1627 Sæbjörg  á siglingu á Eyjafirði eftir slipp á Akureyri mynd þorgeir Baldursson

Slysa­varna­skóli sjó­manna í Sæ­björgu mun á næst­unni flytja frá Aust­ur­höfn að Bót­ar­bryggju í Gömlu höfn­inni í Reykja­vík.

Bót­ar­bryggja ligg­ur úti af Grandag­arði, milli Slysa­varna­húss­ins og Bakka­skemmu, húss Sjáv­ar­klas­ans.

Það mun ekki taka nema nokkr­ar mín­út­ur að færa Sæ­björgu milli staða og óhætt að full­yrða að þetta er sá skóli á Íslandi sem tek­ur skemmst­an tíma að flytja.

Sæ­björg­in hef­ur legið í Aust­ur­höfn­inni síðustu 14 árin. Mikl­ar breyt­ing­ar hafa orðið á þessu svæði und­an­far­in ár.

Fyrst reis tón­list­ar­húsið Harpa, því næst stór fjöl­býl­is­hús og á næst­unni verður tekið þar í notk­un nýtt lúx­us­hót­el, Reykja­vík Ed­iti­on-hót­elið.

„Skól­inn er að flytja vegna breyttra aðstæðna, ekki síst vegna þeirr­ar upp­bygg­ing­ar sem hef­ur orðið við Aust­ur­bakk­ann, þ.m.t. hót­elið,“ seg­ir Magnús Þór Ásmunds­son, hafn­ar­stjóri Faxa­flóa­hafna.

„Sæ­björg­inni hef­ur verið fund­inn góður staður við Bót­ar­bryggju.

Þar er góð aðstaða fyr­ir æf­ing­ar en einnig er þar t.d. góður aðgang­ur að veit­inga­stöðum, al­menn­ings­sam­göng­um og ágæt­ur aðgang­ur að bíla­stæðum, allt sem hent­ar skól­an­um vel,“ bæt­ir Magnús við.

Heimild Morgunblaðið Sigtryggur /sisi @mbl.is

Mynd þorgeir Baldursson 

Selfoss og Seifur i Krossanesi mynd Þorgeir Baldursson 28ágúst 2021         Þarna má sjá Spennana þessi nær er 100 tonn og hinn er 80 tonn mynd þorgeir Baldursson 28 Ágúst 2021                                          Selfoss i Krossanesi mynd þorgeir Baldursson 28 ágúst 2021

Nú fyrir skommu kom Selfoss eitt skipa Eimskips til hafnar i Krossanesi og þar var skipa upp tveimur spennum sem að verða notaðir

til að flytja raforku til austurlands um Hólasandslinu sem að liggur frá Eyjafirði og austur á land 

og voru þeir á Annað hundrað tonn samtals 

Framkvæmdin sem hér um ræðir felst í nýbyggingu 220 kV raflínu, Hólsandslínu 3 frá Akureyri að Hólasandi.

Markmið framkvæmdarinnar er bætt orkunýting, aukin flutningsgeta og að tryggja stöðugleika raforkukerfisins á Norður- og Austurlandi.

Framkvæmdin er einnig mikilvæg fyrir flutningskerfi landsins í heild þar sem um er að ræða mikilvægan hlekk í styrkingu tengsla milli sterkari hluta kerfisins á suðvesturhorninu og veikari hluta þess á Austurlandi.

Línuleiðin er innan fjögurra sveitarfélaga: Akureyrarkaupstaðar, Eyjafjarðarsveitar, Þingeyjarsveitar og Skútustaðahrepps.

2265 Arnar HU 1 á Veiðum  Mynd Þorgeir Baldursson 21 mars 2021

Lítið um norðuríshafsþorsk í Barentshafi undanfarið, eins og þeir á Arnari HU fengu að reyna í síðasta túr.

Arnar HU, frystitogari FISK Seafood, kom til heimahafnar í gær eftir 40 daga úthald í Barentshafinu. Eftirtekjan var heldur rýr miðað við lengd úthalds eða um 540 tonn upp úr sjó, mestmegnis þorskur. Aflaverðmæti er um 200 milljónir.

„Þetta var 40 daga úthald og þetta gekk ekki neitt. Við vorum í rússneskri efnahagslögsögu og þarna var lítið sem ekkert af fisk. Það var blíðuveður allan tímann svo ekki var því ótíðinni um að kenna. Við vorum að vonast eftir meiri afla en það eru ekki allar ferðir til fjár í Barentshaf," segir Guðmundur Henry Stefánsson, skipstjóri á Arnari HU.

