Björgunarskip Slysavarnafélagsins Landsbjargar, Oddur V. Gíslason úr Grindavík, var kallað út um klukkan eitt í dag, þegar Kristbjörg HF-177 varð aflvana og rak í átt að Krísuvíkurbjargi.

Um fimm mínútum síðar lét björgunarskipið úr höfn auk þess sem sendur var hraðskreiður björgunarbátur á staðinn. Þá voru tvær þyrlur Landhelgisgæslunnar kallaðar út og eru þær í viðbragðsstöðu, auk björgunarsvæeita Slysavarnarfélagsins Landsbjargar úr Gridnavík og Hafnarfirði sem eru með fluglínutækjarbúnað. Þá var nálægt skip, Gulltoppur GK-24, einnig beðið um að sigla á staðinn og komu þeir fyrstir að skipinu.

Kristbjörg HF-177 er 290 brúttótonn og eru 15 manns í áhöfn eftir því sem næst verður komist. Samkvæmt upplýsingum frá Landhelgisgæslunni er búið að koma afli í vél skipsins. Kom þetta fram á visi.is

(lesendur eru beðnir að hafa það í huga að vegna bilunar í klukkunni á síðunni, sýnir hún ekki réttan tíma, en þetta var sett inn kl. 15.30)


                                  239. Kristbjörg HF 177 © mynd Emil Páll