Janus ex Birtingur og Börkur Nk

23.01.2021 22:26

Týr Kallaður út i sjúkraflutninga til Siglufjarðar

Týr kallaður út til Siglufjarðar

Skipið á siglingu út Eyjafjörð. mbl.is/Þ?orgeir Baldursson

Týr, varðskip Landhelgisgæslunnar, er á leið til Siglufjarðar til að sinna sjúkraflutningum.

Áhöfn lagði af stað nú á tíunda tímanum úr Eyjafirði en að sögn Ásgeirs Erlendssonar upplýsingafulltrúa Gæslunnar er um þriggja og hálfs tíma ferð inn á Siglufjörð. Þar mun áhöfn sækja veikan mann og flytja sjóleiðina til Akureyrar, en ófært er landleiðina.

Landfestar leystar frá Akureyri í kvöld. mbl.is/Þ?orgeir Baldursson

Til taks í Eyjafirði

Týr hefur verið til taks í Eyjafirði síðustu daga vegna snjóflóðahættu á Norðurlandi en þetta er fyrsta formlega útkall þess frá því það kom norður á fimmtudag, samkvæmt upplýsingum frá Gæslunni.

Skrifað af Þorgeir

23.01.2021 19:52

Hátt viðbúnaðarstig hjá Landhelgisgæslunni

Þór, varðskip Landhelgisgæslunnar, mun halda úr höfn í Reykjavík í kvöld og er stefnan sett vestur á Flateyri.

Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is. Skipið verður komið vestur í fyrramálið.

Hættustigi hefur verið lýst yfir vegna snjóflóða á Flateyri og Ísafirði, og hafa þrjú hús á Flateyri verið rýmd vegna snjóflóðahættu.

Þá er hættustig einnig í gildi á Siglufirði, þar sem hluti bæjarins hefur verið rýmdur.

Annað skip Landhelgisgæslunnar, Týr, er til taks í Eyjafirði en það hélt norður á miðvikudag í sömu erindagjörðum.

Ásgeir segir að skip Landhelgisgæslunnar geti nýst við ýmiss konar verkefni.

Um borð í skipunum sé áhöfn sem er sérþjálfuð til ýmissa björgunarstarfa,

auk þess sem hægt sé að nýta skipin til að flytja fólk sjóleiðina ef landleið reynist ófær.

Einar Valsson Skipherra á Týr á brúarvængnum i dag

Varðskipið Týr á Akureyri i dag Mynd þorgeir Baldursson 23 jan 2021

Varðskipið Þór við bryggju á Dalvik 19 des 2019 mynd þorgeir Baldursson

Skrifað af Þorgeir

21.01.2021 23:21

FYRSTA LOÐNAN SÍÐAN 2018

Polar Anaroq mynd þorgeir Baldursson 2015

Grænlenska skipið Polar Amaroq fékk 20-30 tonn af loðnu í gærkvöldi í trollhólfinu austur af landinu en það er fyrsta loðnan sem veiðist hér við land frá árinu 2018. Tekið var eitt hol í leiðindaveðri.

Heimasíða Síldarvinnslunnar ræddi við Sigurð Grétar Guðmundsson skipstjóra.

„Við prufuðum að kasta í gær rétt áður en dimmdi en veðrið var afskaplega leiðinlegt. Við leituðum síðan í nótt en það er bara ekkert veiðiveður. Við fengum um 20-30 tonn af stórri loðnu en það er töluverð áta í henni. Við munum frysta aflann um borð. Það er bullandi bræla og ég held að sé ekkert annað að gera en að leita vars,“ segir Sigurður.
Útgefinn loðnukvóti Polar Amaroq er 1155 tonn.

