1345 Blængur Nk 125 mynd þorgeir Baldursson 2021 Frystitogarinn Blængur NK kom til Hafnarfjarðar í morgun og þar verður landað úr skipinu í dag. Haldið verður til veiða strax að löndun lokinni. Heimasíðan heyrði hljóðið í Sigurði Herði Kristjánssyni skipstjóra og spurði fyrst hvernig gengið hefði til þessa í veiðiferðinni. “Það hefur bara gengið nokkuð vel en við erum í fjörutíu daga túr. Við höfum verið í þrettán daga að veiðum og aflinn er 400 tonn upp úr sjó. Það voru komnir um 13.000 kassar af afurðum eða tæplega hálffermi og tímabært að landa. Við höfum mest verið á Vestfjarðamiðum í góðu veðri. Veitt hefur verið í Víkurálnum og á Hornbankasvæðinu. Aflinn er blandaður en mest af ýsu og karfa. Hér um borð bera menn sig vel,” sagði Sigurður Hörður.

 

                                         2954 Vestmannaey Ve 54 mynd . Mynd Guðmundur   Alfreðsson           

 

 

Ísfisktogararnir Vestmannaey VE og Bergur VE lönduðu báðir fullfermi í heimahöfn í vikunni. Vestmannaey landaði á þriðjudag og Bergur á miðvikudag. Heimasíðan ræddi við skipstjórana og spurði frétta. Birgir Þór Sverrisson, skipstjóri á Vestmannaey, lét vel af veiðiferðinni. “Þetta var bara fínasti túr en aflinn var mest ýsa. Við hófum veiðar út af Skarðsfjörunni og aflinn var bara góður til að byrja með. Síðan leituðum við að ufsa um tíma með litlum árangri. Þá var tekið eitt hol á Höfðanum og síðan endað á Víkinni. Það var fínasta veður allan túrinn. Það er ekki komið mikið af vertíðarfiski á þessar slóðir. Hann er seint á ferðinni enda sjórinn kaldur suður af landinu, “ sagði Birgir Þór.

Jón Valgeirsson, skipstjóri á Bergi, talaði einnig um að enginn vertíðarbragur væri enn á þeim slóðum sem þeir voru á. “Við byrjuðum í Meðallandsbugtinni og fengum þar ýsu. Síðan var leitað að ufsa með takmörkuðum árangri eins og oft áður. Þá fengum við þorsk á Ingólfshöfða og í Breiðamerkurdýpi og loks var restað í þorski á Vík og Pétursey. Þetta gekk alveg þokkalega,” sagði Jón.

Bæði skip héldu til veiða á ný í gær.

Smábátahöfnin i sandgerðisbótinni mynd þorgeir Baldursson                                              Smábátahöfnin i sandgerðisbótinni mynd þorgeir Baldursson                                     Smábátahöfnin i sandgerðisbótinni mynd þorgeir Baldursson                                                                                                                                     Smábátahöfnin i sandgerðisbótinni mynd þorgeir Baldursson

                         Gullver NS 12 kemur til hafnar á Seyðisfirði mynd Ómar Borgsson 

Gullver NS landaði 99 tonnum á Seyðisfirði í gær. Aflinn var að mestu þorskur og ýsa. Heimasíða Síldarvinnslunnar ræddi stuttlega við Þórhall Jónsson skipstjóra í gær og spurði hvernig þessi fyrsti túr ársins hefði gengið.

„Það gekk á ýmsu. Við byrjuðum á að leita að ufsa í Berufjarðarál og á Papagrunni með afar litlum árangri. Þá var haldið í Hvalbakshallið, Litladýpið, á Fótinn, Gerpisflak og í Reyðarfjarðardýpið. Ég var að vonast til að fylla skipið en hann brast á með skítaveðri tvo síðustu sólarhringana. Það hvessti svo hressilega að það var á mörkunum að hægt væri að toga. Janúar er oft erfiður veðurfarslega og þetta kemur ekkert á óvart. Við höldum til veiða strax að löndun lokinni og hann spáir þokkalega allavega fram á sunnudag,” sagði Þórhallur.

 

26218 Jóna Eðvalds SF 200 verður Júpiter VE 161 mynd þorgeir Baldursson

Færeyski togarinn Rán á toginu i Bartenthafi mynd þorgeir Baldursson

                                            Pétur Sigurðsson við Sólrúnu EA 151 Mynd þorgeir Baldursson 

Heimild Morgunblaðið 

Mynd þorgeir Baldursson 

GPG Sea­food ehf. á Húsa­vík gekk á fimmtu­dag frá kaup­um á út­gerðarfé­lag­inu Sól­rúnu ehf. á Árskógs­sandi í Eyjaf­irði. Kaup­un­um fylgja bát­arn­ir Sól­rún EA-151 og Sæ­rún EA-251 auk rúm­lega 500 tonna kvóta, þar af um 370 tonn í þorski. Með því er bund­inn endi á 63 ára út­gerðar­sögu Sól­rún­ar.

