Færslur: 2016 Desember

27.12.2016 12:00

Stigandi Ve 77

   Stigandi kemur til heimahafnar mynd þorgeir 

 

26.12.2016 13:07

Loðnuveiðar á Sigurði Ve við Nýfundnaland 1975

 

I jólablaði Fiskifretta er þessi athyglisverða viðtal við Bóba á Sigurði Ve 

www.fiskifrettir.is

Loðnuveiðar við Nýfundnaland 1975

"Ég var fyrstur Íslendinganna til að fara þarna vestur og þetta var árið 1975," segir  hinn landskunni togaraskipstjóri Kristbjörn Árnason frá Húsavík, sem lengst af var skipstjóri á Sigurði VE. Þarna er átt við loðnuveiðar við Nýfundnaland sem íslensk skip tóku þátt í um tveggja ára skeið. 

GUÐJÓN GUÐMUNDSSON

gugu@fiskifrettir.is

Kristbjörn er þekkt aflakló. Hann byrjaði á nótaveiðum á Sigurði VE árið 1974 og var á honum þar til honum var lagt árið 2013, að undanskildum einum vetri. 

Veiðar á alþjóðlegu hafsvæði

Hann segir að skömmu eftir að hann byrjaði á Sigurði VE hafi það kvisast út að Norðmenn hefðu fengið loðnu við suðurodda Nýfundnalands. Veiðarnar voru á alþjóðlegu hafsvæði utan lögsögu Kanada og var fjöldi erlendra skipa við þessar veiðar. Veiðarnar fóru fram á landgrunnskantinum og skammt frá veiðislóðinni var sagt að skemmtiferðaskipið Titanic lægi á botninum eftir að hafa steytt á ísjaka í jómfrúarferð sinni árið 1912. Landað var í norska bræðsluskipið Nordglobal sem Ísbjörninn á Íslandi átti 10% hlut í. 

"Við fórum vestur að Nýfundnalandi í júní 1975 til að prófa loðnuveiðar þar í samstarfi við Norðmennina og áttum að vera þar í samfylgd með norska loðnuveiðiflotnum. Það vissi enginn hver útkoman yrði. Norðmenn höfðu verið þarna áður og veiddu þá eingöngu í troll. Ég vildi nota nót við þessar veiðar. Svo kom það reyndar á daginn að öll norsku skipin, sem voru á annað borð með nót um borð, voru farnir að nota hana við veiðarnar. Þeir höfðu nánast allir nætur um borð sem ballest til þess að róa skipið," segir Kristbjörn. 

Norðmennirnir voru ekki á miðunum þegar Kristbjörn kom þangað á Sigurði VE og komu reyndar ekki fyrr en viku síðar. Þarna var Nordglobal eins og áður þegar Norðmenn höfðu verið þarna við veiðar. Kristbjörn byrjaði að reyna að veiða í troll en sá strax að það myndi ekki ganga. 

Með stærri loðnu

"Ég hafði tekið smá hring þegar ég kom upp að landgrunnskantinum úti af Nýfundnalandi þar sem mér fannst líklegt að væri að finna loðnu. Þar var allt vaðandi í hval og ég taldi öruggt að loðna væri þar líka. Við sáum þó ekkert veiðanlegt þá. Suður af Nýfundnalandi var stór floti rússneskra skipa og við héldum þangað. Þar var endalaust þoka og lítið að hafa. Ég tók mig því upp og keyrði einn norður á svæðið sem ég hafði fundið þegar ég var að koma frá Íslandi. Ég reyndi fyrst fyrir mér með troll til að sjá hvort það væri einhver fiskur þarna en það lóðaði ekki neitt. Þegar við hífðum upp í fyrsta sinn fengum við 20 tonn af stórloðnu, stærri en ég hafði séð áður," segir Kristbjörn. 

Aflinn sem Sigurður VE fékk var loðna sem hafði lagst til hrygningar. Allt fór beint í bræðslu í Nordglobal en Kristbjörn sagði að slíkt myndi vart gerast í dag. 