Skrifað af Þorgeir

21.01.2021 20:53

Leiðindaveður i Eyjafirði i dag

Leiðinda veður hefur verið á norðulandi siðustu daga og mikil ofankoma i formi snjókomu tók smá myndahring

og hérna er afraksturinn

Hauganes um kl 13 i dag Hvalaskoðunnarbátar við Bryggju mynd þorgeir Baldursson 21 jan 2021

Hriseyjarferjan Sævar kemur i Árskóssand um kl 14 mynd þorgeir Baldursson 21 jan 2021

Janus i klakaböndum á Akureyri i dag 21 jan 2021 mynd þorgeir Baldursson

6152 Adda EA 34 snæviþakin i Smábátahöfninni á Akureyrii dag mynd þorgeir Baldursson 21 jan 2021

1783 skútan Paradis i Smábátahöfninni i dag mynd þorgeir Baldursson 21 jan 2021

Skrifað af Þorgeir

19.01.2021 20:40

Samkomulag og viljayfirlýsing um kaup á björgunarskipum

Frá undirrituninni í dag. Á myndinni eru Þór Þorsteinsson, formaður Landsbjargar, Áslaug Arna Sigurbjörnsdóttir dómsmálaráðherra, Katrín Jakobsdóttir forsætisráðherra, Sigurður Ingi Jóhannsson, samgöngu- og sveitarstjórnarráðherra, og Bjarni Benediktsson, fjármála- og efnahagsráðherra. - mynd — Frá undirrituninni í dag. Á myndinni eru Þór Þorsteinsson, formaður Landsbjargar, Áslaug Arna Sigurbjörnsdóttir dómsmálaráðherra, Katrín Jakobsdóttir forsætisráðherra, Sigurður Ingi Jóhannsson, samgöngu- og sveitarstjórnarráðherra, og Bjarni Benediktsson, fjármála- og efnahagsráðherra.

Ríkið mun veita Landsbjörgu allt að 450 milljóna króna framlag til kaupa á þremur björgunarskipum á árunum 2021-2023. Skrifað var undir samkomulag þess efnis í dag en þar að auki var undirrituð viljayfirlýsing um kaup á sjö skipum til viðbótar á næstu tíu árum.

Samkomulagið og viljayfirlýsingin byggjast á tillögum starfshóps um eflingu björgunarskipa Landsbjargar sem forsætisráðherra skipaði í desember 2019. Starfshópurinn var skipaður í kjölfar þess að Alþingi vísaði þingsályktunartillögu um eflingu björgunarskipaflota Landsbjargar til ríkisstjórnarinnar í maí 2019. Var forsætisráðherra falið að taka málið til skoðunar og tryggja verkefninu framgang og fjármagn.

Kaupin eru liður í því að endurnýja skipakost Landsbjargar sem er kominn til ára sinna. Markmiðið er að leggja grunn að enn öflugra starfi Landsbjargar á komandi árum, efla útkallsgetu björgunarsveita og tryggja öryggi skipa og áhafna þeirra.

Í samkomulagi um kaup á þremur björgunarskipum fyrir Landsbjörg felst að ríkið greiði helming kostnaðar fyrir hvert skip. Hámarkskostnaður við hvert skip verði ekki meiri en 300 milljónir, þannig að hlutur ríkisins gæti orðið 150 milljónir. Í fjármálaáætlun fyrir árin 2021-2025 er gert ráð fyrir 450 milljóna króna framlagi vegna þessa.

Skrifað af Þorgeir

19.01.2021 08:29

19.119 TONN AF LOÐNU TIL NORÐMANNA

Norsk Loðnuskip við bryggju á Akureyri 2018 mynd þorgeir Baldursson

Verði endanlegur loðnukvóti í ár aðeins 21.800 tonn, munu 19.119 tonn af því koma í hlut norskra skipa.

Í samræmi við Smugusamninginn um veiðar íslenskra skipa í Barentshafi ætti hlutur Norðmanna að vera 25.641 tonn, en nú er tekið tillit til þess hve lágur kvótinn er.

Heimildir Norðmanna byggjast á 5% hlutdeild úr heildarkvóta og yfirfærslu 1.679 tonna frá ESB og 6.350 tonna úr Smugusamningnum.

