Feðgarnir Halldór Magnússon og Björn Elías Halldórsson úr Vogum hafa fest kaup á Von RE 3 og er það annar báturinn sem þeir kaupa á stuttum tíma en hinn er Fanney HU 83 sem liggur í Reykjavíkurhöfn. Von RE er smíðuð af Kristjáni Gumundssyni í Stykkishólmi árið 1987. Fram til þessa hefur báturinn borið eftirfarandi nöfn: Már SH 118, Elsa NS 216, Elsa SU 216, Jónas Guðmundsson GK 475, Jóka RE 3 og Von RE 3.


                    1857. Von RE 3 í nýrri heimahöfn í Vogum © mynd Emil Páll 2009

Í gær var sjósettur í Hafnarfirði báturinn Ólafur Magnússon HU 54 frá Skagaströnd, eftir miklar breytingar þar. Var báturinn m.a. lengdur um 2 metra, auk þess sem skipt var um mastur o.fl. áhonum. Það er SJ-útgerð á Skagaströnd sem festi kaup á bátnum í upphafi ársins, en áður hét hann Halla Sæm SF 23 frá Höfn.Sama útgerð hafði sl. hausti fest kaup á Felix AK og gefið honum nafnið Lómur HU en það gekk ekki áfallalaust að koma þeim báti í heimahöfn, því eftir að hann hafði siglt frá Reykjavík til Akraness var ekið með hann til Hvammstanga þar sem átti að sjósetja hann og stóð til að hann sigldi þaðan til Skagstrandar. En ekki vildi betur til en svo að þegar gúið var að sjósetja bátinn á Hvammstanga valt kraninn sem hafði verið notaðu við við verkið, á hliðina og lenti á bárum og komst sjór í vélarúmið og honum hvoldi og sökk síðan þann 22. nóv. sl.
Á þessi bátur því að koma í stað Lóms.


          2183. Ólafur Magnússon HU 54 í Hafnarfirði í dag © mynd Emil Páll 2009