07.12.2011 14:10
Bræla á loðnumiðunum sjö skip i Isafjarðarhöfn
Auk Hákons EA eru í höfn Jón Kjartansson SU frá Eskifirði, Ingunn AK frá Akranesi, Börkur NK frá Neskaupstað, Beitir NK frá Neskaupstað, Faxi RE frá Reykjavík og grænlenska skipið Erika, sem er það eina sem veitt hefur einhverja loðnu. heimild www.bb.is ALLAR MYNDIR Halldór Sveinbjörnsson
06.12.2011 18:21
Isfélag Vestmannaetja fagnar 110 ára afmæli
Ísfélag Vestmannaeyja fagnar 110 ára afmæli
Elsta hlutafélag landsins og jafnframt elsta sjávarútvegsfyrirtækið, Ísfélag Vestmannaeyja, fagnaði því í síðustu viku að 110 ár eru liðin frá því að fyrirtækið var stofnað. Ísfélagið, sem var stofnað 1. desember 1901, er í dag á meðal öflugustu útgerðar- og fiskvinnslufyrirtækja landsins og gerir út sex skip. Auk umfangsmikillar starfsemi í Vestmannaeyjum er fyrirtækið með talsverða starfsemi á Þórshöfn á Langanesi. Starfsmenn í báðum starfsstöðvum gerðu sér glaðan dag í tilefni tímamótanna.
"Saga Ísfélags Vestmannaeyja er öðrum þræði saga atvinnuþróunar og samfélagsins í Eyjum og um leið staðfesting þess að þegar fyrirtæki eru stofnuð eru þau ekki hugsuð sem skammtímalausn heldur er þeim ætlað hlutverk til langrar framtíðar. En það er ekki sjálfgefið að fyrirtæki nái svo háum aldri," segir Stefán Friðriksson, framkvæmdastjóri Ísfélagsins í samtali við Útveginn.
Stefán segir hollt að rifja upp söguna á tímum sem nú, þar sem sjávarútvegsfyrirtæki upplifi viðvarandi óvissu um framtíðina og búi við yfirvofandi grundvallarbreytingar á rekstrarumhverfi fyrirtækjanna. "Traust atvinnustarfsemi er kjölfesta hvers samfélags og það fjöregg sem menn henda ekki á milli sín í karpi um pólitískan rétttrúnað."
Starfsemi Ísfélagsins hefur breyst mikið á löngum tíma. Upphaflega var tilgangurinn rekstur á beitufrystihúsi sem síðan þróaðist út í að verða eins konar frystigeymsla fyrir Eyjamenn, þar sem fólk gat geymt kjöt og aðrar nauðsynjar. Fiskvinnsla á vegum félagsins hófst 1942 og árið 1956 urðu ákveðin straumhvörf í sögu þess. Þá komu tólf útgerðarmenn til liðs við félagi og lögðu jafnframt inn afla báta sinna til vinnslu.
Þótt Ísfélag Vestmannaeyja sé allra sjávarútvegsfyrirtækja elst á landinu eiga fjölmörg útgerðar- og fiskvinnslufyrirtæki sér langa sögu víða um land. Þannig má rekja rætur HB Granda hf. allt aftur til ársins 1906, Hraðfrystihúsið-Gunnvör hf. á sér 70 ára sögu, Skinney-Þinganes 65 ára sögu og þannig mætti áfram telja.
Þessir átta starfsmenn Ísfélags Vestmannaeyja fengu viðurkenningu fyrir 25 ára starfsferil hjá fyrirtækinu. Að auki fengu 11 starfsmenn viðurkenningu fyrir 30-50 ár í starfi.
06.12.2011 08:08
Kaldbakur EA 1 kemur til hafnar i Gærkveldi
05.12.2011 15:45
Svipmyndir frá Akueyri i dag
05.12.2011 08:36
2662- Kristina EA 410 fer á loðnuveiðar við Islandsstrendur i vetur
04.12.2011 22:14
Hákon EA 148 hélt til loðnuleitar i kvöld kl 21
03.12.2011 14:02
Seigla sjósetur stæðsta plastbát sem að smiðaður hefur verið á Islandi
02.12.2011 21:50
Hákon EA 148 á Akureyri
02.12.2011 11:56
Trefjar afhenda nýjan bát til Frakklands
Bátasmiðjan Trefjar í Hafnarfirði afgreiddi nú á dögunum nýjan Cleopatra bát til Lorient á vesturströnd Frakklands. Nýi báturinn hefur hlotið nafnið Femmes de Legende og er 17 brúttótonn. Þetta er ný útgáfa af hinum vinsæla Cleopatra 38 bát, að því er segir í frétt frá Trefjum.