Þetta staðfest­ir Pét­ur Sig­urðsson, fram­kvæmda­stjóri og einn eig­enda Sól­rún­ar, í sam­tali við 200 míl­ur. Hann seg­ir rekstr­ar­um­hverfi smærri út­gerða sem ekki reka land­vinnslu fjand­sam­legt og gagn­rýn­ir stefnu nýrr­ar rík­is­stjórn­ar sem hann seg­ir vilja samþjöpp­un í sjáv­ar­út­vegi svo hægt sé að skatt­leggja út­gerðir enn meira.

Staðan hafi verið orðin þannig að ekki gæti tal­ist fýsi­legt að halda rekstr­in­um áfram. Bend­ir hann meðal ann­ars á hækk­un veiðigjalda síðustu ár og boðaða hækk­un þeirra, kvóta­skerðingu síðustu ára, hug­mynd­ir um að leggja af byggðakvóta og veita strand­veiðum þær heim­ild­ir, aukna vaxta­byrði og skort á um­bót­um á höfn­inni á Árskógs­sandi síðustu 30 ár.

„Nú er búið að skrifa und­ir og ganga frá þessu, bát­arn­ir tveir farn­ir héðan og búið að af­henda fyr­ir­tækið til GPG á Húsa­vík,“ seg­ir Pét­ur sem viður­kenn­ir að um sé að ræða mik­il kafla­skil fyr­ir hann sjálf­an og meðeig­end­ur fyr­ir­tæk­is­ins sem all­ir eru bundn­ir fjöl­skyldu­bönd­um.

„Þetta voru bara svo marg­ir þætt­ir sem þrýstu á að ef við ætluðum að halda áfram rekstri yrðum við að gjör­breyta og skera mikið niður. Þá stóðum við bara frammi fyr­ir því, kom­in á ákveðin ald­ur, á maður að fara að standa í því að reyna að aðlaga rekst­ur­inn að aukn­um kröf­um stjórn­mála­manna eða ein­fald­lega að hætta og snúa sér að öðru.“

Sól­rún ehf. var stofnað 1961 af föður og föður­bróður Pét­urs, þeim Sig­urði og Al­freð Kon­ráðssyn­um, auk afa hans Kon­ráði Sig­urðssyni. Gerðu þeir fyrst út 12 tonna dekk­bát frá Árskógs­sandi sem smíðaður var af Kristjáni Nóa Kristjáns­syni á Ak­ur­eyri.

Vert er að geta þess að fyr­ir­tækið voru frum­kvöðlar í sölu hval­kjöts til Jap­ans á sín­um tíma og mátti lesa um það í viðtali við Sig­urð Kon­ráðsson í des­em­ber 2023.

All­ir hlut­ir taka enda

„1971 er fyr­ir­tækið gert að hluta­fé­lagi og þá koma inn nýir hlut­haf­ar. Í kring­um 78 verður svo aft­ur breyt­ing á hlut­hafa­hópn­um og 85 hætta hrefnu­veiðarn­ar og þá hætt­ir yngri bróðir pabba í fyr­ir­tæk­inu og afi og amma. Svo er fyr­ir­tækið rekið í svipuðu formi, en nú­ver­andi hlut­haf­ar koma inn 2006 og mamma og pabbi fara út 2014. Þannig að þetta er búið að fara í gegn­um ýms­ar breyt­ing­ar á leiðinni,“ rifjar Pét­ur upp.

Spurður hvernig sé að selja fyr­ir­tæki sem er jafn samofið fjöl­skyld­unni og Sól­rún, svar­ar hann: „Það er ekk­ert ein­falt. Auðvitað er það þannig með alla hluti að þeir taka enda ein­hvern tím­ann, en það eru marg­ar til­finn­ing­ar sem brjót­ast hjá fólki.“

Það er samt létt yfir Pétri. „Við Óli bróðir fór­um út á bryggju í gær, vor­um eitt­hvað að brasa í bát­un­um. Í gær var fimm til tíu stiga frost og norðan golu­kaldi. Þeir voru þarna að fara á sjó á Sæþóri EA og Óli sagðist nú ekk­ert vera að öf­unda þá,“ seg­ir hann og skell­ir upp úr.

