I gærmorgun kom isleifur Ve 63  til eyja  með 1500 tonn af makril sem að fékkt i smugunni

og var birjað að landa úr isleifi strax og löndun var lokið úr Kap Ve 4

1742 Kap Ve 4 á landleið til Eyja mynd þorgeir Baldursson  ágúst 2020

Kap fór út um hálf sex í morgun og byrjað var að landa úr Ísleifi þá þegar.

2388 Isleifur Ve 63 á landleið til Vestmannaeyja mynd þorgeir Baldursson ágúst 2020    Isleifur Ve 63 við bryggju i Eyjum i morgun  Mynd Óskar Pétur Friðriksson 29 ágúst

2626 Guðmundur i Nesi RE13  mynd þorgeir Baldursson  Af vef mbl.is/200 milur  Afla­marki fyr­ir fisk­veiðiárið 2020/?2021 hef­ur verið út­hlutað af Fiski­stofu. Í heild hef­ur stofn­un­in út­hlutað 353 þúsund tonn­um í þorskí­gild­um en heild­ar­út­hlut­un­in nam 372 þúsund þorskí­gildist­onn­um á fisk­veiðiár­inu sem lýk­ur 1. sept­em­ber. Þá nem­ur út­hlut­un í þorski 202 þúsund tonn­um og í ýsu 35 þúsund tonn­um. Að þessu sinni er það skipið Guðmund­ur í Nesi sem fær út­hlutað mestu afla­marki en Sól­bergið hlaut þann heiður við síðustu út­hlut­un. Sól­berg fær út­hlutað 10.670 þorskí­gildist­onn­um sem er 300 tonn­um meira en í fyrra. Guðmund­ur í Nesi bætti hins veg­ar við sig 3.000 tonn­um og fær nú út­hlutað 13.714 þorskí­gildist­onn. Bæði þessi skip skera sig úr þar sem tölu­verður mun­ur er á þeirra afla­marki og næstu skipa. Þetta kem­ur fram í bráðabirgðayf­ir­liti sem birt var á vef Fiski­stofu í gær og er tekið sér­stak­lega fram að enn eru fá­ein skip ófrá­geng­in og get­ur því út­hlut­un til skipa enn breyst lít­il­lega.                               2917 Sólberg ÓF1 á veiðum i Barenthafi  mynd þorgeir Baldursson  2018 Flot­inn skrepp­ur sam­an Þá vek­ur tölu­verða at­hygli að stærð fiski­skipa­flota Íslend­inga virðist drag­ast veru­lega sam­an. Fengu 413 skip út­hlutað afla­marki en þau voru 540 árið 2019 og hef­ur þeim þannig fækkað um 127 milli ára eða um 23,5%. Þar af fækk­ar króka­afla­marks­bát­um um 24,7% úr 316 í 238 og smá­bát­um með afla­mark um þriðjung úr 67 í 44. Er þetta mesti sam­drátt­ur­inn, en þetta ger­ist á sama tíma og strand­veiðibát­um fjölg­ar. Jafn­framt fækk­ar skip­um með afla­mark um 25 eða því sem nem­ur 21,7%, úr 115 í 90, og tog­ur­um fækk­ar um einn úr 42 í 41. Alls eru það 326 út­gerðarfyr­ir­tæki sem fá út­hlutað afla­marki en það eru 10 færri en í fyrra. Brim hf. er með stærstu afla­marks­hlut­deild­ina og nem­ur hún 9,55%. Þá hef­ur 62,41% af afla­mark­inu verið út­hlutað skip­um með heima­höfn á tíu stöðum. Þar af eru þrjár stærstu heima­hafn­irn­ar Reykja­vík með 11,42%, Grinda­vík með 10,49% og Vest­manna­eyj­ar með 10,45% en ít­ar­lega er fjallað um út­hlut­an­ir í upp­hafi fisk­veiðiárs­ins

Útgerðirn­ar með mesta afla­markið

1. Brim hf. 9,55%

2. Sam­herji Ísland ehf. 6,91%

3. FISK Sea­food ehf. 6,32%

4. Þor­björn hf. 5,57%

5. Vís­ir hf. 4,20%

6. Rammi hf. 4,19%

7. Vinnslu­stöðin hf. 4,18%

8. Skinn­ey-Þinga­nes hf. 4,14%

9. Útgerðarfé­lag Rvk. hf. 3,88%

10. Síld­ar­vinnsl­an hf. 3,42%

Úthlutað aflamark í upphafi fiskveiðiársins 2020/2021

Bráðabirgðatölur þar sem úthlutun til nokkurra skipa var ófrágengin.

