Norska varðskipið KV Hopen hefur siglt á braut áleiðis til Bandaríkjanna eftir samstarfsverkefni með Landhelgisgæslunni á Íslandi. Um borð eru íslenskir varðskipsmenn sem kynna sér starfsemina.

                                                   Heimsókn Íslendinga um borð í KV Hopen. Mynd/Sjøforsvaret

Landhelgisgæsla Íslands og Landhelgisgæsla Noregs hafa á undanförnum dögum styrkt samstarf sitt með heimsókn norska varðskipsins LV Hopen til Reykjavíkur.

Þetta kemur fram á Facevbook-síðu norsku Landhelgisgæslunnar í dag. Þar segir frá því að samstarfið hafi verið styrkt með fundum, gagnkvæmum heimsóknum í varðskipin og með því að skiptast á þekkingu á starfinu.

Sérstaklega mikilvægt fyrir Noreg og Ísland

„Heimsóknin er hluti af samstarfinu í Arctic Coast Guard Forum þar sem heimskautaþjóðir deila reynslu sinni og skapa sameiginlegan skilning á verkefnum á norðurslóðum. Þetta er sérstaklega mikilvægt fyrir Noreg og Ísland sem starfa við krefjandi aðstæður á sjó með löngum vegalengdum, flókinni landafræði og breytilegu veðri,“ segir á Facebook-síðu Norðmannanna.

Heimsóttu einnig flugdeild Gæslunnar

Meðan á dvölinni hér stóð heimsótti áhöfn KV Hopen flugdeild og höfuðstöðvar Landhelgisgæslu Íslands. Einnig heimsóttu þeir norsku varðskipið Þór og tóku á móti heimsókn áhafnarmeðlima Þórs um borð í Hopen. „Áhafnirnar ræddu meðal annars skipulag, getu, viðbragðs og útfærslu á daglegu starfi,“ segja Norðmennirnir.

Sigla með til Bandaríkjanna

Þá kemur fram að tveir íslenskir varðskipsmenn séu nú um borð í KV Hopen á áframhaldandi siglingu skipsins. Mun förinni heitið til Bandaríkjanna og Íslendingarnar tveir eru annars vegar stýrimaður og hins vegar háseti. Þeir verða hluti af áhöfninni og skiptast á þekkingu við Norðmennina, meðal annars um siglingafræði og drónatækni.

Afar vel búið og varið skip

KV Hopen er þriðja og síðasta varðskipið í röð skipa sem á síðustu árum voru smíðuð fyrir Landhelgisgæslu Noregs. Skipið er 136,4 metra langt, tuttugu metra breitt og getur haft allt að hundrað menn í áhöfn. Það er sérstaklega byggt fyrir norðurslóðir og getur verið sjálfu sér nóg í allt að átta vikur við þær aðstæður.

KV Hopen er hlaðið alls kyns tækni og er varið gegn ólífrænni og lífrænni mengun og sömuleiðis gegn geislavirkni og kjarnorkumengun.

Varðskipið KV Hopen fékk nafn sitt þann 12. júní 2024. Lesa má nánari umfjöllun um skipið hér.

Heimild fiskifréttir.is

La Datcha við Bryggju i Krossanesi mynd þorgeir Baldursson  Heimild mbl.is  myndir Þorgeir Baldursson

Héraðsdómur Reykjavíkur hefur staðfest ákvörðun Landhelgisgæslu Íslands um að meina lúxussnekkjunni La Datcha að koma til hafnar á Akureyri í mars á

þessu ári.

Dómur þess efnis féll í Héraðsdómi Reykjavíkur í morgun eftir að Tinkov-fjölskyldan með Oleg Tinkov í fararbroddi stefndi íslenska ríkinu vegna hafnbannsins.

Málið vakti mikla athygli í mars. Snekkjan hafði verið leigð fyrir hóp ferðamanna sem hugðist stunda þyrluskíði á Norðurlandi, en þegar hún var á leið til landsins taldi Landhelgisgæslan að hún félli undir þvingunaraðgerðir Evrópusambandsins gegn Rússlandi.

Frétt af mbl.is

Lúxussnekkja á Pollinum

Eiginkonan eigandi snekkjunnar

Eigendur snekkjunnar mótmæltu ákvörðuninni og bentu á að skipið sigldi undir fána Panama þegar það kom til Íslands. Þeir sögðu jafnframt að raunverulegir eigendur væru ekki lengur rússneskir.