Aðalvél bátsins er af gerðinni Doosan 4V158TIM 600hp tengd ZF360IV gír.
Báturinn er útbúinn 6kW rafstöð af gerðinni Westerbeke. Siglingatæki eru frá Furuno. Hann einnig útbúin með vökvadrifinni hliðarskrúfu sem tengd er sjálfstýringu bátsins.
Báturinn er útbúinn til netaveiða og makrílveiða með handfærarúllum.
Netaborð er frá Beiti. Handfærarúllur eru frá DNG.
Öryggisbúnaður bátsins er frá Viking.
Rými er fyrir 16 stk 380 lítra kör í lest. Lestin er útbúinn með kælikerfi. Í vistarverum er svefnpláss fyrir þrjá til fjóra auk eldunaraðstöðu með eldavél, örbylgjuofn og ísskáp.
Að sögn útgerðarinnar mun báturinn verða gerður út frá Lorient allt árið. Reiknað er með að báturinn hefji veiðar í næstu viku. 4 menn verða í áhöfn.
01.12.2011 22:13
Bátasmiðjan Seigla sjósetur stæðsta plastbátinn
01.12.2011 19:43
Stórfrétt nánar á Miðnætti
01.12.2011 09:25
Nýting sjávarafla
Hvaða heilvita manni dettur þá í hug að fara út í fjárfrekar framkvæmdir við að endurnýja skipakost svo hægt verði að framfylgja auknum kröfum um nýtingu sjávarafurða? Það kaupir enginn heilvita maður nýtt innbú ef það á að brenna ofan af honum á morgun eða hvað? Þessar aðgerðir þýða bara eitt. Skipum mun fækka og störfum um leið! Sjómenn, sem starfað hafa lengi við sjófrystingu, hafa ávallt reynt að nýta afla eins vel og hægt er á hverjum tíma.
Það eru ár og dagar síðan farið var að hirða afskurð af bolfiski á frystitogurum. Einnig er langt síðan farið var að frysta þorskhausa. Eins eru ár og dagar síðan byrjað var að hirða hausa og sporða af grálúðu. Af hverju? Það eru menn sem vinna við að finna nýja markaði fyrir sjávarafurðir til að selja á. Þeir selja það sem hægt er að selja.
Það er a.m.k. svo hjá þeirri útgerð sem undirritaður hefur starfað hjá sl. 25 ár. Svo er það alltaf spurningin um það hvort hlutirnir borgi sig. Þetta hefur verið gert án þess að misvitrir þingmenn eða ráðherrar hafi fundið upp á því að þetta væri hægt og jafnvel fá greitt fyrir afurðirnar. Spurningin er hvort til séu markaðir fyrir viðkomandi afurð eða ekki? Það er að sjálfsögðu ekkert annað en fráleitt að eyða í kostnað við að framleiða afurð eða vöru ef ekki fæst upp í kostnað á henni.
Arðsemi
Reyndar hirða fæstir, sem sækja í Barentshaf, afskurð, hvað þá hausa því íslenskar reglugerðir ná ekki þangað. Flestir sem sækja í Barentshaf reyna að hámarka afköstin til að vera ekki lengur en þarf til að fiska sinn kvóta. Sumir hafa fleiri verkefni en aðrir og geta þá leyft sér að vera fljótari og sleppa því að standa í atvinnubótavinnu á fjarlægum miðum.
Ekki er alltaf spurt hvort nokkuð fáist fyrir afurðirnar, hvað þá vinnuna! Það er jafnvel verið að borga með umbúðunum sem fara utan um afurðirnar. Síðan má kannski nefna það að hér í Barentshafi, þar sem aukið hefur verið við kvótann um margra ára skeið, hefur verið prýðis veiði, svo góð að við erum að eyða um 300 - 400 lítrum af svartolíu á klukkustund á meðan við erum að frysta margnefndar aukaafurðir sem við fáum síðan lítið sem ekkert fyrir! Við erum ekki að fiska á meðan við bíðum eftir að vinnslu ljúki við afskurð, hausa og hryggi.
Afleiðingar
Þetta get ég vitnað um þar sem undirritaður er með menn sem losuðu sig úr slíkri óvissu á dögunum. Sjómenn hafa oftast borið sig vel þó svo að kjör hafi á tíðum verið misjöfn. Það hafa verið misgóðir tímar til sjávar og sveita. Við sjómenn erum latir við að svara fyrir okkur. Það sést best á því hvernig við höfum látið misvitra ráðamenn setja á stéttina jafnt lög sem ólög í gegnum tíðina.