Guðmundur Henry  hefur farið nokkra túrana í Barentshaf en ekki áður á þessum árstíma. Yfirleitt gangi þorskurinn úr norskri lögsögu yfir í þá rússnesku í Barentshafinu í maí-júní en svo virðist sem göngurnar hafi verið eitthvað minni núna. Meiri veiði hafði samt verið nokkrum dögum áður en Arnar HU kom á miðin hjá íslenskum skipum og í júlí var afli Vigra RE eftir 30 daga á veiðum rúm 1.000 tonn upp úr sjó. Örfirisey RE fékk á svipuðum tíma öllu meiri afla enda getur skipið dregið tvö troll samtímis.

Arnar HU var eina íslenska skipið á þessum slóðum undir lokin en þarna voru líka rússnesk og færeysk skip sem voru ekki í mikilli þorskveiði. Þeir voru eitthvað að taka af ýsu en það gildir fyrir íslensku skipin má ekki fara yfir 8% heildaraflans og það er fljóttekið. Guðmundur Henry minntist þess að í júlí í fyrra var hann í mokveiði á svipuðum slóðum. Það sé því augljóst mál að minna af fiski var þarna þetta árið.

Framundan hjá Arnari HU er tveggja mánaða slippur. Til stendur að skipta út frystikerfinu. Í frétt fyrirtækisins kemur fram að einnig verður farið í hefðbundið viðhald þar sem áætlað er að skrokkur verði þykktarmældur, aðal og ljósavélar fari í upptekt, leguskipti verði í gír og togvindum, farið verði í viðhald á skrúfubúnaði, skipið verður málað að utan og innan ásamt öðrum hefðbundnum verkefnum. Einhver endurnýjun verður á búnaði.

Fyrirséð var að þetta yrði gert á haustmánuðum því allri áhöfninni var sagt upp í maí. Uppsagnarfresturinn er mislangur eftir mönnum og sumir hafa náð að ráða sig í önnur pláss en aðrir ekki. 

Heimild Fiskifrettir / Guðjón Guðmundsson 

mynd / þorgeir Baldursson 

Þá fer að hilla undir að Ljósafell su 70 verði búið i slippnum i Þórshöfn i Færeyjum sennilega i næstu viku 

þessar myndir sendi mér Stórvinur minn og skipstjóri Jónas Sigmarsson sem að búsettur er i Þórshöfn 

og rekur þar fyrirtækið Shipping fo og er linkur á það á heimasiðunni kann ég honum bestu þakkir fyrir afnotin 

1277 Ljósafell su 70 i slipp i Færeyjum Mynd Jónas Sigmarsson 2 sept 2021                    1277 Ljósafell Su 70 i slippnum i Færeyjum  Mynd Jónas Sigmarsson 2 sept 2021                         Ljósafell SU i slippnum i Þórhöfn i Gærmorgun 2 sept mynd jónas Sigmarsson

Snekkjurnar á pollinum i vikunni mynd þorgeir Baldursson                                             Þyrlan lendir á Pursuit   i vikunni mynd þorgeir Baldursson                         Snekkjurnar lögðust við bryggju i fiskihöfninni mynd þorgeir Baldursson                                                                Legacy  mynd þorgeir Baldursson                 um borð i Pursuit er meðal annas Þyrla og öflugur Zodiac mynd þorgeir Baldursson                                                    Verið að binda Legacy mynd þorgeir Baldursson

Tvær lystisnekkjur hafa verið á Akureyri síðustu daga og vakið verðskuldaða athygli. Tvær þeirra, hvítar að lit, sem voru á Pollinum í gær, eru í eigu hjónanna Betsy og Dick DeVos að því er Fréttablaðið greindi frá á vef sínum í gærkvöldi. Betsy DeVos var menntamálaráðherra í ríkisstjórn Donalds Trumps, Bandaríkjaforseta.

Hjónin eru sögð eiga tíu sjóför, snekkjur og minni báta, að því er Fréttablaðið hermir. Akureyri.net veit ekki hvort hjónin séu sjálf hér á ferð.

Um er að ræða snekkjurnar Lega­­­cy og Pursuit. Þau hjónin eiga tíu sjó­­­för, bæði snekkjur og minni báta. Hvort þau hjónin séu um borð er ekki vitað.

Snekkjurnar tvær eru skráðar á Ca­yman-eyjum. Pursuit var smíðuð árið 2009, er 49 metrar að lengd og níu metrar á breidd. 

Lega­­cy er einum metra lengri, 9,31 metri á breidd og var smíðuð árið 2011.

Hún er metin á um fimm milljarða dollara. Sam­­kvæmt vef­­síðunni Ves­­selfinder komu snekkjurnar hingað til lands frá St. Johns í Banda­­ríkjunum og lögðu af stað 9. júlí.