Frétt af mbl.is

Áttu 6-8 stundir í land þegar Gæslan greip inn í

Í dóminum kemur fram að snekkjan sé í eigu félags á Seychelles-eyjum sem er í eigu kýpversks sjóðs tengdum Tinkov-fjölskyldunni. Þar segir jafnframt að raunverulegur eigandi sé Rina Vosman, sem hafi afsalað sér rússneskum ríkisborgararétti eftir innrás Rússlands í Úkraínu. Eiginmaður hennar, Oleg Tinkov, stofnandi Tinkoff-bankans, hafi einnig sagt skilið við rússneskt ríkisfang og gagnrýnt innrásina opinberlega.

Frétt af mbl.is

Lúxussnekkjunni meinuð hafnarkoma á Akureyri

Skipið var áður skráð í Rússlandi

Kjarni deilunnar snerist þó ekki um eigendurna heldur sögu skipsins.

Í nokkurn tíma hafði La Datcha verið leigð rússnesku fyrirtæki. Slík leiga kallast þurrleigusamningur og felur í sér að leigutakinn sér um allan rekstur skipsins á meðan eigandinn heldur eignarhaldinu. Vegna þessa var skipið skráð tímabundið í rússneska skipaskrá til að mega sigla þar.

Eigendurnir sögðu að þessum samningi hefði verið sagt upp fljótlega eftir innrásina í Úkraínu í mars 2022. Þeir héldu því fram að tafir á því að afskrá skipið úr rússnesku skipaskránni hefðu verið alfarið á ábyrgð rússneskra yfirvalda en ekki þeirra sjálfra.

Fáninn skipti mestu máli

Landhelgisgæslan leit hins vegar ekki til eignarhaldsins heldur fánaskráningar skipsins.

Samkvæmt reglum Evrópusambandsins, sem Ísland framfylgir, er skipum sem voru skráð undir rússneskum fána eftir 24. febrúar 2022 óheimilt að fá aðgang að höfnum innan EES, jafnvel þótt þau hafi síðar verið skráð undir fána annars ríkis.

Landhelgisgæslan taldi því að snekkjan félli undir hafnarbannið þar sem hún hafði verið skráð undir rússneskum fána eftir innrásina áður en hún var síðar endurskráð í Panama.

Fékk aðeins að taka eldsneyti

Í kjölfarið var snekkjunni meinuð hafnarkoma á Akureyri og henni gert að yfirgefa íslenska landhelgi. Hún fékk þó sérstaka heimild til að koma einu sinni að landi til að taka eldsneyti og nauðsynlegar birgðir áður en hún hélt áfram ferð sinni til Grænlands.

Það var nóg að gera hjá Skipverjum á Sólberginu i dag fyrst var tekin 0lia 

og siðan farið i prufusiglingu og loksins kom að stæðsta verkefninu að taka 

togvira fyrir þetta öfluga skip hérna koma nokkar Drónamyndir af þessu 

2917 Sólberg  ÓF 1 Mynd þorgeir Baldursson 15 júni 2026                         Virasplæsing i Krossanesi i dag mynd  þorgeir Baldursson 2026                   Strákarnir frá Isfelli voru i óða önn að splæsa uppá togviranamynd þorgeir Baldursson                             Virnum spólað inná togvindurnar með 5 tonna Átaki mynd þorgeir Baldursson                  Sólberg ÓF 1 og Vilhelm Þorsteinsson við Bryggju i Krossanesi myd þorgeir Baldursson

Franska Herskipið Le Monge við bryggju á Akureyri i kvöld mynd þorgeir Baldursson                   Franska Herskipið Le Monge við bryggju á Akureyri i kvöld mynd þorgeir Baldursson                     Franska Herskipið Le Monge við bryggju á Akureyri i kvöld mynd þorgeir Baldursson

Franskt herskip lagðist við bryggju á Akureyri í gær.Skipið er í hefðbundinni heimsókn þar sem áhöfnin hvílir sig og tekur vistir.

Pétur Ólafsson, hafnarstjóri á Akureyri, segir að skipið fari úr höfn eftir helgi. Það er hér með leyfi yfirvalda.

Skipið heitir Le Monge og er hannað til að fylgjast með og mæla feril eldflauga.

Áhöfn skipsins telur 115 sjóliða og 90 tæknimenn úr hernum og almenna borgara.