Veiðigjöld hækkað mikið

En hvað varð til þess að ákveðið var að selja?

„Stærsti hlut­inn er ein­fald­lega sá að þrengd hafa verið skil­yrði til rekst­urs í þessu formi, út­gerðar án vinnslu. Fjór­ir af sex í eig­enda­hópn­um erum kom­in um og yfir sex­tugt og fólki lýst bara ekki á horf­urn­ar í grein­inni fyr­ir smærri út­gerðir.“

Hann bend­ir meðal ann­ars á hækk­andi veiðigjöld und­an­far­in ár.

„Veiðigjöld í þorski eru í dag 26,66 krón­ur og ýsu 22,28. Það hafa legið fyr­ir stjórn­ar­skipti lengi, þeir sem fylgj­ast með umræðu og öðru hafa séð að óbreytt stjórn yrði ekki til staðar. Þeir sem voru lík­leg­ast­ir til að vera í stjórn hafa út­talað sig um það að þeir telji það þurfa að inn­heimta sann­gjörn veiðigjöld, hvað sem það þýðir. Í allri skil­grein­ingu í þeirra huga þýðir það að það eigi að hækka þau og við vit­um ekki hvort talað sé um tvö­föld­un eða þreföld­un.“

Pét­ur út­skýr­ir að tæp­lega 27 króna veiðigjald á hvert kíló af lönduðum þorski sé um 5% af þeim 500 krón­um sem fást fyr­ir fisk­inn á markaði. All­ur fisk­ur er þó ekki eins og verður hlut­fallið því hærra fyr­ir þann þorsk sem nær ekki hæsta verði.

„Ýsan er í 22,28 krón­um og ef maður land­ar ýsu er maður að borga yfir 10% af afla­verðmæti í veiðigjald. Ufs­inn og karfi er 12 krón­ur og skar­koli 40 krón­ur. Við kom­um með all­an afla í land og lönd­um þó ekki mikið af skar­kola með þess­um veiðarfær­um sem við erum að nota, eigi að síður kom­um við með einn og einn fisk. Meðal­verð sem við feng­um fyr­ir skar­kola síðastliðið haust var 240 krón­ur og veiðigjaldið er 40 krón­ur, sem sagt 20%.“

Boðuð hækk­un set­ur strik í reikn­ing­inn

Veiðigjöld eru þó ekki það eina sem út­gerðin greiðir til sam­fé­lags­ins því við þau bæt­ast hafn­ar­gjöld, tekju­skatt­ur, launa­tengd gjöld og fleira sem fell­ur til við slík­an rekst­ur.

„Þegar þú dreg­ur fisk úr sjó og sel­ur á markaði fer um 60 til 65% af verðmæt­inu í launa­kostnað, trygg­inga­gjald, gjöld vegna söl­unn­ar, hafn­ar­gjöld og allt þetta. Raun­veru­lega eru eft­ir ein­hver 35 til 40% sem eru eft­ir hjá fyr­ir­tæk­inu til rekstr­ar og fjár­fest­ing­ar. Ef veiðigjöld­in eru að meðaltali fimm til tíu pró­sent þá er það tekið af þess­um 35 til 40%. Þetta eru á bil­inu tólf til fimmtán pró­sent af því sem eft­ir stend­ur. Ef veiðigjöld­in tvö­fald­ast eða þre­fald­ast er það hátt í helm­ing­ur af því sem við höf­um í dag til rekstr­ar. Það bara geng­ur ekki upp.“

Pét­ur seg­ir aðeins hafa verið einn val­kost­ur í stöðunni ef ákveðið væri að halda áfram rekstri og það væri að reyna að minnka launa­kostnað. „Við erum bara að gera upp við okk­ar sjó­menn og okk­ur sjálf sem eig­end­ur á grund­velli kjara­samn­ings­bund­inna launa. Það yrði sem sagt eini kost­ur­inn í stöðunni í fyr­ir­tæki eins og okk­ar að vinna fyr­ir minni laun en kjara­samn­ing­ar gera ráð fyr­ir.“

Áhyggj­ur af byggðakvóta

Það eru marg­ir sam­verk­andi þætt­ir sem þrengja að rekstr­in­um að sögn Pét­urs og hef­ur skerðing kvóta síðustu ár haft veru­leg áhrif, má nefna í því sam­hengi að þorskkvót­inn hef­ur minnkað um rúm­lega fimmt­ung frá fisk­veiðiár­inu 2019/?2020 til yf­ir­stand­andi fisk­veiðiárs, 2024/?2025.