Samtals gefur þetta Norðmönnum 19.119 tonna kvóta nú samkvæmt heimasíðu samtaka norskra útgerðarmanna.

Vart hefur orðið mikillar loðnu fyrir austan land og standa mælingar á loðnugöngunni nú yfir. Eftir þær mælingar kemur í ljós hver hvort kvótinn verði aukinn.

Teksti audlindin.is

Myndir Þorgeir Baldursson

2265 Arnar HU 1 á togi i Barentshafi mynd þorgeir Baldursson 2018

Skrifað af Þorgeir

18.01.2021 23:15

Fæðuskortur gæti verið skýringin

1661 Gullver NS12 á Austfjarðamiðum mynd þorgeir Baldursson 2020

Búið að vera dræmt úti fyrir Austurlandi

Fæðuskortur gæti verið skýringin

Á sama tíma og vel fiskast úti fyrir Vestfjörðum er veiðin fremur dræm úti fyrir Austurlandi og hefur verið allt frá því í haust. Steinþór Hálfdánarson, stýrimaður og afleysingarskipstjóri á Gullveri NS frá Seyðisfirði, segir að náðst hafi gott ufsaskot í Lónsdýpinu, um 40-50 tonn. Alls voru komin um 70 tonn í lest.

GUÐJÓN GUÐMUNDSSON
gugu@fiskifrettir.is

Gullver var í Lónsdýpi um 60 sjómílur út af landi þegar rætt var við Steinþór. Hann sagði að veiðarnar gengju upp og ofan en undanfarið hefði verið brælutíð.
„Við erum hérna í Lónsdýpi að leita að þorski. Það hefur ekki verið mikið af fiski. Mér finnst þetta hafa verið óvenju dapurt allt haustið og það sem af er þessu ári hérna fyrir austan og víðar. Það hefur reyndar verið ágæt veiði fyrir vestan undanfarið en við höfum ekki farið þangað. Auðvitað gætum við farið þangað og landað þá einhvers staðar annars staðar en hér heima,“ segir Steinþór.

Steinþór var áður skipstjóri á Bjart NK og síðast á Barða NK allt þar til hann var seldur til Rússlands sumarið 2017.
Veiðar gengu vel framan af síðasta ári á Gullveri og skilaði hann á land nálægt um 5.000 tonnum á árinu. Haustið var hins vegar óvenju lélegt, að sögn Steinþórs.
Vorrall í mars

„Ég held að það vanti bara æti hérna. Makríllinn kom náttúrulega ekkert hingað austur með landinu og það virðist bara skipta sköpum. Það var reyndar óvenjumikið af síld hérna fyrri hluta hausts og meðan það var veiddist ágætlega. Frá miðjum október og fram að þessu hefur þetta verið mjög tregt í þorski og lítið sést af ufsa.“
Að undanförnu hefur meðaltúrinn verið 50-70 tonn eftir um fjögurra til fimm daga túra sem Steinþór segir að sé auðvitað bara lélegt. Fram að því hafði meðaltúrinn gefið 25-30 tonn á dag.
Gullverið hefur ekki farið nema einstaka túra á vetrarvertíð fyrir sunnan land. Framundan sé vorrallið sem Gullverið tekur þátt í og fer lunginn af marsmánuði fer í það.

„Við verðum á norðaustursvæðinu og þar hefur aldrei fengist fiskur í ralli. Við erum að fá svipuð laun þannig að þetta kemur ekkert illa út fyrir okkur. Auk þess spörum við kvóta og fáum kvóta í staðinn. Rúmir 20 dagar fara í rallið þannig að með stoppum fer nánast allur marsmánuður í rallið,“ segir Steinþór.

