14.04.2022 07:46Algjört lykilatriði að hafa góða áhöfn í góðu fiskeríi
Góð ufsaveiði hefur verið að undanförnu út af Reykjanesi. Skipstjórinn á Björgvin EA 311 segir vissulega gaman að lenda í góðu fiskeríi,en það megi ekki koma niður á gæðum hráefnisins til vinnsluhúsanna. Í slíkum túrum skipti sköpum að hafa góða og samhenta áhöfn. Oddur Brynjólfsson skipstjóri á Björgvin hefur verið til sjós í um tvo áratugi og hefur því marga fjöruna sopið. Hann segir mörg skip gerð út á ufsa þessar vikurnar svo sem á Eldeyjarbanka, enda veiðiheimildir í þorski skertar á yfirstandandi fiskveiðitímabili, miðað við árið á undan. Stærsta holið 19 tonn Björgvin landaði í Hafnarfirði í byrjun vikunnar og var aflanum ekið norður til Akureyrar og Dalvíkur til vinnslu.
„Við vorum með um 125 tonn og túrinn tók þrjá og hálfan sólarhring, þannig að við vorum að veiðum í um tvo og hálfan sólarhring. Uppistaðan fékkst svo að segja á einum sólarhring og um 70 tonn af aflanum var ufsi, almennt ágætis fiskur.”
Ufsinn krefst þolinmæði „Já, það voru ansi mörg skip þarna í ufsanum á tiltölulega afmörkuðu svæði. Skipin voru að draga þvers og kruss í kringum mann, þannig að það er eins gott að vera vakandi þegar þannig er. Ufsaveiðar eru um margt nokkuð spennand og krefjast vissrar þolinmæði. Stundum er dregið klukkutímum saman en lítið sem ekkert kemur í trollið en svo allt í einu hittir maður á góðar torfur og þá er eins gott að áhöfnin sé klár í törn. Í síðasta túr var stærsta holið um 19 tonn en við reynum að taka ekki of mikið í einu, þannig tekst okkur betur að hámarka gæði aflans sem er auðvitað markmiðið. Við þetta bætist líka að það er ekki auðvelt að sjá á dýptarmælum hvaða tegundir er um að ræða, það kemur bara í ljós þegar veiðarfærin eru komin á dekkið.”
Valinn maður í hverju rúmi
“Já, það er algjört lykilatriði að hafa góðan og samhentan mannskap og sú er raunin á Björgvin, hérna er valinn maður í hverju rúmi. Björgvin er líka afskaplega gott skip, þó það sé komið nokkuð vel til ára sinna en því hefur verið haldið afskaplega vel við í gegnum tíðina. Veturinn var einstaklega erfiður veðurfarslega séð en dagatalið segir okkur að betri tíð sé í vændum og við verðum að trúa því.” Landvinnslan þarf hráefni strax eftir páska “Við verðum á miðunum næstu sólarhringana,þannig að landvinnslan fái hráefni strax eftir páska. Hvort við förum aftur á ufsamiðin á reyndar eftir að koma í ljós en ég tel það líklegt. Það þarf líka að taka mið af hrygningarstoppinu sem er að taka gildi,” segir Oddur Brynjólfsson skipstjóri á Björgvin EA 311.
Skrifað af Þorgeir 14.04.2022 07:08Harðbakur EA 3 tekur trollið i Kaldafýlu á Selvogsbanka
Skrifað af Þorgeir 14.04.2022 06:54Breki Ve 61
Skrifað af Þorgeir 14.04.2022 00:47Baldviin Njálsson Gk 400
Skrifað af Þorgeir 14.04.2022 00:09Páskastopp hjá Bergey og Vestmannaey
Vestmannaey VE og Bergey VE komu til hafnar í Vestmannaeyjum á mánudag með fullfermi og hafa bæði skipin gert hlé á veiðum. Vegna áhrifa hátíðanna á flutning á fiski og að það sé hrygningarstopp til 21. apríl hefur verið ákveðið að halda ekki til veiða á ný fyrr en í fyrsta lagi páskadag. Þetta er haft eftir Arnari Richardssyni, rekstrarstjóra Bergs-Hugins, á vef móðurfélagsins (Síldarvinnslan). Hann segir vertíðina hafa gengið vel til þessa og bendir á að það taki skipin um tvo sólarhringa að ná fullfermi og að fiskurinn sé góður og verð há. Veðrið hefur þó truflað veiðar nokkuð í vetur. Þá hélt Gullver NS til veiða í gærkvöldi eftir viku hlé á veiðum. Gert er ráð fyrir að hann komi til löndunar á laugardag.