Lög voru sett á sjómannastéttina þegar það hentaði ráðamönnum vegna þess að útvegurinn var undirstaða þjóðarbúsins eins og sagt var. Það var a.m.k. einu sinni viðurkennt. Veit ekki hvað ráðamenn telja vera undirstöðu þjóðarbúsins í dag. Er á því að þeir viti það ekki sjálfir!
29.11.2011 23:07
Norðurljósin Séð i gegnum Nætursjónauka
Norðurljósin séð í gegnum nætursjónauka
Þriðjudagur 29. nóvember 2011
Þegar skyggja tekur á haustin taka við hjá þyrluáhöfnum Landhelgisgæslunnar reglulegar kvöld- og næturæfingar með og án nætursjónauka. Þessar æfingar eru hluti af reglubundinni þjálfun hjá flugdeildinni og eru mjög mikilvægur undirbúningur fyrir veturinn og skammdegið.
Nætursjónaukar hafa þann eiginleika að magna margfalt upp alla birtu. Þegar horft er í gegn um þá í myrkri er það svipað og sjá í dagsbirtu. Sjá má minnstu ljóstýru langar leiðir. Þetta gerir þyrluáhöfnum kleift að fljúga við aðstæður sem annars væru óhugsandi. Þetta þarf að hafa í huga við björgunaraðgerðir þegar þyrlan kemur á vettvang í myrkri. Þá þarf að lágmarka alla birtu á staðnum til að hægt sé fyrir þyrluáhöfnina að athafna sig með nætursjónaukum.
Þyrlur Landhelgisgæslunnar, TF-LIF og TF-GNA eru báðar eru með nætursjónaukabúnað sem hefur gerbreytt starfsumhverfi og möguleikum þyrluáhafna til að sinna starfi sínu að nóttu til. Að nota nætursjónauka er vissulega mjög ólíkt því að vinna i dagsbirtu. Sjónsvið við notkun þeirra er aðeins 40 gráður sem líkja má við það að horfa í gegnum klósettrúllu. Einnig nýtast nætursjónaukar ekki við aðstæður þar sem ekki er tunglsljós og alskýjað, þar sem þá er ekkert ljós til að magna upp. Einnig hefur græni liturinn þau áhrif að dýptarskyn minnkar. Er því mjög mikilvægt að vera í góðri þjálfun við notkun þeirra.
Þessi glæsilega mynd af Norðurljósunum var tekin af áhöfn TF-LIF, í gegnum nætursjónauka, þegar þyrlan var í þriggja kílómetra hæð yfir norðurenda Langjökuls um kl. 23:30 þann 28. nóvember.
29.11.2011 09:39
Akureyri i morgun vetrarmyndir
Víkurskarðið er enn lokað, þar er flutningarbíll fastur. Eins loka snjóflóð Ólafsfjarðarmúla, ófært er milli Akureyrar og Dalvíkur og eins milli Akureyrar og Grenivíkur og beðið er með mokstur, samkvæmt upplýsingum frá Vegagerðinni. Austan Víkurskarðs er víða stórhríð og hálka. Á Austurlandi er hálka eða snjóþekja á flestum leiðum, Þæfingsfærð og skafrenningur er á Öxi.
Á Vesturlandi er snjóþekja og skafrenningur á Bröttubrekku og snjóþekja og stórhríð á Holtavörðuheiði. Annars er víða hálka eða snjóþekja og skafrenningur. Á Vestfjörðum er Ófært og beðið er með mokstur á Steingrímsfjarðarheiði og á Kettshálsi og þungfært og skafrenningur í Ísafjarðardjúpi og á Kleifarheiði. Snjóþekja og stórhríð er á Gemlufallsheiði. Á Norðvesturlandi stórhríð og hálka við Gauksmýri, ófært og mokstur í gangi á Þverárfjalli. Þæfingsfærð og mokstur í gangi á Vatnsskarði, Þæfingsfærð og stórhríð er á milli Sauðárkróks og Hofsós og stórhríð og ófært á Siglufjarðarvegi. Það eru hálkublettir á Hellisheiði og í Þrengslum. Hálka, hálkublettir eða snjóþekja er á Suðurlandi og Reykjanesi. Á Suðausturlandi er víða hálka. Heimild vikudagur.is
28.11.2011 23:28
2400-Hafdis SU 220