Vantar loðnuna

Í framhaldinu verði skipið á heimamiðum en Steinþór telur þó ekki ósennilegt að eitthvað verði sótt vestur með landinu á hefðbundna vertíðarslóð. Hann vonast þó til þess að loðna gangi í suðurátt svo veiðin glæðist fyrir austan.
„Það hefur bara verið fæðuskortur hérna. Ég held að það sé meginskýringin. Það er engin spurning að það kemur fiskur á eftir loðnunni. Spurningin er bara hve mikið gengur af loðnu hingað. Um áramótin urðum við varir við lítið magn norður af Digranesflaki, Sléttugrunni og Langanesgrunni en það var sáralítið af loðnu í fiski. En það er reyndar nokkuð frá liðið. Það hefur verið fín veiði fyrir vestan frá því loðna fór að sjást en það hafði lítið sem ekkert fiskast þar frá því seinnipart sumars og fram á haust sem er heldur óvenjulegt á þessum tíma.“

Steinþór hóf störf hjá Síldarvinnslunni árið 1969, þá 16 ára gamall. Hann hefur því séð tímana tvenna til sjós. Hann segir að stóra breytingin á þessum tíma til sjós séu samskiptin í land. Allt önnur tækni sé líka til veiða en var áður þegar menn höfðu ekki annað til að reiða sig á en einn dýptarmæli. Annað byggðist að mestu á ágiskunum og innsæi skipstjórnarmanna.

Skrifað af Þorgeir

18.01.2021 20:37

Þokkalegt útlit á Austfjarðamiðum

2618 Jóna Eðvalds SF 200 mynd þorgeir Baldursson

Skrifað af Þorgeir

18.01.2021 20:31

Skip Brims færðu 128.000 tonn að landi í fyrra

2890 Akurey Ak 10 mynd þorgeir Baldursson

Heildarafli skipa Brims var um 11 þúsund tonnum minni afli en 2019. Heildaraflaverðmæti jókst um 525 milljónir króna milli ára.

Heildarafli skipa útgerðarfélagsins Brims var 128 þúsund tonn á árinu 2020, sem er um 11 þúsund tonnum minni afli en 2019.

Frá því segir á heimasíðu félagsins.

Afli uppsjávarskipa dróst saman um 7 þúsund tonn milli ára og munaði þar mestu um minni afla í kolmunna en árið áður. Engar loðnuveiðar voru leyfðar á árinu 2020 eða 2019.

Afli frystitogara var um svipaður og 2019.

Afli ísfiskskipa var tæplega 3 þúsund tonnum minni en 2019 aðallega vegna lokunar fiskiðjuversins við Norðurgarð, en það var lokað í um þrjá mánuði vegna endurnýjunar á vinnslubúnaði og lagfæringa á húsnæði. Með kaupunum á Kambi á síðasta ári bættist línuskipið Kristján HF 100 í flotann.

Heildaraflaverðmæti skipa félagsins var rúmlega átján milljarðar króna, og jókst um 525 milljónir króna milli ára. Hér má finna sundurliðun heildaraflans eftir skipum.

Skrifað af Þorgeir

18.01.2021 11:01

Kirkella kemst ekki til veiða

Kirkella H 7 á veiðum i Barentshafi mynd þorgeir Baldursson 2018

Flaggskip breska úthafsveiðiflotans er kvótalaust eftir Brexit. Það hefur í meira en mánuð verið bundið við bryggju í Hull.

Skipið er í eigu breska fyrirtækisins UK Fisheries, sem er í eigu Samherja og hollensks útgerðarfyrirtækis.

Eitt stærsta skip breska flotans, frystitogarinn Kirkella, kemst ekki til veiða vegna þess að samningur Evrópusambandsins við Noreg um veiðarnar féll úr gildi þegar Bretland gekk úr Evrópusambandinu nú um áramótin.

„Enginn getur haft efni á því að sitja á 50 milljón punda fiskiskipi aðgerðarlausu til eilífðarnóns,“ segir Trevor Datson, talsmaður útgerðarinnar.

Kirkella er 81 metra langur frystitogari, til þess að gera splunkunýr því aðeins tvö og hálft ár er síðan það kom nýtt til Bretlands. Skipið hefur stundað úthafsveiðar á þorski og ýsu í norskri lögsögu og við Svalbarða.

