Aðalsteinn Tryggvason sendi þessa mynd til Þorgeirs og meðfylgjandi texta með:

"Þú birtir um daginn svarthvíta mynd af Hamrafelli og einhver spurði hvort þetta væri eina myndin sem til væri af skipinu...ég ákvað að taka mynd af málverki sem er málað eftir mynd af skipinu í lit.
Gaman væri ef þú gætir birt hana og jafnvel fengið umræðu um það hvort það sé rétt að tvö systurskip Hamrafells hafi hreinlega brotnað í tvennt eins og sagan segir...þ.e.a.s á lensi í stórsjó. Pabbi minn var á skipinu og langar mikið að vita hvort þetta sé rétt".

Nú er því komið að ykkur lesendur góðir að rifja upp hvort þessi saga sé rétt.


             Hamrafell í lit © mynd tekin af Aðsteini Tryggvasyni af málverki

Gunnar Th. sendi okkur þessar myndir af flaki Þorgeirs GK 73 sem er í Landey við Stykkishólmi. Fór hann þangað um sundið þurrt á stórstraumsfjöru 2001 og myndaði bátinn. Flakið mun þó vera orðið enn laslegra í dag, því brúin er fallin af því ásamt fleiru. Þökkum við Gunnari kærlega fyrir sendinguna.




           Flak 222. Þorgeirs GK 73 í Landey við Stykkishólm © mynd Gunnar Th. 2001