Heimild: Fiskistofa.

Skip Útgerð Heimahöfn Útgerðarflokkur Samtals þorskígildi kg. 1 Guðmundur í Nesi Útgerðarfélag Reykjavíkur Reykjavík Skuttogari 13.713.785

2 Sólberg Rammi Ólafsfjörður Skuttogari 10.670.410

3 Björgúlfur Samherji Dalvík Skuttogari 8.794.127

4 Björg Samherji Akureyri Skuttogari 8.218.005

5 Málmey FISK Seafood Sauðárkrókur Skuttogari 7.380.935

6 Akurey Brim Akranes Skuttogari 7.269.841

7 Drangey FISK Seafood Sauðárkrókur Skuttogari 7.214.941

8 Björgvin Samherji Dalvík Skuttogari 6.803.931

9 Kaldbakur Útgerðarfélag Akureyringa Akureyri Skuttogari 6.746.732

10 Breki Vinnslustöðin Vestmannaeyjar Skuttogari 6.689.828

11 Helga María Brim Reykjavík Skuttogari 6.599.017

12 Arnar FISK Seafood Skagaströnd Skuttogari 6.286.777

13 Höfrungur III Brim Akranes Skuttogari 6.123.086

14 Vigri Ögurvík Reykjavík Skuttogari 5.828.364

15 Júlíus Geirmundsson Hraðfrystihúsið Gunnvör Ísafjörður Skuttogari 5.711.702

16 Páll Pálsson Hraðfrystihúsið Gunnvör Hnífsdalur Skuttogari 5.334.681

17 Tómas Þorvaldsson Þorbjörn Grindavík Skuttogari 5.288.699

18 Gullver Síldarvinnslan Seyðisfjörður Skuttogari 5.181.527

19 Viðey Brim Reykjavík Skuttogari 5.173.370

20 Hrafn Sveinbjarnarson Þorbjörn Grindavík Skuttogari 4.934.955

21 Örfirisey Brim Reykjavík Skuttogari 4.902.039

22 Ljósafell Loðnuvinnslan Fáskrúðsfjörður Skuttogari 4.839.800

23 Sirrý Jakob Valgeir Bolungarvík Skuttogari 4.579.949

24 Blængur Síldarvinnslan Neskaupstaður Skuttogari 4.456.448

25 Tjaldur KG Fiskverkun Rif Skip með aflamark 4.343.409

26 Þórunn Sveinsdóttir Ós Vestmannaeyjar Skuttogari 4.043.528

27 Jóhanna Gísladóttir Vísir Grindavík Skip með aflamark 3.951.048

28 Steinunn Skinney Þinganes Hornafjörður Skuttogari 3.918.289

29 Þinganes Skinney Þinganes Hornafjörður Skip með aflamark 3.918.289

30 Dala-Rafn Ísfélag Vestmannaeyja Vestmannaeyjar Skip með aflamark 3.870.639

Kópaskersviti

Kópaskersviti  mynd Þorgeir Baldursson  i ágúst 2020

Vitinn var reistur árið 1945 og er hannaður af Axel Sveinssyni og er 14 metra hár.

 Kópaskersviti var ekki tekinn í notkun fyrr en árið 1951 vegna erfiðleika við öflun ljóstækja.  Vitanum svipar til Miðfjarðarskersvita frá árinu 1939 og Kögurvita frá árinu 1945,

en Kópaskersviti er þó mun hærri.  

Vitinn stendur á Grímshafnartanga, norðan Kópaskers og er steinsteyptur, ferstrendur turn á lágum og breiðum stalli.  

Vitinn er 2,2 metrar á breidd, 3,2 metrar á lengd og 10,6 metra hár, auk 3,4 metra hás ljóshúss.  

Ljóshúsið sænskt af gerð með veggjum úr járnsteypu og eirþaki, var sett á vitann árið 1951.  Vitinn var þá útbúinn með 210° díoptrískri 500 mm linsu og gasljóstækjum.  

Veggir vitans voru upphaflega húðaðir ljósu kvarsi og lóðréttu böndin með hrafntinnu, en síðar var vitinn málaður hvítur og svartur en ljóshúsið rautt.

