23.02.2024 21:05

2150 Árni á Eyri ÞH 205

                            2150 Árni á Eyri þh 205 EX Rúna RE 150 Mynd þorgeir Baldursson 2024

Síðasta „sigling“ Árna á Eyri – MYNDIR

Skapti Hallgrímsson - skapti@akureyri.net  31.01.2024 kl. 09:35

Árni á Eyri „sigldi“ að athafnasvæði Hringrásar við Ægisnes sem er aðeins spolkörn frá fjörunni í Krossanesi. Ljósmyndir: Þorgeir Baldursson

Árni á Eyri ÞH 205, 75 brúttótonna bátur frá Húsavík, verður ei meir innan fárra daga. Hann sigldi – jafnvel mætti segja að hann hafi ekið – síðasta spölinn að kvöldlagi í síðustu viku, spottakörn úr fjörunni við Krossanes upp að athafnasvæði Hringrásar við Ægisnes þar sem báturinn verður hlutaður í sundur og síðan sendur í brotajárn.

Bátur á skíðum ...

„Hann hefur ekki verið á sjó síðan 2016, fór í úreldingu og gengið var frá því í haust að hann kæmi hingað til okkar,“ segir Árni Gíslason verkstjóri hjá Hringrás á Akureyri við Akureyri.net. Nafni hans á Eyri, sem er 20 m langur og 5 m breiður, hefur legið við bryggju síðan í lok nýliðins árs en var tekinn á land fyrir viku. Þá tók við síðasta ferðalagið í því formi sem báturinn er nú: „við bæði ýttum honum og drógum eftir Krossabrautinni uppeftir til okkar; hjólaskófla var á undan honum, önnur á eftir og þriðja tækið var til taks við hliðina ef hann færi að sveiflast,“ segir Árni.

Járnplötur voru festar undir bátinn svo hann skemmdi ekki malbikið.  „Það má segja að við höfum sett skíði undir hann,“ segir Árni.

Báturinn er úr áli og fer megnið af því til endurvinnslu í Hollandi. Árni á Eyri er fyrsti báturinn sem rifinn er hjá Hringrás á Akureyri síðan Árni Gíslason hóf þar störf fyrir áratug.

  • Þorgeir Baldursson fylgdist grannt með gangi máli og tók þessa skemmtilegu myndasyrpu.

TIL BAKA Í FRÉTTAYFIRLIT

 

22.02.2024 23:02

Mokveiði i Breiðafirði

        Netaveiðar á Jökli ÞH i Breiðafirði mynd þorgeir Baldursson 

22.02.2024 22:35

Þorskurinn fyrir austan troðfullur af loðnu

Isfisktogarinn Gullver NS landaði 85 tonnum í heimahöfn á Seyðisfirði í gær. Aflinn var nánast eingöngu ýsa og þorskur. Hjálmar Ólafur Bjarnason skipstjóri sagði að veiðin hefði verið misjöfn en veður ágætt.

„Við vorum mest í Hvalbakshallinu og á Hvalbaksgrunni. Þetta gekk heldur brösuglega framan af en úr þessu rættist í restina. Við fengum mjög gott skot í lok túrsins. Fiskurinn sem þarna fékkst er mjög góður og ætti að henta vel fyrir vinnsluna. Þorskurinn í Hvalbakshallinu var fullur af loðnu en við urðum hins vegar ekki varir við neinar loðnutorfur. Líklega er loðnan mjög dreifð á þessu svæði,“ sagði Hjálmar Ólafur.

Gullver hélt til veiða á ný að lokinni löndun í gær.

                 1661 Gullver Ns 12 mynd þorgeir Baldursson 

 

22.02.2024 18:56

1525 Jón Kjartansson Su 311

  

                        1525 jón Kjartansson SU 311 við Bryggju á Reyðarfirði mynd þorgeir Baldursson 

21.02.2024 15:57

Menn voru áhyggjufullir en einbeittir við leitina

 Þorkell Pétursson skipst Barða Nk mynd Smári Geirsson 2024

 