Skipið var fyrst tekið í notkun árið 1992 og hefur heimahöfn í Brest í Frakklandi.

Skipið hefur áður komið til Íslands, m.a. í Reykjavíkurhöfn árið 2012.

Heimild mbl.is 

Myndir Þorgeir Baldursson 

Skipið er engin smásmíði

Merkileg saga sem við megum ekki gleyma

Birt með Leyfi Akureyri.net 

Skapti Hallgrímsson - skapti@akureyri.net  08.06.2026 kl. 06:00

Mynd: Þorgeir Baldursson

Minnisvarði um síðutogara og síðutogarasjómenn var afhjúpaður við hátíðlega athöfn í gær, á sjómannadaginn, á Höepfnerssvæðinu, skammt norðan bækistöðvar siglingaklúbbsins Nökkva. Minnisvarðinn er „fyrir margt mjög merkilegur og í honum er sögð svo merkileg saga, saga sem við Íslendingar megum ekki gleyma,“ sagði Sigfús Ólafur Helgason í ávarpi í gær, en hann hefur farið fyrir hópi gamalla sjómanna sem stóð að verkefninu.

„Það væri hægt að halda hér langa tölu um árin öll í sögu síðutogara, í gleði og sorg og sannarlega var lífið ekki alltaf dans á rósum, og við Íslendingar guldum stundum með lífi sjómanna gjaldið fyrir að sækja sjóinn dýpra og lengra vegna þess að skipin urðu stærri og betri. En eins og allir vita hefur ekki en þann dag í dag verið byggt það skip að stórsjór og ofviðri geti ekki grandað því,“ sagði Sigfús.

Söguskilti er við minnisvarðann. Sæmundur Pálsson, sem Sigfús kallaði guðföður verksins var fenginn til að losa borða og svipta dúk af skiltinu. Mynd: Þorgeir Baldursson

Hann sagði sögu síðutogara samofna „þroska og vaxtaferli okkar Íslendinga og því er það svo ánægjulegt að einmitt nú, kannski 50 árum og seint, sem við stöndum hér við minnisvarða um þessa mjög svo merku sögu.“

Sigfús rifjaði upp að fyrir um það bil 15 árum hafi verið rætt manna á meðal að reisa yrði myndarlegan minnisvarða um sögu síðutogara og síðutogarasjómanna á Íslandi, „og því segi ég, loksins, loksins blasir þetta fallega verk við ...“

Sigfús sagði: „Ryðhrúgu kalla þetta sumir, en við sem vitum um þessa sögu, vitum alveg hvað þetta fallega verk er að segja okkur.“

Mynd: Skapti Hallgrímsson

Jón Þórisson hannaði verkið

„Fyrir okkur sem teljumst sjómenn fyrr og síð er þetta minnismerki samnefnari yfir þá sögu sem honum er ætlað að faðma og umvefja, og ég segi það hiklaust að Jóni Þórissyni leikmyndateiknara sem hannaði þetta verk, blessuð sé minning hans, tókst það svo sannarlega, og það er mín trú að þetta verk og þessi staður eigi eftir að verða viðkomustaður margra sjómanna og aðstandenda þeirra til að minnast áranna, mannanna og lífsins um borð í þessum svokölluðu síðutogurum.“

Sigfús sagði frá því að hann og hópur annarra eldri sjómanna á Akureyri, og reyndar víðar að, hafi á tveimur síðastliðnum árum farið í heimsóknir „til vina okkar í Hull og Grimsby í Bretlandi og Bremenhaven og Cuxhaven í Þýskalandi og séð þar hvað þessar þjóðir, báðar miklu fiskveiðiþjóðir, eins og við, vernda og virða með væntumþykju þá sögu þeirra sem kallast „togarasaga“ og sú elska og væntumþykja þeirra er sýnileg gestum og gangandi í öllum þessum borgum og er sterkur segull m.a. fyrir ferðamenn að sjá og kynnast þeirra sögu.“

Mynd: Þorgeir Baldursson

Sigfús spurði: Hvar erum við Íslendingar, sennilega mesta fiskveiðiþjóð í heimi, staddir í verndun togarasögu okkar? Og var fljótur að svara sjálfur, á þann veg að Íslendingar stæðu langt að baki kærum vinum, Bretum og Þjóðverjum, „en við getum þó lært af þeim hvernig á að gera þetta,“ sagði hann.