Börn i 6 bekkjum hafa farið i siglingu með Húna i september ár hvert mynd þorgeir Baldursson

Vegna covid 19 hafa Hollvinir Húna II og fræðslusvið Akureyrarbæjar komist að samkomulagi um að fresta árlegum veiði og fræðsluferðum með nemendur sjötta bekkjar sem nefnast,

Frá öngli í maga.  Ferðirnarfrestast og munu verða farnar á vordögum. 

Ferðirnar hafa verið mjög vinsælar og fræðandi.  Sjávarútvegsfræðingur hefur verið með í ferðunum með fræðsluefni,

einnig fá nemendur með sér bækling um helstu fisktegundir við landið.

Heimild Fiskifrettir 

Guðsteinn Bjarnason gudsteinn@fiskifrettir.is

myndir þorgeir Baldursson

2739 Siggi Bessa SF 97 við bryggju i Grindavik i ágúst 2020 mynd þorgeir Baldursson  Margir búnir að pakka saman Unnsteinn Þráinsson segir það varla koma sjómönnum mjög á óvart að makríllinn hafi ekki látið sjá sig í sumar. Ýmsar hugmyndir ræddar um framhaldið, meðal annars að taka sig saman um að leigja skip til að ná í heimildirnar.

Ekki er makríllinn að tefja okkur,“ sagði Unnsteinn Þráinsson, skipstjóri á Sigga Bessa SF og formaður Félags makrílveiðimanna,

þegar Fiskifréttir slógu á þráðinn til hans. Erindið var einmitt að spyrja hvernig hljóðið væri í smábátasjómönnum sem stundað hafa makrílveiðar undanfarin ár.

Þetta árið brást makríllinn hér í landhelginni og stórútgerðin hefur þurft að sigla í Smuguna til að ná honum. „Hann fór illa með okkur þetta árið.

Einhverjir hafa fiskað smá í Keflavík, en það var ekki neitt neitt. Nú eru menn bara flestir hættir held ég að leita. Margir búnir að taka niður búnaðinn.

Hann brást þetta árið, sem er reyndar eitthvað sem við höfum alltaf gert okkur grein fyrir að gæti gerst einhvern tímann, sérstaklega í okkar flota.

Svo veit enginn hvað gerist á næsta ári.“ Unnsteinn hafði verið við makrílveiðar á hverju sumri síðustu tíu árin, þar til nú í sumar.

Á veturna er hann á línuveiðum frá Hornafirði en makrílveiðarnar hefur hann stundað á nokkrum stöðum við landið.

ðMikill tækifærisfiskur „Núna fór ég bara í sumarfrí sem ég hef ekki gert í mörg ár. Fór suður til Grindavíkur fyrir þremur vikum og var að leita þarna á miðunum en fór svo bara með bátinn aftur um síðustu helgi.

Maður var alltaf að vona náttúrlega að það kæmi eitthvað. Við leituðum á leiðinni suður og fundum ekki neitt. Sama á leiðinni heim, við sáum andskotann ekkert nema tvær þrjár pínulitlar torfur.“

Hann segir það þó ekki beint koma á óvart þótt makríllinn láti ekki sjá sig þetta sumarið. „Hann er bara það mikill tækifærisfiskur að ég held það sé bara hending hverju sinni hvert hann fer.

Hann lenti bara mikið austar núna en hann hefur gert undanfarin ár. Ég held að allflestir, alla vega í mínum hópi, séu meðvitaðir um að svona ár geti komið inn á milli.

Svo gæti hann alveg birst hérna á næsta ári. Það er bara ein vertíð í einu.“ Hann segir að undanfarin ár hafi um 35 til 40 bátar verið á makrílveiðum hér við landið af einhverjum krafti.

Sjálfur ákvað hann að taka sér frí en misjafnt er hvernig menn hafa brugðist við stöðunni. „Þetta er dálítið langt stopp núna þessa vertíðina og menn hafa bara reynt að bjarga sér einhvern veginn.

Einhverjir hafa skipt yfir á handfæri og eru þá á leigukvóta.“ Gætu vel mannað eitt skip Unnsteinn segir ýmsar hugmyndir hafa verið ræddar um það hvað gert verði í framhaldinu.

„Ein hugmyndin var hvort við ættum að taka okkur saman og leigja okkur skip hreinlega til þess að sækja þessar heimildir.

Núna er hann úti í Smugu, og eins og einhver sagði þá erum við með réttindi og getum auðveldlega mannað eitt skip til að sækja þetta.

En þetta er svo sem ekkert komið lengra en bara á hugmyndastig ennþá.“ Hann leggur þó áherslu á að vandinn sé engan veginn eingöngu bundinn við bátana.