Að morgni þriðjudagsins 7. febrúar sl. fékk færeyska línuskipið Kambur á sig brotsjó suður af Suðurey í Færeyjum og lagðist á hliðina. Á skipinu var 16 manna áhöfn og komust 14 úr áhöfninni upp á skipið þar sem það flaut á hliðinni og var þeim bjargað um borð í þyrlu og fluttir til lands. Tveggja úr áhöfninni var hins vegar saknað og hófst fljótlega leit að þeim. Eitt þeirra skipa sem tóku þátt í leitinni var Barði NK en Barði var á kolmunnaveiðum í færeyskri lögsögu þegar slysið átti sér stað. Heimasíðan ræddi við Þorkel Pétursson, skipstjóra á Barða, og bað hann um að segja frá því sem þarna gerðist. Frásögn hans fer hér á eftir:

Við vorum að toga við landgrunnskantinn suðvestur af Færeyjum þriðjudaginn 7. febrúar. Veðrið var snarvitlaust um morguninn og ég hugsa að ölduhæðin hafi verið einir sex metrar. Um klukkan tvö eftir hádegi hringdi færeyska landhelgisgæslan í okkur og greindi frá slysinu og bað okkur að taka þátt í leit að tveimur færeyskum sjómönnum af Kambi. Við fengum vitneskju um að brotsjór hefði riðið yfir bátinn, hann lagst á hliðina og síðan sokkið eftir töluverðan tíma. Okkur var einnig greint frá því að búið væri að bjarga 14 úr áhöfninni og þyrla hefði flutt þá til lands. Þegar þyrlan bjargaði áhöfninni gat hún einungis tekið 13 menn um borð þannig að einn þurfti að hýrast á skipinu á meðan hún fór í land og kom síðan aftur til að sækja hann. Það hlýtur að hafa verið ömurleg vist fyrir manninn.

Við hífðum strax eftir að landhelgisgæslan hringdi og héldum af stað á leitarsvæðið. Þegar við hífðum var veðrið eiginlega gengið niður. Það tók okkur um einn og hálfan tíma að komast á svæðið sem leitað var á. Hoffell SU var að toga skammt frá okkur og þeir fengu sömu beiðni og við, hífðu strax og lögðu af stað til leitar. Það var leitað að mönnunum tveimur bæði á sjó og úr lofti. Við komum í björtu á leitarsvæðið en fljótlega skall á niðamyrkur. Á Barða eru þrír öflugir kastarar og þeir komu sér vel við leitina í myrkrinu. Þegar við vorum búnir að leita um tíma fengum við skilaboð frá breskri leitarflugvél um að athuga eitthvað sem þeir höfðu séð á floti í sjónum á tilteknum stað í grennd við okkur. Við héldum þegar þangað og þarna fundum við tvö björgunarvesti og einn bjarghring á floti. Þessa hluti tókum við um borð. Að þessu loknu héldum við leitinni áfram og sáum töluvert af braki í sjónum. Fljótlega fengum við tilkynningu um að leitinni væri frestað fram í birtingu og þar með lauk þátttöku okkar í þessari leit. Leitinni var hins vegar haldið áfram fram á laugardag en því miður var hún árangurslaus.

Það er ávallt átakanlegt að upplifa slys eins og það sem hér átti sér stað. Menn voru daprir og áhyggjufullir en einbeittu sér að leitinni eins og frekast var kostur. Allir í áhöfninni voru virkir við leitina og vonuðu heitt og innilega að hún bæri árangur. Fyrir okkur er einfalt að setja okkur í spor færeyskra starfsbræðra og finna til með þeim og fjölskyldum þeirra. Þessi atburður hafði djúp áhrif á alla í áhöfninni á Barða.

Þegar við lukum veiðum var komið við í Þórshöfn og þeir hlutir sem við fiskuðum upp úr sjónum við leitina afhentir landhelgsigæslunni.

heimild Svn.is/  Smári Geirsson 

21.02.2024 15:20

Ernir seldur til Ómans eftir tveggja ára legu

Ernir seldur til Ómans eftir tveggja ára legu

Uppsjávarskipið Ernir hefur legið í Kópavogshöfn í rúmlega tvö ár .