Skrifað af Þorgeir 13.04.2022 08:11Fjölnir Gk 157
Skrifað af Þorgeir 13.04.2022 00:38Helga Maria RE 1 togar i brælu
Skrifað af Þorgeir 12.04.2022 07:34Tómas Þorvaldsson Gk 10
Skrifað af Þorgeir 06.04.2022 00:41Aðalbjörg RE 5 kemur i land i Þorlákshöfn i dag
Skrifað af Þorgeir 29.03.2022 06:00Harðbakur EA að taka trollið í brælu
Skrifað af Þorgeir 28.03.2022 22:38Selvogsbanki skip á veiðum
Skrifað af Þorgeir 28.03.2022 22:23Gert klárt fyrir strandveiðarÞað var nóg um að vera i þorlákshöfn i dag mikið af skipum að koma inn til löndunnar vegna næstu brælu og voru flestir með góðan afla hinnsvegar var Gisli Unnsteinsson útgerðarmaður og eigandi Steinunnar Ár 34 að hifa upp bátinn sinn til að yfirfara hældrifið og skipta um oliu á þvi fyrir komandi strandveiðtimabil þvi að allt þarf þetta nú að vera i topplagi þegar vertiðin birjar
Skrifað af Þorgeir 17.03.2022 17:00Arnar HU 1 með góðan túr úr Barentshafi
Skrifað af Þorgeir 17.03.2022 13:47Efast um mælingar á loðnustofninum17.03.2022Guðmundur Þ. Jónsson skipstjóri/mynd samherji.is “Ég hreinlega man ekki eftir svona tíðarfari, það hafa verið svo að segja látlausar brælur á miðunum frá því loðnuveiðar með nót hófust í byrjun febrúar með tilheyrandi erfiðleikum og barningi,“ segir Guðmundur Þ. Jónsson skipstjóri á Vilhelm Þorsteinssyni EA 11, sem hefur vissar efasemdir um að mælingar á loðnustofninum hafi gefið rétta mynd af stærðinni. Hann segir að öflugur skipafloti hafi skipt sköpum á vertíðinni, regluleg endurnýjun sé nauðsynleg. Mikil áta í sjónum þegar mælt var Leyfilegur heildarafli íslensku loðnuskipanna er hátt í 700 þúsund tonn og eru um 200 þúsund tonn nú óveidd. Guðmundur skipstjóri efast um að flotanum takist að fullnýta veiðiheimildirnar, þrátt fyrir erfiðleikana sé stórri vertíð að ljúka með tilheyrandi atvinnusköpun og gjaldeyristekjum í þjóðarbúið. „Þessi vertíð er líklega á lokametrunum, kannski er bara einn túr eftir, mesta lagi tveir. Annars var að sjást einhver loðna við Vestmannaeyjar í tækjunum, kannski er hún eitthvað seinna á ferðinni en undanfarin ár, það kemur þá fljótlega í ljós. Ég er farinn að efast um að upphaflegar mælingar hafi gefið raunsanna mynd af stærð stofnsins. Það var mikil áta í sjónum þegar mælt var, sem hugsanlega leiddi til þess að stofninn var álitinn stærri, menn hafi einfaldlega álitið átuna vera loðnu.