„Við höf­um verið svo gæfu­söm að við höf­um fengið hér byggðakvóta til að geta haldið rekst­ur leng­ur áfram en ann­ars hefði verið,“ út­skýr­ir hann.

„Það ligg­ur hins veg­ar al­veg fyr­ir að það hef­ur verið umræða hjá stjórn­mála­mönn­um að leggja niður byggðakvót­ann og færa heim­ild­irn­ar til strand­veiða. Það var ein af þess­um stóru breyt­um sem hafði áhrif á það hvort við vild­um halda áfram eða ekki. Við vor­um með tvo báta í út­gerð og ann­ar þeirra var gerður út af stærst­um hluta vegna veiðiheim­ilda sem komu til í gegn­um byggðakvóta.“

Hann seg­ir al­veg ljóst að ein­hverstaðar þurfi að sækja veiðiheim­ild­ir ef auka á afla sem strand­veiðibát­ar eiga að geta veitt.

„Það er ekk­ert gam­an fyr­ir aðila sem kaupa af okk­ur að það sé til­kynnt að það eigi að nán­ast tvö­falda strand­veiðar. Mín skoðun er sú, og get ég stutt það með rök­um, að það þurfi um 20 til 25 þúsund tonn af þorski í strand­veiðarn­ar svo að hægt sé að standa við þessi lof­orð sem rík­is­stjórn­in er búin að gefa.“

Pét­ur bend­ir á að veiðar voru stöðvaðar síðastliðið sum­ar 12. júlí eft­ir að strand­veiðibát­arn­ir voru bún­ir að veiða 12 þúsund tonn. „Það er al­veg vitað mál að ef þú gæt­ir gengið að því að strand­veiðar yrðu 48 dag­ar myndi fjölga á strand­veiðum.“

Fjand­sam­legt um­hverfi

Pét­ur kveðst ekki hafa fyr­ir fimm eða tíu árum séð fyr­ir sér að hann myndi ásamt fjöl­skyldu selja fyr­ir­tækið og hætta í út­gerð á þess­um tíma­punkti.

„En um­hverfið er fjand­sam­legt fyr­ir svona fyr­ir­tæki. Svo er það bara yf­ir­lýst stefna nú­ver­andi rík­is­stjórn­ar að auka álög­ur á þessa aðila sem í þessu standa og þjappa sam­an veiðunum til að geta skatt­lagt þá meira. Það er bara stefn­an þó þau segi allt annað.“

Sal­an á út­gerðinni er ekk­ert eins­dæmi að sögn Pét­urs. „Þetta er þróun sem er að ger­ast um allt land, að þess­ar minni út­gerðir með heim­ild­ir eru að sog­ast upp af út­gerðum með vinnsl­ur. Þeir aðilar hafa haft mun breiðari tekju­grunn til að greiða veiðigjöld með því að fá sinn hlut úr fisk­verk­un­inni. Þeir hafa einnig mögu­leika til að gera upp við sjó­menn á allt öðrum for­send­um.“

Vís­ar hann til þess að fé­lög sem reka út­gerð og vinnslu geta gert upp við sjó­menn á grund­velli viðmiðun­ar­verðs Verðlags­stofu skipta­verðs, svo­kallað verðlags­stofu­verð. Um­rætt verð er lagt til grund­vall­ar launa­greiðslna til áhafn­ar.

„Þeir sem eru ein­göngu með út­gerð þurfa að greiða öll gjöld og þann kostnað sem er afla­verðmætistengd­ur meðan til dæm­is stærri út­gerðir sem landa hjá sjálf­um sér geta selt sjálf­um sér fisk á verðlags­stofu­verði sem er eitt til tvö hundruð krón­um lægri.“

Rangt verðlags­stofu­verð

Pét­ur full­yrðir að verðlags­stofu­verðið sé ekki í takti við yf­ir­lýsta stefnu um að vera 75% af markaðsverði á inn­lend­um markaði. „Þriggja kílóa óslægður þorsk­ur sem seld­ur er á verðlags­stofu­verði fær kannski 300 krón­ur á kíló en á markaði fær hann sjald­an und­ir 500 krón­ur. Þá er verðlags­stofu­verðið ekki nema 60%.“

Áskor­an­ir smærri út­gerða eru af mörg­um toga og seg­ir Pét­ur að eng­inn sé til í að kaupa fisk án þess að hann fari gegn­um markað þó svo að sal­an hafi ekki farið fram hjá markaðnum.