„Venjulega væri skipið á siglingu inn í norska lögsögu eða til Svalbarða á þessum tíma árs, að hefja veiðar. En við erum ekki með neinn kvóta núna,“ segir Datson.

Datson sagði þríhliða viðræður milli Noregs, Bretlands og Evrópusambandsins vera að fara af stað nú í vikunni, en í kjölfar þeirra þurfi síðan að fara fram tvíhliða viðræður milli Noregs og Bretlands.

Komið í óefni

Útgerðin hefur harðlega gagnrýnt bresk stjórnvöld fyrir að sinna þessu máli ekki fyrr en í óefni var komið.

„Bresk stjórnvöld hafa lengi vitað af því að þessi staða myndi koma upp. Við höfum talað um það í meira en tvö ár.“

Hann sagðist þó ekki telja að samningsgerðin við Noreg þurfi að vera flókin.

„Það sem við erum að fara fram á er bara framhald á því fyrirkomulagi sem verið hefur í gildi. Við höldum að Norðmenn myndu taka því fagnandi að gera samning við okkur því þeir þurfa að veiða í okkar lögsögu líka.“

Hann bendir hins vegar á að allt sem tengist sjávarútvegi verði iðulega býsna flókið viðureignar þegar á reynir.

„Við höfum sagt að hvenær sem tveir sjómenn koma saman þar eru strax komnar upp fjórar ólíkar skoðanir.“

Tjón fyrir marga

Datson segir efnahagslegt tjón vera töluvert, ekki aðeins fyrir útgerðina heldur ekki síður fyrir sjómennina og fjölskyldur þeirra.

„Við erum með hundrað manna áhöfn og fólk sem reiðir sig á Kirkella um framfærslu. Við erum líka með sögu úthafsveiða sem nær aftur í aldir.“

Hann sagðist þó bjartsýnn á að bresk stjórnvöld muni á endanum koma til móts við útgerðina.

Skipstjórarnir á Kirkella eru tveir og þeir eru báðir íslenskir, enda er Kirkella gert út af breska fyrirtækinu UK Fisheries, sem er í eigu Samherja og hollenska útgerðarfyrirtækisins Parlevliet & Van der Plas.

Engir hnökrar þrátt fyrir Brexit

Þrátt fyrir útgöngu Bretlands úr Evrópusambandinu hafa þó engir hnökrar hafa orðið á útflutningi á íslenskum fiski til Grimsby eftir áramótin, að því er Martyn Boyer, framkvæmdastjóri fiskmarkaðarins í Grimsby (Grimsby Fish Market) segir.

Hann telur ekki að Brexit muni breyta neinu fyrir íslenskar sjávarafurðir í Bretlandi.

„Eftir frídaga um hátíðarnar eru hlutirnir hjá okkur aftur að komast í sitt vanalega horf með íslenska fiskinn. Í vikunni fengum við mjög góðar sendingar frá Íslandi án nokkurra truflana eða vandkvæða,“ sagði Boyer í lok síðustu viku þegar Fiskifréttir höfðu samband við hann.

Hann segir Brexit vissulega vera umdeilt í breskum sjávarútvegi. Sumir fari vel út úr því en aðrir illa, og skoðanir séu þess vegna skiptar.

„Ég get bara horft á það frá okkar sjónarhóli,“ segir hann. „Þrátt fyrir útgöngubannið hér þá var salan góð í byrjun vikunnar.“

Hann minnir á að Bretar flytji inn 80 prósent af þeim fiski sem neytendur kaupa þar í landi, og 75% af því sem breskir sjómenn veiða fer í útflutning.

„Þetta þýðir að Bretland er háð innfluttum fiski! Það mun ekki breytast því breska þjóðin er vanaföst og öll erum við hrifin af fiski og frönskum. Enginn vafi leikur á því að besta hráefnið í það er íslenskur fiskur!“

Heimild Fiskfrettir.is

Skrifað af Þorgeir

15.01.2021 20:14

FISK Seafood kaupir útgerðarfélagið Ölduós á Höfn

15. janúar 2021 kl. 13:49

Dögg SU 118 er smíðuð hjá Trefjum árið 2007. Báturinn er tæplega 15 brúttótonn, 11,5 brúttórúmlestir og ríflega 11 metrar að lengd.

