Mynd sú sem hér birtist sýnir þegar hafist var handa við að rífa Helga Helgason Ve í slippnum á Akureyri á árunum 1964-1965. En mynd þessa sendi Þorsteinn Pétursson okkur.

               Helgi Helgason VE rifinn á Akureyri  © mynd Þorsteinn Pétursson

Hér aðeins fyrir neðan er fjallað um Gissur hvíta HU 35 ex SF 55, þegar hann var í eigu Særúnar ehf., á Blönduósi og var rauður með nýja brú. Þorgeir Baldursson átti í safni sínu myndir af því þegar skipt var um brúnna og þó ekki sé alveg öruggt hvernær það gerðist er helst fallist á að það hafi verið árið 1996. Hér sjáum við fjórar myndir Þorgeirs frá þessum tímamótum.




                  964. Gissur hvíti HU 35 ex SF 55 © myndir Þorgeir Baldursson

                  399. Afi Aggi EA 399 ex Kári GK 146 © mynd Þorgeir Baldursson

                            2460. Síldey NS 25 © mynd Þorgeir Baldursson

Hér sjáum við tvo af þeim bátum sem borið hafa nafnið Gissur hvíti SF 55.

                                     1629. Gissur hvíti SF 55 © mynd Tryggvi Sig.

                                 964. Gissur hvíti SF 55 © mynd Emil Páll

Þessi bátur hefur frá aldamótum verið elsti bátur landsins, smíðaður í Fredrikssund í Danmörku 1930. Upphaflega hét hann Huginn GK 341 og var úr Vogum, en í dag heitir hann Fengsæll ÍS 83. Hér birtum við mynd eftir Tryggva Sig, af honum er hann bar nafnið Ingólfur GK 125, en það nafn bar hann á árunum 1978-1988.

                                          824. Ingólfur GK 125 © mynd Tryggvi Sig.

Mynd sú sem nú birtist er í raun staðfesting, sem hvergi hefur komið fram í skipaskrám. Málið snýst um það að Jónas Jónasson GK 101 frá Njarðvík var seldur til Eskifjarðar í maí 1966 og síðan brann hann og sökk 3. júní sama ár milli Neskaupstaðar og Eskifjarðar. Fram að þessu er aðeins talað um að hann hafi haldið fyrra nafni þegar það gerðist, en á þessari mynd Tryggva Sig, kemur í ljós að hann hafði fengið nafnið Birkir SU 519 og sést raunar að málað hafði verið yfir fyrra nafn á stýrishúsinu og númerið að framan til að sitja hið nýja á. Með öðrum orðum það var Birkir SU 519 sem áður hét Jónas Jónasson GK 101 sem brann og sökk þarna.

        622. Birkir SU 519 ex Jónas Jónasson GK 101 © mynd úr safni Tryggva Sig.

Um þennan bát hefur mikið verið fjallað hér á síðunni en hann heitir í dag Maron GK 522 og ný nýlega birtist einmitt mynd af honum hér á síðunnu. Hér birtum við tvær myndir af honum er hann bar nafnið Þröstur KE 51.


                                          363. Þröstur KE 51 © myndir Emil Páll

Hér sjáum við sama bátinn undir tveimur nöfnum. Fyrst er það Vesturborg GK 195 sem var í eigu Valdimars hf. í Vogum og er myndinn tekinn þegar hann kom nýkeyptur til landsins en þá kom hann fyrst til Njarðvíkur. Síðari myndin er af bátnum eftir að hann laut nafnið Valdimar GK 195 og er í eigu Þorbjörns hf. í Grindavík, en sú mynd er einmitt tekin í Grindavík.

                                                       2354. Vesturborg GK 195

                             2354. Valdimar GK 195 © myndir Emil Páll

Hér sjáum við bátinn nýjan, en nánar er fjallað um hann á síðu Hafþórs í dag.
           621. Jón Stefánsson VE 49 © mynd úr safni Tryggva Sig.

Eins og menn muna margir hverjir þá strandaði Ófeigur III VE 325 við Þorlákshöfn 20. feb. 1988 og ónýttist þar. Nú hefur Valur Stefánsson sent okkur þessa mynd frá strandstað og færum við honum bestu þakkir fyrir.

         707. Ófeigur III VE 325 á strandstað við Þorlákshöfn © mynd Valur Stefánsson

Bátur þessi var smíðaður í Fredrikssund í Danmörku 1961 og var tekinn af skrá 1986. Ástæðan var að hann sökk í Hornarfjarðarhöfn eftir að togarinn Þórhallur Daníelsson SF 71 bakkaði stjórnlaust á hann 13. jan. 1986. Bátnum var bjargað upp og var Björgunarfélaginu gefinn hann, en það seldi hann síðan til Dráttarbrautar Keflavíkur sem ætlaði að endurbyggja bátinn. Þótt ótrúlegt sé þá sigldi báturinn fyrir eigin vélarafli til Keflavíkur og var fljótlega tekinn upp í slipp hjá Dráttarbrautinni. En þar sem ljóst varð fljótlega að hann myndi ekki fást aftur skráður varð bið á endurbyggingu. Er Dráttarbrautin varð síðan gjaldþrota var endanlega ákveðið að endurbyggja hann ekki. Var hann því bútaður í tvennt 23. maí 1990 og brendur á áramótabrennu við Aðalgötu í Keflavík sama ár.
                          469. Hafnarey SF 36 komin til Keflavíkur © mynd Emil Páll

                                       Fjölnir GK 157 © mynd Tryggvi Sig.

                           Jón Finnsson GK 506 © mynd úr safni Tryggva Sig.