Þrír fullfermistúrar

"Ég man svo að á hádegi einn fyrstu dagana þarna þá var ég nýbúinn að setja út trollið. Það var ákaflega grunnt þarna, ekki nema 24 faðmar. Ég vissi ekki nema þarna væri harður botn og vildi því frekar fórna trollinu en nótinni. En þá var bara eins og hendi væri veifað að við vorum í torfu  eftir torfu af loðnu. Við vorum fljótir að taka trollið inn og setja út næturnar og fylltum okkur í hvelli. Við vildum ekki láta vita af því hvar við værum. Við vissum að ef fregnirnar bærust Rússum yrði allur flotinn kominn þangað samstundis og þá yrði erfiðara að athafna sig. Ég fór svo krókaleið aftur á svæðið eftir að við höfðum landað í Nordglobal. Ef ég man rétt náðum við að taka þrjá fullfermistúra á þetta svæði áður en rússneski flotinn allur var mættur. Þetta voru heldur engir smádallar. Þeir höfðu einhvern veginn hlerað það að við hefðum fengið þarna góða veiði," segir Kristbjörn. 

Lá við árekstri í niðaþoku

Rússneski flotinn veiddi þarna ágætlega í troll. Skipin toguðu frá norðri til suðurs og lögðust svo í vinnslu að því loknu. Rússarnir unnu loðnuna bæði til manneldis og í mjöl. 

"Það var ekki auðvelt að veiða í nót með Rússana togandi allt í kringum sig í niðaþoku. Við heyrðum bara drunurnar frá þeim og þeir toguðu alveg upp við okkur þótt þeir vissu að við værum með nót. Þetta var stórvarasamt. 17. júní vorum við með nót úti og heyrðum flaut fyrir aftan okkur. Við sáum ekki neitt en hljóðið nálgaðist. Ég svaraði með flauti. Þetta hélt svo áfram þar til ég ákvað að draga nótina inn og varaði þá strákana við að það gæti orðið árekstur. Stefni rússneska skipsins kom stuttu síðar í ljós alveg við nótarskúffuna. Það voru karlar fram á rússneska skipinu sem hljóðuðu af lífs- og sálarkröftum og gáfu merki um fulla ferð afturábak. Þarna mátti engu muna. En við höfðum aldrei nein samskipti við Rússana, menn vildu bara hafa hljótt um sig."

 

Sigurður VE var við loðnuveiðar við Nýfundnaland í um þrjá mánuði. Á þessu tíma kom Sigurður VE einu sinni til hafnar í St. John's þegar hann fylgdi Nordglobal þangað sem þurfti að ná í olíu. Þá var Sigurður VE með fullfermi. Síðan var Nordglobal fylgt að nýju út fyrir lögsöguna og landað í hann. 

Umtalaðir í Kanada

Sigurður VE veiddi um 16.000 tonn á þeim tíma sem hann var við þessar veiðar sem stóðu yfir í innan við þrjá mánuði. 

"Við urðum frægir í Kanada þar sem því var slegið upp í fjölmiðlum að við hefðum sett heimsmet í fiskveiðum. Þetta var ævintýri og hálfgerð útlegð. Við sáum aldrei bjartan dag allan þennan tíma fyrir þoku og þekktum ekki karlana fram á hvalbak þegar við vorum að kasta. Svo var allstaðar hvalur og svo Rússarnir."

Þegar hann var að yfirgefa svæðið og halda heimleiðis til Íslands fréttist af mikilli ungloðnu norðar á þessu svæði. Margir héldu af stað en þegar þangað var komið fannst ekkert. Árið eftir var haldið á ný á loðnuveiðar við Nýfundnaland. Sigurður VE var þó ekki þeim í hóp og fengu skipin lítinn afla í það skiptið. 

Kristbjörn er sestur í helgan stein en á lítinn bát, Lundey, sem hefur verið gerður út á strandveiðar. Sonur hans, Árni Björn, hefur séð um að róa honum. 