Hitastig sjávar er ósköp svipað og líka straumarnir, þessir þættir hafa líka áhrif á stóru myndina. Ég er svo sem ekki með neina einhlíta skýringu á þessu en er farinn að hallast að því að mælingarnar hafi hugsanlega verið eitthvað skakkar.“ Loðnan hagar sér oft undarlega Loðnuhrognin eru verðmætustu afurðirnar. Guðmundur segir ástandið á loðnunni mjög mismunandi milli veiðisvæða með tilliti til hrognavinnslu. „Já, en svona er þetta. Það var ekki mikið af hrognum í loðnunni í Faxaflóa í síðustu viku, staðan var betri við Vestmannaeyjar. Annars hagar loðnan sér oft á tíðum undarlega og svo bætist líka við að hvalurinn hefur verið að gera okkur erfitt fyrir, hvalastofnarnir stækka ár frá ári.“ Vilhelm Þorsteinsson EA hefur reynst vel Vilhelm Þorsteinsson EA er tæplega eins árs gamalt skip og er afar fullkomið. Guðmundur segir að Vilhelm hafi reynst afskaplega vel á þessu fyrsta ári. „Við höfum fiskað um 75 þúsund tonn á þessu fyrsta ári, þar af er loðna um 30 þúsund tonn. Skipið fer vel með áhöfnina og allur búnaður er fyrsta flokks. Fyrir okkur Íslendinga skiptir miklu máli að skipaflotinn sé sem öflugastur, það hefur sannast ágætlega á þessari vertíð, sem er senn á enda.“ Kolmunnavertíðin að hefjast Næsta vertíð er rétt handan við hornið, kolmunnavertíðin. „Já, sú vertíð hefst væntanlega 10. apríl, þannig að það er skammt á milli vertíða hjá okkur. Ég enda þessa stóru loðnuvertíð þokkalega sáttur, það er ekki annað hægt. Því er hins vegar ekki að neita að maður var bjartsýnni í upphafi en svona er þetta bara. Við skipstjórarnir höfum náttúrulega ýmislegt um að ræða í talstöðinni þessa dagana varðandi uppgjör á vertíðinni. Náttúran er óútreiknanleg og maður nær ekki að skilja alla þætti hennar, þótt tækninni hafi fleygt fram á undanförnum árum og skipaflotinn orðið betri. Meðal annars þess vegna er sjómennskan svo heillandi. Það styttist sem sagt í að maður gleymi loðnu og hugsi dag og nótt um kolmunna,“ segir Guðmundur Þ. Jónsson skipstjóri á Vilhelm Þorsteinssyni EA.
AF heimasiðu Samherja www.samherji.is Skrifað af Þorgeir 16.03.2022 22:31Bræluskitur allann túrinn?????
Málmey SK1 kom til hafnar á Sauðárkróki í dag með um 150 tonna afla og var uppistaða hans þorskur og ufsi. „Við vorum fjóra sólarhringa á veiðum og vorum á Eldeyjarbanka, Jökuldýpi og Reykjafjarðarál. Veiðarnar gengu þokkalega vel. Veðrið hefur verið frekar leiðinlegt, 15-22 m/?s allan túrinn,“ segir Þórarinn Hlöðversson, skipstjóri á Málmey, í færslu á vef FISK Seafood sem gerir skipið út. Málmey kom síðast til hafnar 10. mars en þá á Grundarfirði með um 100 tonn af þorski og ufsa, en þá hafði skipið aðeins verið um tvo sólarhringi á veiðum á Jökuldýpi og á Eldeyjarbanka. „Fiskiríið var mjög gott en veðrið var frekar risjótt,“ sagði Þórarinn um þá veiðiferð. Skrifað af Þorgeir |
Eldra efni
Um mig Nafn: Þorgeir BaldurssonFarsími: 8620479Tölvupóstfang: thorgeirbald62@gmail.comHeimilisfang: Reynihlið 15 D 604 HörgárbyggðStaðsetning: HörgárbyggðUm: Fréttaritari Morgunblaðsins til sjávar og sveita og öll Almenn Ljósmyndun sem að tengist SjávarútvegiTenglar
Flettingar í dag: 812 Gestir í dag: 109 Flettingar í gær: 546 Gestir í gær: 102 Samtals flettingar: 557544 Samtals gestir: 20952 Tölur uppfærðar: 19.3.2024 14:10:43 |
© 2024 123.is | Nýskrá 123.is síðu | Stjórnkerfi 123.is