„Við erum eitt, svo er allt í landi sem er annað eins og meira. Þar er vinnslan og öll umsvifin í kringum þetta, sem maður hefur ekki síður áhyggjur af.

Þetta hefur margvísleg áhrif. Þótt þetta hafi ekki verið neitt rosalega mörg tonn sem við vorum að veiða þá var þetta ótrúlega atvinnuskapandi.

Nokkrar vinnslur hafa síðustu ár verið að byggja sig upp í þessu, verið með mannskap og lagt í kostnað. Svo ekki sé minnst á Keflavíkurhöfn.

Það hafa verið svakaleg umsvif þar síðustu árin í kringum þetta.

Makrilveiði á Pollinum á Akureyri 2012 mynd þorgeir Baldursson     Makrilveiðar á Steingrimsfirði v/Hólmavik 11/8 2014 mynd þorgeir Baldursson

Makrill á Handfæri mynd þorgeir Baldursson 2014

Vélaframleiðandinn Yanmar Holdings og dótturfélag þess,  Yanmar Power Technology, hafa hafið þróun á efnarafal (e. fuel cell) til notkunar um borð í skipum.

Aflrásin byggir á sömu lögmálum og efnarafalar í bílum. Þróun búnaðarins er liður í þeirri viðleitni að gera aflrásir skipa og báta umhverfismildari.

Yannmar vélbúnaður um borð i Bergey VE Mynd þorgeir Baldursson

Alþjóðsiglingamálastofnunin, IMO, hefur kynnt áform um að draga úr gróðurhúsalofttegundum í losun skipa og sjófara. Í ljósi þessa verða alþjóðlegar reglugerðir sem lúta að umhverfismálum á hafsvæðum hertar og nú þegar hefur innleiðing eftirlitssvæða með losun haft áhrif á skipaútgerð.

Eldsneytið í framtíðar aflrás Yanmar er vetni.  Orkan sem leysist úr læðingi við bruna vetnis er um þrisvar sinnum meiri en orkumyndun við bruna sama massa af jarðolíu og bensíni. Efnaraflar stýra hvarfi vetnis og súrefnis og við hvarfið verður til rafmagn sem knýr aflrásina. Eina aukaafurðin við hvarfið er hreint vatn.

Yanmar hefur undirritað viljayfirlýsingu við bílaframleiðandann Toyota sem þróun efnarafala ásamt háþrýstiþolnum vetnisgeymi sem byggir á sömu lögmálum og efnarafalakerfið í MIRAI efnarafalabílnum sem Toyota framleiðir. Yanmar stefnir að því að setja upp slíkt kerfi í eigin sjófari og hefja prófanir þegar á þessu ári.

Heimild Fiskifrettir 

Mynd þorgeir Baldursson 

Makrílveiðar

23.08.2020

Hoffell er á landleið með 1000 tonn af makríl. Vel hefur gengið hjá Hoffellinu undanfarið, og þegar þessi afli verður kominn í land hefur Hoffellið landað tæpum 6000 tonnum af makríl.

Sigurður Bjarnason skipstjóri á Hoffelli sagði að það þyrfti að sækja nokkuð langt til að finna makríl en það hefði gengið vel að þessu sinni og þessi 1000 tonn hefðu náðst á aðeins 38 klukkustundum.

Á síðasta ári hættu veiðar þann 10.september en árin þar á undan hélt veiðin  út september. Sigurður skipstjóri sagði að fiskurinn væri allur austar núna. “Hann kemur úr norsku lögsögunni og við vorum að ná honum alveg við línuna” sagði skipstjórinn. Sigurði líst ágætlega á framhaldið þó að hann geri sér fulla grein fyrir því að það styttist í að fiskurinn fari á hrygningastöðvarnar en það gerir hann þegar líður á haustið og ef eitthvað má byggja á fyrri reynslu virðist það vera gerast fyrr heldur en fyrir nokkrum árum.

Veðrið var með ágætum í þessum túr, þó kom kaldaskítur þegar Hoffellsmenn voru að draga inn síðasta holið en það lagaðist í nótt er leið.

Hoffell verður í heimahöfn um kl. 19.00 í kvöld, sunnudaginn 23.ágúst. Löndun hefst snemma í fyrramálið og áætlað er að halda aftur til veiða á miðvikudaginn.

Heimasiða Lvf.is 

Bóa

2865 Hoffell SU 80 mynd þorgeir Baldursson 2020