26.12.2016 10:11

Sandfell SU 75 mokfiskar á linuna

 

Sand­fell SU-75 landaði í gær á Stöðvarf­irði afla sem ýtti afla­verðmæti skips­ins fyr­ir und­an­gengna tíu mánuði yfir hálfs millj­arðs markið.

Loðnu­vinnsl­an hef­ur gert út bát­inn í 10 mánuði og með lönd­un­inni í gær fór afla­verðmæti skips­ins fyr­ir þetta tíma­bil yfir 500 millj­ón­ir króna.

Þá dug­ar ekki annað en að splæsa í köku, enda feikna­fiskerí að baki sem aug­ljós­lega kall­ar á að menn geri sér dagamun.

 

Gott skip og frá­bær áhöfn

„Þetta er ótrú­lega gott skip og hef­ur reynst okk­ur feikna­vel síðan það fór í sína fyrstu veiðiferð und­ir okk­ar fána í byrj­un fe­brú­ar á þessu ári. Það fisk­ar vel og það er alltaf jafn gang­ur í veiðinni, svo við gæt­um ekki verið sátt­ari við stöðu mála. Áhöfn­in á skip­inu er al­ger­lega frá­bær og þeir eiga mikið hrós skilið fyr­ir þá vinnu sem þeir hafa lagt í til að ná þess­um áfanga. Þetta eru hreint frá­bær­ir karl­ar,“ sagði Friðrik Guðmunds­son fram­kvæmda­stjóri Loðnu­vinnsl­unn­ar í sam­tali við 200 míl­ur.

Á Sand­fell­inu eru átta karl­ar, en ein­ung­is fjór­ir menn á í einu. Svo róa menn í tvær vik­ur í senn og skipta með sér verk­um, og það fyr­ir­komu­lag hef­ur aug­ljós­lega reynst vel.

Afl­inn er um 1900 tonn á þessu tíma­bili.

Frétt: Mbl.is

 

   Sandfell Dregur linuna mynd þorgeir

 

Sandfell SU 75 mynd þorgeir 

 

25.12.2016 13:31

2645 Hafrafell SU 85

Hafrafell Su 85 ex Gyða Jónsdóttir EA 20 á siglingu á Fáskrúðfirði i desember 

og Þá var tekin myndahringur og hérna kemur afraksturinn  

                 Hafrafell SU 85  Mynd þorgeir Baldursson  2016

                             Hafrafell su mynd þorgeir Baldursson 2016

                    Hafrafell SU 85  Mynd þorgeir Baldursson  2016

              2645 Hafrafell SU 85 mynd þorgeir Baldursson 2016

            2645 Gyða Jónsdóttir EA 20 mynd Þorgeir Baldursson 2012

24.12.2016 17:06

Jólakveðja til ykkar

             Kaldbakur EA1 mynd Þorgeir Baldursson 

                      Börkur NK 122 Mynd Guðlaugur  B Birgisson 2016

                      Örfirisey Re 4 Mynd Jón Páll Ásgeirsson 2016

           Frá Eyjum Mynd óskar Pétur Friðriksson 2016

23.12.2016 08:56

2446 Þorlákur IS 15

Þetta fiskiskip mun vera eina stóra fiskiskipi sem að er á sjó við strendur landsins 

og munu aðeins vera 3 um borð allt saman eigendur 

 

                 2446 Þorlákur IS 15 Mynd þorgeir Baldursson 

22.12.2016 13:01

967 Þórsnes SH 109

    967 Þórsnes SH 109 Ex Keflvikingur KE100 mynd þorgeir Baldursson 

21.12.2016 11:52

2817 Frida Dagmar is 103

                2817 Friða Dagmar IS 103 mynd jóhann Jóhannson 2015

21.12.2016 11:40

2868 Jónina Brynja is 55

             2868 Jónina Brynja IS 55 Mynd jóhann Jóhannsson 2015

20.12.2016 17:19

Karl Thorgeir til Finnmörku i Noregi

                      Karl-Thorgeir F-137-G Mynd Trefjar.is

Ný Cleopatra 33 til Finnmörku

 

Bátsmiðjan Trefjar í Hafnarfirði afgreiddi nú á dögunum nýjan Cleopatra bát til bæjarins Nervei í Finnmörku í Noregi.