Uppsjávarskipið Ernir hefur legið í Kópavogshöfn í rúmlega tvö ár en virðist nú vera selt til Ómans. mbl.is/Gunnlaugur

Gunnlaugur Snær Ólafsson

mbl.is

Gunnlaugur Snær Ólafsson

gso@mbl.is

Bókamerki óvirk fyrir óinnskráða Setja bókamerki

Upp­sjáv­ar­skipið Ern­ir sem hef­ur legið við bryggju í Kópa­vogs­höfn und­an­far­in rúm tvö ár virðist loks hafa fengið nýja eig­end­ur sam­kvæmt upp­lýs­ing­um 200 mílna. Málað hef­ur verið yfir nafn skips­ins og þar stend­ur nú Al Nasr og það merkt PSQ en það er skamm­stöf­un Sult­an Qa­boos-hafn­ar sem er stærsta höfn­in í Múskat, höfuðborg Ómans.

Að því sem 200 míl­ur kom­ast næst hef­ur skipið verið í eigu fé­lags Jak­obs Val­geirs Flosa­son­ar og til sölu um nokk­urt skeið.

Ern­ir (nú Al Nasr) hef­ur verið frá ár­inu 2020 skráð í Belís þar til nú. Skipið á sér þó langa út­gerðar­sögu meðal ann­ars á Íslandi, eins og 200 míl­ur sögðu frá árið 2022.

Gamall Vestmanneyingur vekur athygli í Kópavogi

Frétt af mbl.is

Gam­all Vest­mann­ey­ing­ur vek­ur at­hygli í Kópa­vogi

Í um­fjöll­un­inni frá fe­brú­ar 2022 seg­ir:

„Ern­ir var smíðaður 1987 í Ber­gen í Nor­egi fyr­ir norska út­gerð. Þá var skipið 58,9 metra að lengd, 12,6 metra að breidd og 1.900 brútt­ót­onn og bar um langt skeið nafnið Har­dhaus.

Árið 2004 festi Þor­björn Fiska­nes hf. (síðar Þor­björn hf.) í Grinda­vík kaup á skip­inu í gegn­um dótt­ur­fé­lag sitt Ólaf hf. og fékk skipið þá nafnið Grind­vík­ing­ur GK. Ekki gerðu Grind­vík­ing­ar skipið út lengi þar sem afla­heim­ild­ir reynd­ust ekki vera næg­ar til þess að standa und­ir rekstri skips­ins.

Rétt ein­um og hálf­um mánuði eft­ir að Þor­björn Fiska­nes hf. keypti skipið var það selt Ísfé­lagi Vest­manna­eyja hf. með til­heyr­andi afla­heim­ild­um í ís­lenskri sum­argots­s­íld, norsk-ís­lenskri síld og loðnu. Fékk þá skipið nafnið Guðmund­ur VE.“

Ernir heitir nú Al Nasr og er skipið skráð í .

Ern­ir heit­ir nú Al Nasr og er skipið skráð í Óman. Ljós­mynd/?Stefán O. Stef­áns­son

Til Vest­manna­eyja og Græn­lands

„Eft­ir aðeins tveggja ára þjón­ustu fyr­ir Ísfé­lagið var Guðmund­ur VE í mars 2006 send­ur til skipa­smíðastöðvar í Póllandi þar sem átti að fram­kvæma um­tals­verðar breyt­ing­ar. Þar kviknaði eld­ur í frysti­lest skips­ins og urðu tölu­verðar skemmd­ir á vinnslu­dekk­inu.

Eft­ir 10 mánaða veru í Póllandi snéri Guðmund­ur aft­ur til Íslands en þá hafði skipið verið lengt um 12,5 metra og með nýj­an búnað um borð.

Októ­ber 2013 var Guðmund­ur seld­ur til Græn­lands þar sem Royal Green­land gerði skipið út en und­ir nafn­inu Tasiilaq. Tasiilaq átti eft­ir að koma oft til Íslands á þeim tæpu sjö árum sem skipið sigldi und­ir græn­lensk­um fána.

Þann 15. júní 2020 seldi hins veg­ar Royal Green­land skipið og fékk það nafnið Ern­ir og varð skráð í Belís. Royal Green­land festi kaup á Christian í Grót­in­um frá Fær­eyj­um sem leysti Tasiilaq (Erni) af hólmi en fær­eyska skipið fékk við það nafn fyr­ir­renn­ara síns, Tasiilaq.“

Ern­ir hef­ur nú, sem fyrr seg­ir, fengið nafnið Al Nasr og mun vera gert út frá Óman.