„Það er til þess að kaup­and­inn losni við allt stússið að fara í gegn­um inn­heimtu og svo fram­veg­is. Við vor­um til dæm­is, þegar við seld­um fisk sem við veidd­um á grund­velli byggðakvóta, að selja Sam­herja og þurfti all­ur fisk­ur að fara í gegn­um markað. Það kost­ar pen­ing að selja í gegn­um markað og við borg­um hann.“

Slak­ir innviðir kosta

Auk fyrr­nefndra atriða hef­ur sjáv­ar­út­veg­ur­inn rétt eins og öll fyr­ir­tæki lands­ins þurft að glíma við háa vexti.

„Það verður ekki hjá því kom­ist að fyr­ir­tæki sem eru með veiðiheim­ild­ir sem þau hafa keypt til sín að þau skuldi ein­hverj­ar fjár­hæðir. Vext­ir hafa stór­hækkað, hvort sem það er af inn­lend­um eða er­lend­um lán­um.“

Þá hef­ur út­gerðin einnig þurft að glíma við slaka innviði á Árskógs­sandi.

„Hafn­araðstæður hafa ekki, þó við höf­um lagt á það áherslu, orðið betri. Hafn­ar­bæt­ur hafa ekki verið gerðar í hátt í 30 ár. Við höf­um fyr­ir vikið þurft að fara með bát­anna til Dal­vík­ur til að geyma þá ef það er tveggja þriggja daga land­lega svo maður þurfi ekki að hafa áhyggj­ur af því að þeir skemm­ist í höfn­inni. Við höf­um þurft að eyða pen­ing­um á hverju ein­asta ári í viðgerðir ábát­un­um vegna hafn­araðstöðunn­ar.“

Þyngri róður eft­ir sem árin líða

Beðinn um að fara yfir það hve lengi hann hafi starfað í grein­inni svar­ar hann: „Við vor­um aðeins að fara yfir þetta við hjón­in – tím­ann frá því að við Óli byrjuðum að vinna í fyr­ir­tæk­inu. Við ­byrjuðum á sama ári en hann aðeins fyrr á ár­inu – við vor­um ekki al­veg viss hvort þetta var 76 eða 77. Þetta er orðið hátt í fimm­tíu ár. Menn finna það al­veg hjá sér að þeir geta hugsað sér að fara að taka því aðeins ró­lega.“

„Miðað við aðstæður var al­veg ljóst að ef ákvæðið væri að halda áfram rekstri að ekki væri í boði að taka því eitt­hvað ró­lega, enda rekstr­ar­um­hverfið sí­fellt meira krefj­andi. Hin sem eru í þessu eru kannski búin að vinna styttra en þau eru búin að vera í þessu stans­laust í tutt­ugu til þrjá­tíu ár og Svavar bróðir ábyggi­lega í um fjör­tíu ár.“

Var al­veg útséð að þið gætuð haldið áfram?

„Allt eru þetta áskor­an­ir sem við hugs­an­lega gæt­um tek­ist á við, en þegar maður er bú­inn að tak­ast á við það lengi þá þyng­ist róður­inn.“

 

Hvalaskoðunnar fyrirtækið Friends of Moby Dick hefur ferst kaup á ferju frá Noregi sem að verður notuð

i hvalaskoðun frá Húsavik á komadi sumri að fyrirtækinu standa Arnar Sigurðsson og fjölskylda en hann hefur 

langa reynslu að fara með fólk i hvalaskoðun þar sem að hann var i mörg ár skipstjóri 

hjá https://www.whalewatchingakureyri.is/ en stofnaði  https://www.friendsofmobydick.is/ fyrir um tveimur árum siðan 

og verður gert út frá Húsavik friendsofmobydick.is

Mynd af FB siðu fyrirtækisins                                                                Mynd af FB. siðu fyrirtækisins                                                                   Mynd af FB siðu fyrirtækisins

 

„Mér fannst þetta vera það spennandi að ég stóðst ekki mátið,“ segir Birkir Bárðarson sem stjórnar hefur loðnurannsóknum hjá Hafrannsóknastofnun en heldur nú á ný mið.

                                  Birkir Bárðarsson og Hafþór Jónsson um borð i Gefjun EA 510 mynd þorgeir Baldursson 

Birkir Bárðarson sjávarlíffræðingur sem starfað hefur hjá Hafrannsóknastofnun í yfir tvo áratugi og haldið þar utan um loðnurannsóknir er hættur og tekinn til starfa fyrir Röst sjávarrannsóknasetur.

