1178 Bliða SH 277  Aðsend mynd af vefmyndavel

Fiski­skipið Blíða SH-277, sem steytti á skeri skammt und­an Stykk­is­hólmi upp úr há­degi í dag og var strand í nokkr­ar klukku­stund­ir, náði að sigla aft­ur af stað um fjög­ur­leytið. Beðið hafði verið eft­ir flóði og þegar aðstæðurn­ar sköpuðust komst skipið aft­ur á flot.

Autt hafið við Stykk­is­hólm að Blíðu sigldri á brott. Hún er kom­in í höfn. Vef­mynda­vél

Nú er Blíða kom­in í höfn í Stykk­is­hólmi þar sem ástand skips­ins verður metið. Eft­ir nokk­urra stunda bið rétt­ist skipið af, komst á flot og gat siglt á eig­in vélarafli til hafn­ar, sam­kvæmt upp­lýs­ing­um frá Land­helg­is­gæsl­unni.

Frétt af mbl.is

Skip strandaði við Stykk­is­hólm

Nokk­ur viðbúnaður var á vett­vangi þegar skipið strandaði. Björg­un­ar­skip frá Björg­un­ar­sveit­un­um mætti á vett­vang og þyrla Land­helg­is­gæsl­unn­ar. Aldrei var þó tal­in veru­leg hætta á ferð og bless­un­ar­lega komst skipið aft­ur á flot þegar féll að.

Eng­an sakaði og verið er að kanna ástand skips­ins.

Blíða SH-277, sem er í miðjunni, hallaði nokkuð á sker­inu þar sem skipið hafði strandað. Eft­ir fá­ein­ar klukku­stund­ir náði að rétta skipið aft­ur af og það sigldi til hafn­ar.Vef­mynda­vél

Heimild mbl.is 

Ísfisktogarinn Akurey AK kom í gærmorgun til Reykjavíkur með fullfermi, eða 190 tonn, eftir skamman tíma á veiðum. Magnús Kristjánsson, sem var skipstjóri í veiðiferðinni, segir að mokveiði hafi verið allan tímann.

,,Við byrjuðum á að fara á Fjöllin í leit að gullkarfa. Þar var mokveiði af karfa en ufsa urðum við ekki varir við,“ segir Magnús en frá Fjallasvæðinu var haldið norður á Vestfjarðamið.

,,Við sigldum yfir Víkurálinn en þar var þá mokveiði á ufsa. Okkur var fyrirlagt að veiða þorsk og hugmyndin var sú að fara í kantinn út af Patreksfirði og vinna sig síðan eftir kantinum norður á Halann. Til að gera langa sögu stutta þá komumst við aldrei langt norður fyrir Patreksfjörð,“ segir Magnús. 

,,Það var mokveiði af fallegum þorski allan tímann og meðalvigtin hjá okkur var um fjögur kíló. Það tók okkur innan við 30 tíma á veiðum að ná þeim þorski sem vantaði upp á fullfermi,“ segir Magnús Kristjánsson.

2890 Akurey Ak 10 á togi á Selvogsbanka i April mynd þorgeir Baldursson 2019