Aflaheimildir Daggar eru um 700 þorskígildistonn og eru heildarverðmæti viðskiptanna ríflega 1,8 milljarður króna.

Gengið hefur verið frá samningi um kaup FISK Seafood á útgerðarfélaginu Ölduósi ehf. á Höfn í Hornafirði og um leið á krókaaflamarksbáti félagsins, Dögg SU 118. Kaupin eru gerð með fyrirvara um samþykki Samkeppniseftirlitsins.

Aflaheimildir Daggar eru um 700 þorskígildistonn og eru heildarverðmæti viðskiptanna ríflega 1,8 milljarður króna. Báturinn hefur til þessa verið gerður út frá Stöðvarfirði og munu seljendur bátsins ljúka þessu fiskveiðiári með áhöfn sinni áður en afhending hins selda fer að fullu fram.

Þetta kemur fram í frétt á heimasíðu FISK Seafood. Þar segir:

„Með kaupunum styrkir útgerð FISK Seafood rekstur sinn og hlutdeild í bolfiskvinnslu félagsins. Þorskveiðikvótinn eykst um tæplega 5% og gera má ráð fyrir að viðbótaraflinn samsvari tveggja til þriggja vikna afkastagetu landvinnslu FISK Seafood á Sauðárkróki og Snæfellsnesi.

Friðbjörn Ásbjörnsson, framkvæmdastjóri FISK Seafood, segir í fréttinni að með þessum viðskiptum sé FISK Seafood að fikra sig inn í smábátaútgerð á línu og skak „og ef vel tekst til munum við halda áfram að byggja okkur upp á því sviði. Vertíðarbátarnir yrðu kærkomin viðbót við það aukna líf sem höfnin hér á Sauðárkróki hefur öðlast á undanförnum árum og þetta fyrsta skref með kaupunum á Dögg verður strax mikil styrking fyrir landvinnsluna og verðmætin sem hún er að skapa á hverjum degi.“fiskifréttir greina frá

Skrifað af Þorgeir

15.01.2021 16:35

Tvær þyrlur Landhelgisgæslunnar kallaðar út vegna vélsleðaslys

Tvær þyrlur Landhelgisgæslunnar voru kallaðar út að beiðni lögreglunnar á Norðurlandi eystra á öðrum tímanum í dag vegna vélsleðaslyss í Tröllaskaga, nálægt Lágheiði. Áhöfnin á TF-EIR var á eftirlitsflugi þegar útkallið barst laust eftir klukkan hálf tvö í dag og hélt beint á staðinn. Óvíst var með meiðsli vélsleðamannsins og því var áhöfnin á TF-GRO jafnframt kölluð út ásamt lækni. TF-EIR var komin á slystað klukkan 14:30 og TF-GRO hálfri klukkustund síðar. Vélsleðamaðurinn var hífður um borð í TF-EIR og fluttur sjúkrahúsið á Akureyri.
Þorgeir Baldursson tók meðfylgjandi myndir af TF-EIR þegar hún lenti við sjúkrahúsið á Akureyri á fjórða tímanum.
IMGL9354

TF-EIR lendir við sjúkrahúsið á Akureyri í dag. Ljósmynd: Þorgeir Baldursson

TF-EIR á Akureyri. Ljósmynd: Þorgeir Baldursson

Hrannar Sigurðarson, spilmðaur, og Björn Brekkan Björnsson, flugstjóri, ræða við lögreglumenn á Akureyri í dag. Ljósmynd: Þorgeir Baldursson.
Björn Brekkan Björnsson, Hrannar Sigurðarson og Andri Jóhannesson. Á myndina vantar Elvar Stein Þorvardsson, sigmann. Ljósmynd: Þorgeir Baldursson.