Enn meira spennandi

„Ég hef verið í mjög spennandi verkefnum hjá Hafró en fer yfir í enn meira spennandi verkefni,“ segir Birkir sem verður verkefnastjóri hjá Röst sem tók til starfa á síðasta ári. „Þar eru áhugaverðar rannsóknir í gangi og sem eru fram undan í tengslum við bindingu kolefnis í hafi. Þetta verður skemmtileg nýsköpun í hafrannsóknum.“

Að sögn Birkis er starfsemi Rastar styrkt af umhverfisverndarfélögum. Þar séu nú þrír starfsmenn. „Röst gerði í fyrra samninga við Hafró um rannsóknir í Hvalfirði fyrir um 100 milljónir króna,“ bendir hann á.

Röst hluti af alþjóðlegu neti

Þetta kom einmitt fram í frétt Fiskifrétta þann 27. nóvember. Þar sagði um Röst að það væri nýlega stofnað óhagnaðardrifið rannsóknarfélag sem hefði það hlutverk að stuðla að rannsóknum sem tengdum hafinu og loftslagsbreytingum. Röst væri hluti af alþjóðlegu neti rannsóknastöðva undir hatti Carbon to Sea Initiativ sem væri óhagnaðardrifin bandarísk sjálfseignarstofnun sem starfrækt væri með stuðningi góðgerðasamtaka og vísindasjóða á sviði loftslagsmála.

„Stofnunin leiðir metnaðarfulla áætlun sem ætlað er að kanna hvort aukning á basavirkni sjávar sé skilvirk og örugg varanleg leið til þess að fjarlægja koldíoxíð úr andrúmsloftinu. Röst er dótturfélag íslenska loftslagsfyrirtækisins Transition Labs,“ sagði þá nánar um Röst.

Teresa tekur við af Birki

 

 

„Ég byrjaði hjá Hafró upp úr aldamótum og er búinn að vera þar með langhléum síðan,“ segir Birkir um ferilinn hjá Hafrannsóknastofnun. Það hafi verið stór ákvörðun að skipta um starf. „En mér fannst þetta vera það spennandi að ég stóðst ekki mátið. Ég fór nýlega í nám í verkefnastjórnun og það virkar vel í þessu umhverfi.“

Við starfi Birkis hjá Hafrannsóknastofnun tekur Teresa Sofia Giesta da Silva sjávarlífræðingur.

heimild Fiskifrettir 

mynd af Birki og Hafþóri þorgeir Baldursson 

Aldrei hef­ur verið jafn gott hvala­líf í Eyjaf­irði og nú á síðustu 15 árum. Sést hef­ur til hvals í firðinum 20 mánuði í röð.

Þetta seg­ir Freyr Ant­ons­son, fram­kvæmda­stjóri Arctic SeaTours, í sam­tali við mbl.is.

Arctic SeaTours hef­ur boðið upp á hvala­skoðun í Eyjaf­irði frá ár­inu 2009. Árið 2014 byrjaði fyr­ir­tækið að bjóða upp á slík­ar ferðir all­an árs­ins hring. 

880 ferðir á ár­inu

Freyr seg­ir að oft­ast hafi lítið sést til hvals í firðinum í mars og apríl en að árið í ár hafi verið und­an­tekn­ing á því og seg­ir hann að sést hafi til hvals í öll­um hvala­skoðunum þá mánuði. 

Fyr­ir­tækið hef­ur farið ríf­lega 880 hvala­skoðun­ar­ferðir á ár­inu en í aðeins þrem­ur þeirra hef­ur ekki sést til hnúfu­baks. 

„Síðan ég byrjaði árið 2009 er þetta lang­besta árið. Það eru þrjár ferðir á þessu ári þar sem við höf­um ekki séð hnúfu­bak og þar af voru tvær ferðir í fe­brú­ar og svo ein í júlí, sem var bara óheppni - það var bara þoka,“ seg­ir Freyr.

Heimild mbl.is 

Myndir Þorgeir Baldursson 

 

Hnúfubakur á leið i djupköfun á Pollinum i Eyjafirði mynd þorgeir Baldursson 29des 2024                                     2922 Hólmasól i hvaælaskoðun i Eyjafirði mynd þorgeir Baldursson 30des 2024                                       1357 Niels Jónsson i hvalaskoðun mynd þorgeir Baldursson 30 des 2024                                 á landleið úr hvalaskoðun i -16 stiga frosti mynd þorgeir Baldursson

nú fyrir skömmu var einkennis stöfum og Heimahöfn Sigurbjargar ÁR 67 breitt i Ve 67 og er þá komin með heimahöfn i Vestmannaeyjum eftir að isfélag vestmannaeyja lokaði vinnslunni þar fyrsta myndin er tekin skömmu eftir að hún hóf veiða og þá var skráningin 