Þær héldu svo af landi brott i gærkveldi  en samkvæmt Marintraffic er það Greenogk i Skotlandi 

108 Húni 11EA 740 á Siglingu á Eyjafirði Mynd Þorgeir Baldursson

Þorsteinn Pétursson Mynd þorgeir Baldursson                    108 Húni 11 EA 740  á siglingu með Grunnskólabörn mynd þorgeir Baldursson   Arngrimur Brynjólfsson Skipstjóri Mynd þorgeir          Bjarni Bjarnasson skipstjóri Mynd þorgeir Baldursson  Siglingar hafnar með eyfirska nemendur um fjörðinn - Hollvinir Húna II sigla með 300 nemendur í haust

„Krakkarnir bíða spenntir eftir þessum ferðum og undantekningarlaust eru þau ánægð. Ég er að hitta fólk í dag, sem komið er yfir tvítugt, sem segir við mig: Ég man eftir þér á Húna! Það er gaman að þessu,“ segir Þorsteinn Pétursson, einn Hollvina Húna II sem sjá um rekstur og viðhald á eikarbátnum. Frá árinu 2006 hefur báturinn siglt á haustin út á Eyjafjörð með grunnskólanemendur frá Akureyri og víðar að úr Eyjafirði. Fræðast um lífríki sjávar Húni II er nú farinn að sigla um fjörðinn með nemendur úr 6. bekk grunnskólanna líkt og mörg undanfarin haust þegar skólar eru teknir til starfa að loknu sumarleyfi. Í ferðunum fræðast krakkarnir um bátinn og smíði hans, lífríki sjávar og hollustu fisksins. Fjallað er um hafið kringum landið og þau verðmæti sem við þurfum að nýta og vernda t.d. með því að halda hafsvæðinu hreinu. Þau skoða stjórntæki í brúnni, veiða fisk sem síðan er krufinn um borð; flakaður, grillaður og loks snæddur. Verkefnið er unnið í samstarfi við auðlindadeild Háskólans á Akureyri, Akureyrarbæ og Samherja. Reiknað er með að þetta haustið verði siglt með ríflega 300 nemendur. Síðasta ferðin er áætluð 9. september nk. Í áhöfn Húna eru 10- 12 manns í hverri ferð og öll vinna er unnin í sjálfboðavinnu. Kennari úr sjávarútvegsfræðum mætir yfirleitt með nemendur sína úr HA, sem fá æfingu í því að fræða aðra um lífríki hafsins. „Það vildi svo skemmtilega til núna í vikunni að einn neminn í sjávarútvegsfræði mundi vel eftir sinni ferð með Húna þegar hún var í grunnskóla,“ segir Þorsteinn. Bátunum sé sýnd virðing Húni II var smíðaður í skipasmíðastöð KEA árið 1963, er 130 tonn að stærð. Iðnaðarsafnið á Akureyri hefur bátinn til umráða í dag en félagið Hollvinir Húna II sér um reksturinn, sem fyrr segir. Þorsteinn segist hlakka til ársins 2023, þegar Húni verður 60 ára. Þá verði vonandi hægt að sigla bátnum hringinn um landið og breiða út fagnaðarerindið. „Við viljum að þessum hluta sögunnar sé sýnd meiri virðing en gert hefur verið. Lengi vel var það siður hér á landi að kasta eikarbátunum á áramótabrennur,“ segir Þorsteinn og bendir á að ekki sé verið að brenna gömul hús með merka sögu að baki. Á fiskveiðum í 30 ár Smíðaðir voru um 100 eikarbátar hér á landi á árunum 1940 til 1970. Húni II er eini báturinn óbreyttur af þessari stærð sem nú er til á Íslandi. Báturinn var gerður út til fiskveiða í 30 ár og talið að veiðin hafi alls verið um 32 þúsund tonn. Hann var tekinn af skipaskrá árið 1994 og stóð til að eyða honum á næstu áramótabrennu. Húna var bjargað af Þorvaldi Skaftasyni og Ernu Sigurbjörnsdóttur, sem vildu varðveita bátinn sem minjar um skipasmíði á Íslandi. Báturinn kom aftur á skipaskrá 1995 og var gerður út á hvalaskoðun í nokkur ár, fyrst frá Skagaströnd og síðar frá Hafnarfirði. Þrautreyndir aflaskipstjórar skiptast á í brúnni á Húna, þeir Arngrímur Brynjólfsson, er lengi stýrði Vilhelm Þorsteinssyni EA, og Bjarni Bjarnason af Súlunni EA

Heimild Morgunblaðið Björn Jóhann 

Myndir Þorgeir Baldursson 

2890 Akureyr AK 10 á Sauðárkróki mynd þorgeir Baldursson

Ísfisktogarinn Akurey AK er nú að veiðum á Skagagrunni og fyrirhugað er að aflanum verði landað á Sauðárkróki í kvöld.

Þetta er mjög stuttur túr hjá Akurey því afla var síðast landað í Grundarfirði í byrjun vikunnar.

