fyrra­dag þá mun Haf­rann­sókna­stofn­un áfram fylgj­ast með frétt­um af loðnu fyr­ir norðan land og gera ráðstaf­an­ir þyki til­efni til. Á Húna­flóa veidd­ist hrygn­ing­ar­loðna eft­ir miðjan mars­mánuð í fyrra, að því er fram kem­ur í frétta­skýr­ingu um loðnu­leit­ina í Morg­un­blaðinnu í dag.

       Celebrity Eclipse við Bryggju á Akureyri mynd þorgeir Baldursson 

                        Celebrity Silhouette á siglingu i miðjarðarhafi  

Celebrity Silhouette fór í sína jómfrúarferð í júlí 2011, er 122.000 rúm lestir, um 315 metrar á lengd og með rými fyrir 2886 farþega.  Skipið er 12 hæðir. Á efsta þilfari er Sveitaklúbburinn The Lawn Club með vel snyrtri grasflöt, sólarlagsbarnum og keilubrautum.

Lido er næst efsta þilfarið með skokkbraut, setustofum, veitingastað og bar, allt með miklu útsýni. Resort þilfarið er með sundlaugum, sundlaugarbar, sólbekkjum og heilsulindinni Aquaspa. Þar eru nuddpottar, gufa, sauna og endalausir mögluleikar á ýmsum dekur- og heilsubætandi meðferðum. Entertainment þilfarið er með veitingastaði, listmunasölur, kaffihús, ísbúðir o.fl.  Á Promenade þilfarinu eru litlar verslanir, vínbarir og spilavíti.

Kvöldverður eru borin fram í aðal veitingasal skipsins, sem er á tveimur hæðum. Fleiri veitingastaðir eru um borð eins og Murano sem er með úrval alþjóðlegra rétta á matseðlinum og Tuscan Grille , sem býður ítalska rétti og lúxus steikur.  Silk Harvest er með asískt eldhús. Bóka þarf borð og greiða þjónustugjald á sérrétta veitingastöðum skipsins, gjaldið er frá 20 – 50 usd á mann, fer eftir stöðum.

Barir og seturstofur eru um allt skip og þegar kvölda eru glæsilegar sýningar og uppákomur í leikhúsinu, sem er á þremur hæðum.

Vínspesíallistar frá vínræktarhéruðunum í Napa Valley eru á barnum Cellar Masters og kenna ykkur  að þekkja göfug vín og velja það besta um borð.