Ár 67 og heimahöfnin i Þorlákshöfn sem að nú hefur verið breytt og tók óskar Pétur friðriksson Ljósmyndari Eyjafrétta 

þessar myndir af Sigurbjörgu Ve við bryggju nú um jólahátiðina kann ég honum bestu þakkir fyrir afnotin 

3018 Sigurbjörg ÁR 67 Mynd þorgeir Baldursson 2024                                             3018 Sigurbjörg Ve 67 mynd óskar pétur Friðriksson                      Sigurbjörg Ve 67 mynd óskar Pétur Friðriksson                  Sigurbjörg Ve 67 Vestmannaeyjar mynd óskar Pétur Friðriksson

 

2954 Vestmannaey Ve 54 mynd þorgeir Baldursson  Tog­ar­inn Vest­manna­ey VE-54 sem dótt­ur­fé­lag Síld­ar­vinnsl­unn­ar, Berg­ur-Hug­inn ehf., ger­ir út hef­ur verið svipt­ur leyfi til veiða í tvær vik­ur fyr­ir vigt­un­ar­brot. Gild­ir ákvörðun Fiski­stofu frá og með 6. janú­ar til og með 19. janú­ar. Fiski­stofa seg­ir í ákvörðun sinni veiðileyf­is­svipt­ing­una að „um al­var­leg og meiri­hátt­ar brot skip­stjóra og áhafn­ar­meðlima að ræða fram­in af stór­kost­legu gá­leysi, sem hefði leitt til veru­legs ávinn­ings fyr­ir málsaðila hefðu þau ekki kom­ist upp“. Vegna þessa kveðst Fiski­stofa ekki ástæðu til að áminna eða veita lág­marks­leyf­is­svipt­ingu þrátt fyr­ir að um sé að ræða fyrsta brot. Málsaðili tel­ur hins veg­ar ekki neinn ásetn­ing hafa legið að baki þess að bíl­stjóri á veg­um Eim­skips hafi ekið á brott með rúm tíu tonn af ýsu held­ur hafi verið um mann­leg mis­tök að ræða sem leiddi til þess að bíl­stjór­inn fór ekki á bíl­vog og fékk ekki vigt­un­ar­nótu. Í ákvörðun­inni seg­ir Fiski­stofa það hins veg­ar ekki skipta máli þar sem ábyrgðin á því að afli sé vigtaður á herðum skip­stjóra. Ók af stað til Dal­vík­ur Fram kem­ur í máls­gögn­um að Fiski­stofu hafi borist ábend­ing frá hafn­ar­verði í Nes­kaupstað að 5. des­em­ber 2023 hafi afla úr Vest­manna­ey verið ekið frá lönd­un­arstað án þess að hafa átt viðkomu á hafn­ar­vog. Í skýrslu veiðieft­ir­lits­manns Fiski­stofu er haft eft­ir vigt­ar­manni að skipið hafi lagst við bryggju í Nes­kaupstað um klukk­an 19:30 til lönd­un­ar. Tveir lög­gilt­ir vigt­ar­menn hafi staðið að fram­kvæmd vigt­un­ar, einn á pall­vog á bryggju en hinn á bíl­vog. Stýri­maður Vest­manna­eyj­ar ásamt tveim­ur há­set­um ísuðu yfir afla til út­flutn­ings og sinntu lönd­un. Bísltjóri á veg­um Eim­skips sagði að um mann­leg mis­tök væri að ræða. mbl.is/?Sig­urður Bogi Sæv­ars­son Um hálf ell­efu um kvöldið var vigt­un á meiri­hluta afl­ans lokið og gaf vigt­un­ar­maður­inn á pall­vog fyr­ir­mæli til verk­stjóra lönd­un­ar­geng­is á veg­um Tandra­bergs ehf. að rest­in, 30 kör af ýsu sem átti að flytja til Sam­herja á Dal­vík, yrði öll vigtuð á bíla­vog­inni. Seg­ir hann eng­ar at­huga­semd­ir hafa verið gerðar við það. Skömmu síðar voru báðir vigt­un­ar­menn við bíla­vog­ina og þegar vigt­un afla í ein­um flutn­inga­bíl var lokið kom fram í spjalli þeirra við bil­stjóra um síðasti bíl­inn sem átti að sækja hin fyrr­nefndu 30 kör af ýsu væri þegar mætt­ur, og að hann væri að taka kör­in sem væru þegar vigtuð að sögn bíl­stjór­ans. Var vigt­ar­manni brugðið og hélt hann um leið niður að bryggju, eng­inn bíl var þó þar og afl­inn far­inn af stað til Dal­vík­ur. Segja skip­stjóra bera ótak­markaða ábyrgð Ákváðu vigt­un­ar­menn að til­kynna málið til lög­reglu sem mætti og hóf leit að bíl­stjóra flutn­inga­bíls­ins með 30 kör af óvigtaðri ýsu, alls 10,6 tonn. Tókst að finna öku­mann­inn sem sagði um mann­leg mis­tök að ræða, gleymska hafi or­sakað að hann ók af stað. Upp úr miðnætti var flutn­inga­bíll­inn mætt­ur á ný til Nes­kaupstaðar þar sem afl­inn var vigtaður. Fiski­stofa vís­ar til þess að fyrsta máls­grein ní­undu grein­ar laga um um­gengni um nytja­stofna sjáv­ar seg­ir: „Skip­stjóra fiski­skips er skylt að halda afla um borð í skipi sínu aðgreind­um eft­ir teg­und­um. Verði því ekki komið við vegna smæðar báts skal afli aðgreind­ur eft­ir teg­und­um við lönd­un. Skip­stjóra fiski­skips er skylt að láta vigta hverja teg­und sér­stak­lega. […] Skip­stjóra ber að tryggja að rétt­ar og full­nægj­andi upp­lýs­ing­ar um afl­ann ber­ist til vigt­ar­manns.“ Féllst ekki á rök málsaðila Málsaðili ger­ir hins veg­ar at­huga­semd­ir við niður­stöðu Fiski­stofu og seg­ir að ljóst sé að um mann­leg mis­tök er að ræða af hálfu bíl­stjóra flutn­inga­bíls­ins rétt eins og ökumaður­inn sjálf­ur viður­kenndi í sam­ræðum sín­um við lög­reglu um­rætt kvöld. Þar af leiðandi sé ekki um brot að ræða af hálfu skip­stjór­ans af ásetn­ingi eða gá­leysi. Einnig er bent á að ann­ar vigt­un­ar­maður­inn hafi yf­ir­gefið bryggj­una og hans að tryggja að skila­boð bær­ust með óyggj­andi hætti til skip­stjóra um að afl­inn skyldi send­ur á bíl­vog og að hann væri ekki leng­ur að manna vog­ina við hlið skips­ins. Vísaði málsaðili einnig til þess að ábyrgð skip­stjóra gæti ekki átt við í mál­inu eins og máls­at­vik­um er lýst enda sé vigt­un afl­ans und­ir eft­ir­liti og á ábyrgð hafn­ar­inn­ar. Það hafi verið ákvörðun vigt­ar­manns­ins um að yf­ir­gefa hafn­ar­vog sem leiddi til þess að smá­vægi­leg­ur hluti afl­ans varð ekki vigtaður, en mis­tök bíl­stjór­ans eru sögð af­leiðing ákvörðun­ar­inn­ar. Fiski­stofa féllst ekki á þessi rök og komst að fyrr­nefndri niður­stöðu að henni bæri að veiðileyf­is­svipta tog­ar­ann. Heimild mbl.is  myndir Þorgeir Baldursson og sigurður Bogi Sævarsson