20.02.2024 23:59

1977 Július Geirmundsson IS 270

            1977 Július Geirmundsson  is 270 i kaldfýlu á Selvogsbanka 

16.02.2024 22:53

Arctic Voyager á Fáskrúðsfirði

                     Arctic Voyager á Fáskrúðfirði mynd þorgeir Baldursson 

29.03.2023 22:55

Breki Ve 61

                       2161 Breki Ve 61 mynd þorgeir Baldursson 

16.02.2023 22:50

Kvannoy N- 400- B landar loðnu

                                         Kvannoy N-400 -B við bryggju á Fáskrúðsfirði mynd þorgeir Baldursson 

16.02.2023 08:08

Langar og leiðinlegar brælur

                               1661 Gullver Ns 12 i Brælu á Austfjarðamiðum mynd þorgeir Baldursson 

Ísfisktogarinn Gullver NS landaði 106 tonnum á Seyðisfirði í gærmorgun. Uppistaða aflans var þorskur og ýsa.

Þórhallur Jónsson skipstjóri segir að drullubræla hafi verið alla veiðiferðina. „Við vorum að veiðum við Herðablaðið eða ofan við Reyðarfjarðardýpið.

Það aflaðist ágætlega en veiðiferðin tók eina þrjá sólarhringa. Eftir hádegi á sunnudag var orðið vitlaust veður og þá var farið í land.

Það er búin að vera mikil brælutíð í janúar og það sem af er febrúar. Þetta eru langar og leiðinlegar brælur og þreytandi tíðarfar,“ segir Þórhallur.

Gullver heldur á ný til veiða í kvöld.

06.02.2023 23:05

Július Geirmundsson is 270.

                                         1977 Július Geirmundsson IS 270 mynd þorgeir Baldursson 2022

06.02.2023 07:50

Norsk Loðnuskip á Fáskrúðsfirði

                   Fjöldi Noskra loðnuskipa i höfn á Fáskrúðsfirði 4 feb 2023 mynd þorgeir Baldursson 

                                       Loðnulöndun á Fáskrúðfirði 4 feb 2023 mynd þorgeir Baldursson 

Unnið dag og nótt á Fáskrúðsfirði Fjöldi norskra skipa hefur landað yfir 1.800 tonnum af loðnu á Fáskrúðsfirði síðustu daga.

Nú er unnið nótt og dag í Loðnuvinnslunni við að frysta loðnuna.

Það sem flokkast undan fer í bræðslu. Friðrik Mar Guðmundsson framkvæmdastjóri Loðnuvinnslunnar segir farmana ekki mjög stóra, 250 til 300 tonn,

en safnist þegar saman kemur. Sex skip lönduðu fyrir helgi og þar á undan lönduðu tvö skip.

„Nú er komin bræla og verður væntanlega fram á miðvikudag,“ segir Friðrik og bætir við að skipin bíði veðrið af sér áður en haldið sé aftur út á miðin.

„Það er bara fjögurra til fimm tíma sigling út á miðin frá okkur.“

Hann segir þó ekkert verða stopp í vinnslunni; þegar loðnan er komin í frysti fer mannskapurinn yfir í vinnslu á bolfiski.

Friðrik gerir ráð fyrir að taka bolfisk með í dag og fara svo alveg yfir í hann á morgun.

„Já, það er nóg að gera, alltaf nóg að gera. Við erum kannski öðruvísi en önnur uppsjávarfyrirtæki því við rekum bolfiskvinnsluhús líka,

þá fellur aldrei dagur úr vinnu hjá okkur,“ segir Friðrik.

nánar um þetta i morgunblaðinu i dag 

17.01.2023 07:44

Gamla Hoffell að koma til Fáskrúðfjarðar

                         2885 Hoffell su 80 (Gamla heitir Ango ) undir Færeyskuflaggi mynd þorgeir Baldursson 2022

16.01.2023 08:11

Helga Maria Re 1

                                         1868 Helga Maria Re 1 mynd Þorgeir Baldursson 2022

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 50
Gestir í dag: 7
Flettingar í gær: 1144
Gestir í gær: 218
Samtals flettingar: 648816
Samtals gestir: 30607
Tölur uppfærðar: 23.5.2024 01:19:12
www.mbl.is