Kaupandi bátsins er Per Birger Persen sem jafnframt verður skipstjóri á bátnum.

 

Báturinn hefur hlotið nafnið Karl-Torgeir.  Báturinn mælist 11brúttótonn.  Karl-Torgeir er af gerðinni Cleopatra 33.

 

Aðalvél bátsins er af gerðinni Cummins QSC8.3 490hp tengd ZF V-gír.  Báturinn er útbúinn fullkomnum siglingatækjum af gerðinni Simrad.

Báturinn er einnig útbúin með vökvadrifinni hliðarskrúfu sem tengd er sjálfstýringu bátsins.  Báturinn er útbúinn til neta og gildruveiða.

Búnaður til netaveiða kemur frá Rapp í Noregi.  Krani er frá TMP. 

Öryggisbúnaður bátsins kemur frá Viking-björgunarbúnaði.

 

Rými er fyrir 12stk 380lítra kör í lest.  Í bátnum er upphituð stakkageymsla og salerni með sturtu.  Borðsalur er í brúnni.  Svefnpláss er fyrir þrjá í lúkar auk eldunaraðstöðu með eldavél, örbylgjuofn og ísskáp.

Báturinn hefur þegar hafið veiðar.

 

20.12.2016 11:34

Rækjuveiðar á Flæmingjagrunni

    Rækjuveiðar mynd þorgeir Baldursson 

20.12.2016 11:04

6643 Gimli ÞH 5 i Lengingu og fleira

Plastbáturinn Gimli ÞH 5 en núna i mikilli skveringu hjá Bátasmiðju Baldurs Halldórssonar Ehf 

Þar sem að hann verður meðal annas lengdur 140 cm og skipt verður um stýrishús og vél 

og mun volvo D6 330 hp ásamt Bph outbord drifi hafa orðið fyrir valinu að sögn eigandas

Odds Örvars 

 

           6643 Gimli ÞH 5 mynd Þorgeir Baldursson 2016

               Oddur við Hlið Bátsins mynd þorgeir Baldursson 2016

                         6643 Gimli ÞH 5 mynd þorgeir Baldursson 2016

20.12.2016 10:58

1972 Hrafn Sveinbjarnarsson Gk 255

     1972 Hrafn Sveinbjarnarsson GK 255mynd þorgeir Baldursson 

18.12.2016 15:00

2912 Oddur Á Nesi SI 76 Nýsmiði sjósett i dag

I dag var sjósettur  nýr bátur frá Seiglu Oddur Á Nesi SI 76 i bátnum er tækjapakki frá Simrad og Aðalvél frá Scania

 nánari upplýsingar lágu ekki fyrir þegar Þetta þetta var sett innAllar myndir Þorgeir Baldursson 2016 

 Það var Rafröst Ehf sem að sá um allann frágang á tækjunum fyrir útgerðina

Tækjapakki Óla á Nesi SI

SIMRAD AP70 Sjálfstýring með AC80 og AD80 tölvum f. stýri og hliðarskrúfur.

SIMRAD FU80 Útistýri

SIMRAD NSS12 evo2 Plotter/Radar

SIMRAD 3G Radar

SIMRAD GS25 GPS

SIMRAD HS70 GPS Áttaviti

SIMRAD RS35 VHF Talstöð

SIMRAD HS35 Þráðlaust talfæri f. VHF

SIMRAD ES70 Dýptarmælir m. þrem botnstykkjum.

SAILOR RS6215 VHF Talstöð

EM-TRAK A100 PRO AIS

JRC JLR-7600 GPS

JRC JLN-652 DOPPLER Straummælir

OLEX Plotter 2D/3D
 

 

 

 

 

 

 

 

 

 

 

 

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 1529
Gestir í dag: 19
Flettingar í gær: 2617
Gestir í gær: 121
Samtals flettingar: 1327011
Samtals gestir: 56630
Tölur uppfærðar: 3.4.2025 09:25:28
www.mbl.is