Gamall islenskur Bessi is 410 mynd Eirikur Sigurðsson

 

 

Öll skip Samhera eru komin til hafnar og áhafnir komnar í jólafrí. Skipin eru að venju vel skreytt í tilefni jólanna og sömu sögu er að segja um starfsstöðvar félagsins.

Meðfylgjandi myndir eru af skipum Samherja, einnig vinnsluhúsunum á Akureyri og Dalvík.

Samherji sendir starfsfólki, viðskiptavinum og landsmönnum öllum bestu óskir um gleðileg jól og heillaríkt komandi ár.

heimild Samherji.is 

                                                                         Kaldbakur EA 1 mynd Samherji.is 

                                                                                Björg EA 7 Mynd samherji.is 

                                                            Björgúlfur EA 312 mynd Samherji.is 

                                                                             Snæfell EA 310 mynd Samherji.is

                                                                               Harðbakur EA 3 mynd Samherji.is

                                                                 Margret EA 710 mynd Samherji.is

                                                          Vilhelm Þorsteinsson EA 11 mynd Samherji.is 

                                                         Frystihús Samherja á Dalvik mynd samherji.is 

                                                  Frystihús Útgerðarfélags Akureyringa mynd Samherji.is 

1591. Núpur Ba 69 á Strandstað við Patreksfjörð 2001 mynd þorgeir Baldursson