Skrifað af Þorgeir

12.01.2021 13:55

Fékk í skrúfuna og dregin til Akureyrar

Skapti Hallgrímsson - skapti@akureyri.net 12.01.2021 kl. 13:05

Bergey VE kemur með Bylgju VE til Akureyrar í hádeginu. Ljósmynd: Skapti Hallgrímsson.

Togarinn Bergey VE frá Vestmannaeyjum kom með annað Eyjaskip, Bylgju VE, í togi til Akureyrar í hádeginu. Bylgja fékk í skrúfuna norður af Vestfjörðum,

kafari mun bjarga málum í Akureyrarhöfn og skipið síðan snúa til veiða á ný. Bergey var komin með fullfermi og tækifærið verður því notað og landað á Akureyri.

Bergey er í eigu Bergs-Hugins en eigandi Bylgju er samnefnd útgerð.

Skrifað af Þorgeir

10.01.2021 15:17

Fóðurpramminn Muninn sem að sökk i Reyðarfirði

Skandi Acercy flytur nýja prammann til landsins og er væntanleg . Skandi Acercy flytur nýja prammann til landsins og er væntanleg ttil Eskifjarðar í lok næstu viku. Skipið er 157 metra langt og 27 m á breidd.

Laxar ehf. hafa gert langtímasamning um leigu á fóðurpramma, sem á að þjóna eldisstöð fyrirtækisins við Gripalda í sunnanverðum Reyðarfirði. Pramminn er aðeins minni heldur en Muninn, sem sökk þar um síðustu helgi.

Pramminn fer væntanlega um borð í stórt flutningaskip í Noregi á mánudag og er reiknað með honum til Eskifjarðar í lok næstu viku, að sögn Jens Garðars Helgasonar framkvæmdastjóra.

Þangað til sinna fjórir þjónustubátar með fóðurbyssur fóðrun fisks í 16 kvíum við Gripalda, þrír þeirra eru í eigu Laxa, en sá fjórði er í eigu Fiskeldis Austfjarða. Á Gripalda eru nú um 3.900 tonn af fiski sem verður kominn í sláturstærð í haust.

Jens Garðar segir ljóst að allur tæknibúnaður um borð í Munin sé ónýtur og skrokkurinn verulega laskaður.

Fóðutpramminn Muninn sem að sökk i Reyðarfirði i gær mynd þorgeir Baldursson 7 ágúst 2020

200 mílur | mbl | 10.1.2021 | 14:30 | Uppfært 15:16

Tíu þúsund lítrar af olíu um borð

Sjór komst inn í prammann, sem sökk að lokum. Ljósmynd/?Landhelgisgæslan

Mikið tjón varð hjá fiskeldisstöðinni Löxum í Reyðarfirði þegar fóðurprammi sem sér 16 fiskeldiskvíum fyrir fóðri sökk í vondu veðri í gær. Um tíu þúsund lítrar af díselolíu eru um borð í prammanum sem er nú á sjávarbotni. Engin svartolía er þó um borð.

Varðskip Landhelgisgæslunnar, Þór, er á vettvangi en viðbragð er að öðru leyti í höndum fyrirtækisins.

Í samtali við mbl.is segir Jens Garðar Helgason, framkvæmdastjóri Laxa fiskeldis, að ekki sé gert ráð fyrir að olía leki í miklum mæli í sjóinn en allur búnaður og girðingar séu þó til taks ef illa fer.

Ljósmynd/?Landhelgisgæslan

Aftakaveður var á öllu Austurlandi í gær, kalt og mikill vindur. Vatn fór að leka inn á prammann á níunda tímanum en heppilega var varðskipið Þór í firðinum og kom á vettvang. Var það hins vegar mat viðbragðsaðila að ekkert væri hægt að gera stöddu. Pramminn fylltist fljótt af sjó og sökk svo í nótt.

Heimild mbl.is og Landhelgisgæslan

Skrifað af Þorgeir