„Fyrir um það bil þremur árum varð til hreyfing hér á Akureyri sem samanstóð og stendur enn að verndun útgerðarsögu okkar og er þessi minnisvarði kannski skýrasta dæmið um atorkuna sem þessi hópur getur og hefur sýnt. Eftir hann liggja auk þessa verks 5 skipslíkön af togurum.“

Mynd: Þorgeir Baldursson

Sigfús hefur oft hvatt bæjaryfirvöld á Akureyri til að gera betur á þessu sviði og beindi orðum sínum að nýrri bæjarstjórn: „Enn er tími fyrir ykkur að fá hjá okkur sjómönnum hjálp við að koma þessari sögu fyrir á þeim stalli sem henni sannarlega ber, og þessi fjöldahreyfing sjómanna er meira en til í að koma til samstarfs við ykkur. Við megum samt ekki bíða lengi því á hverju ári erum við að missa hluta af sögunni þar sem maðurinn með ljáinn heggur.“

Sigfús sagði að endingu, fyrir hönd vinnuhópsins sem stýrði framkvæmdinni: „Við sáum það í Bretlandi og Þýskalandi hvað minnismerki þeirra um sjómenn eru þeim mikilvæg og vart líði sá dagur að ekki sé einhver minning haldin við minnismerkin, blóm lögð við þau í minningu einhvers og þessi minnismerki í öllum þessum borgum eru samkomustaðir sjómanna og fjölskyldna þeirra í sorg og í gleði.“

Hann sagði það einlæga ósk hópsins að svo verði einnig með þennan stað og þetta minnismerki. „Kertakrossin er einmitt tilvalinn til að tendra ljós í minningu, einnig bekkirnir til að íhuga, hugsa og njóta.“

Séra Magnús Gunnarsson blessaði minnismerkið í gær. Mynd: Þorgeir Baldursson

Sigfús Ólafur Helgason ávarpar viðstadda í gær. Mynd: Þorgeir Baldursson

Mynd: Þorgeir Baldursson

Mynd: Þorgeir Baldursson

Mynd: Þorgeir Baldursson

Margir komu að verkefninu og Sigfús Ólafur kvaðst vilja nefna nokkra. Hann sagði:

• Slippurinn á Akureyri smíðaði verkið fyrir okkur.
• Röskir rafvirkjar sáu um og gáfu alla vinnu við lýsinguna sem mun þegar fer að rökkva í haust nýtast og þá mun minnismerkið fá nýjan blæ.
• Prentsmiðjan ehf á Akureyri sá um prentun söguskiltisins sem er minnisvarðann.
• Steinsmiðjan lét okkur í té marmarabekkina er hér standa við verkið og gaf einn þeirra í minningu sjómanna.
• Auk þess gaf fjölskylda Vilhelms Þorsteinssonar og Önnu Kristjánsdóttur einn bekk.
• Það gerðu einnig Sjómannafélag Eyjafjarðar og Félag skipstjórnarmanna.
• Kertakrossinn smíðaði og gaf HD iðn- og tækniþjónustan og Akureyrarbær sá um frágang á svæðinu hér um kring.

Mynd: Skapti Hallgrímsson

Mynd: Skapti Hallgrímsson

Mynd: Skapti Hallgrímsson

Mynd: Skapti Hallgrímsson

Skemmtisigling  með eikarbátinn Húna i forgrunni og smábátarnir fylgdu vel á eftir inná pollinn og siðan var siglt meðfram minnisvarðanum 

um skipverjana sem að voru á siðutogurunum og það siðan vigt siðar um daginn að viðstöddu miklu fjölmenni og fékk það nafnið Upphafið

er að mál manna að þetta sé glæsilegt listaverk sem að slippurinn Akureyri smiðaði 

Haldið af stað úr bótinni með Húna EA i broddi fylkingar mynd þorgeir Baldursson                       Haldið af stað úr bótinni með Húna EA i broddi fylkingar mynd þorgeir Baldursson                                             6724 Sigurður Brynjar EA 99 Mynd þorgeir Baldursson                            Alls voru um 20 bátar i siglingunni inná pollinn mynd þorgeir Baldursson           Húni EA i forgrunni ásamt smábátunum og hvalaskoðunnarbátum i bakgrunni mynd þorgeir Baldursson                   Siðan var siglt meðfram minnismerkinu sem að ber nafnið upphafið mynd þorgeir Baldursson