,,Sumarið hefur verið mjög gott aflalega séð. Við höfum verið á Vestfjarðamiðum og fengið fínan afla.

Nú virðast aflabrögðin á Vestfjarðamiðum vera á hraðri niðurleið, í bili a.m.k., og þess vegna var ákveðið að reyna fyrir sér á miðunum út af Skagafirði

,” segir Eiríkur Jónsson, skipstjóri á Akurey í samtali á heimasíðu Brims. Hann er nú í stuttu fríi. Á meðan er Magnús Kristjánsson með skipið.

,,Mér skilst að aflabrögðin hafi verið róleg það sem af er þessari stuttu veiðiferð.

Við erum búnir að vera þarna fyrir norðan í tveimur síðustu veiðiferðum og höfum fulla trú á að aflinn glæðist,” segir Eiríkur sem taka mun aftur við skipstjórninni í kvöld.

Aflabrögð hjá bátum sem að stunda Grálúðuveðar með net hefur farið minkandi það sem  af er ári en alls stunda nú fjórir bátar

þessar veiðar Kristrún RE ,Þórsnes SH ,Kap 2 Ve  og Jökull ÞH að sögn Helga Age Torfasonar skipstjóra á Kristrúnu RE sem að hefur stundað

þessar veiðar um árabil með góðum árangri skipið landaði á Akureyri i gær ásamt Þórsnesi SH og  var afli skipanna um eitthundrað tonn 

hvort skip  Kristrún RE hélt svo til veiða seint i gærkveldi en Þórsnes mun halda til veiða á nk Laugardag 

Helgi Age Torfasson skipst á Kristrúnu RE

Þórsnes SH 109 og Kristrún RE177 mynd þorgeir Baldursson 31 Ágúst 2021

Seiðaeldisstöð Arctic Fish mynd þorgeir Baldursson 28 júni 2021

Verktakafyrirtækið Eykt mun annast hönnun og framkvæmdir við stækkun seiðaeldisstöðvar Arctic Fish í Norður-Botni í Tálknafirði og norska fyrirtækið Eyvi sér um tæknibúnað stöðvarinnar.

Áætlað er að kostnaður við verkið verði um 3,5 milljarðar króna og verður það ein af stærstu framkvæmdum einkaaðila á Vestfjörðum.

Framkvæmdir hefjast næstu daga. Húsnæðið verður stækkað um 4.200 fermetra og verður samtals 14.200 og kerjarými meira en tvöfaldað því við það bætast 7.200 rúmmetrar.

Framleiðslugeta stöðvarinnar tvöfaldast, verður 1.000 tonn sem svarar til um fimm milljóna 200 gramma seiða. Úr þeim fjölda á að vera hægt að ala um það bil 25 þúsund tonn af laxi. 

Heimild morgunblaðið 

Nú loksins hillir undir léttari sóttvarnarreglur og að sögn rekstraraðila  hvalaskoðunnar báta virðist þetta vera allt á réttri leið 

mikil aðsókn i ferðir og eru þetta i meirihluta erlendir hópar sem að búnir voru að panta með löngum fyrirvara en siglingin 

eftir hvalnum er löng þar sem að hann hefur mest verið hér i minni Eyjafjarðar þannig að það tekur um 4 klst að sigla 

frá Akureyri og til baka á miðin en i dag sáust 4 hnúfubakar talsvert af höfrungi  og ein hrefna fyrir innan Hrisey 

Að sögn Vignis Sigursveinssonar skipst á Hólmasól þegar spjallað var við hann i dag 

Hólmasól kemur úr hvalaskoðun i dag mynd þorgeir Baldurson 28 ágúst 2021                                      Frambandið sett á pollann mynd þorgeir Baldursson 28 ágúst 2021                      springurinn og vatnslangan mynd þorgeir Baldursson 28 ágúst 2021                            Landgangurinn gerður klár fyrir farþegana mynd þorgeir Baldursson 28 ágúst 2021      Farþegar streyma i land og næsti hópur biður klár að fara um borð mynd Þorgeir Baldursson

2904 Páll Pálsson IS 102 við komu til Isafjarðar mynd þorgeir Baldursson 2021

Með hraðprófi fyrir Covid-19 sýkingu greindist skipverji á Páli Pálssyni ÍS jákvæður í gær.

Beðið er niðurstöðu úr PCR prófi sem væntanleg er i dag . Þar til niðurstaða liggur fyrir er áhöfnin í sóttkví.

Á sama hátt hefur annar starfsmaður í landi einnig verið greindur jákvæður með hraðprófi og hluti starfsfólks farið í sóttkví þar til niðurstaða liggur fyrir úr PCR greiningu á morgun.

Af þeim sökum verður skrifstofa fyrirtækisins í Hnífsdal lokuð i dag Föstudag .

segir á vef fyrirtækisins