Frystitogarinn Blængur NK 125, sem er í eigu Síldarvinnslunnar í Neskaupstað, kom til viðhalds í Slippnum á Akureyri í lok desember. Mynd/Þorgeir Baldursson

Ólafur 0rmsson mynd þorgeir Baldursson

Verkefnastaðan er góð hjá okkur eins og er, en þó er svigrúm til að bæta við verkefnum,” segir Ólafur Ormsson sviðsstjóri skipaþjónustu Slippsins á Akureyri.

Frystitogarinn Blængur NK 125, sem er í eigu Síldarvinnslunnar í Neskaupstað, kom til viðhalds í Slippnum á Akureyri í lok desember. Meðal verkefna var almálning á skipinu, þ.e.a.s. málning á yfirbyggingu, þilförum, síðum og botni. Veltitankur var smíðaður á skipið og var hann settur upp ásamt tengingum og tilheyrandi stjórnbúnaði. Afgasketill var hreinsaður, ýmis innréttingarvinna í matsal og vistarverum skipverja var framkvæmd auk þess sem búnaður á vinnsluþilfari var yfirfarinn og önnur hefðbundin viðhaldsverkefni kláruð.

1345 Blængur NK 125 mynd þorgeir Baldursson 2021

Þetta kemur fram í frétt Slippsins.

Að sögn Ólafs Ormssonar sviðsstjóra skipaþjónustu Slippsins gekk verkefnið vel. Það sé augljóst að vilji útgerðarinnar er að halda skipinu vel við, sést það best á útliti og ástandi búnaðar skipsins, að hans sögn.

Masilik GR 6-350 Mynd þorgeir Baldursson 2021

Eins segir frá því að grænlenska línuskipið Masilik, sem er í eigu Royal Greeland, er farið á veiðar eftir að hafa verið í slipp allan janúarmánuð. Í skipinu var unnið við endurbætur á klæðningum á vinnsludekki og það heilmálað. Skipið var jafnframt öxuldregið, unnið að ýmsum viðhaldsverkum í vélarrúmi auk þess sem akkerishús var lagfært eftir að skipið fékk á sig brot fyrir skemmstu.

2894 Björg EA7 mynd þorgeir Baldursson 12 febrúar 2021

„Björg EA 7 er komin til okkar og verður hjá okkur fram í miðjan marsmánuð í reglubundnu viðhaldi auk þess sem nýr lestarbúnaður frá Slippnum verður settur í skipið.

Grænlenski togarinn Angunnguaq II kemur í næstu viku en Slippurinn sér um að setja nýja aðalvél í skipið, endurnýja gír og margskonar vélbúnað í vélarrúmi skipsins.

Verkefnastaðan er góð hjá okkur eins og er, en þó er svigrúm til að bæta við verkefnum,” segir Ólafur.

 Uppsjávarveiðiskipið Hákon EA148 i eigu Gjögurs lét úr höfn á Akureyri skömmu eftir hádegi i dag áleiðis á loðnumiðin

skipsttjóri er Björgvin Birgisson Hákon er með um tvöþúsund tonn sem að að öllum likindum verða fryst og reiknar

Björgvin með þvi að það taki um 3 vikur að klára kvótann en það gæti breyst vegna veðurs enda spáin ekki góð

2407 Hákon EA 148 á siglingu út Eyjafjörð i dag myndin er tekin við Hjalteyri með Dróna mynd þorgeir Baldursson 12 febrúar 2021                                                                                                                         2407 Hákon EA148 á Eyjafirði i dag mynd þorgeir Baldursson 12 feb 2021                                                                                                    2407 Hákon EA 148 á leið út Eyjafjörð með stefnu á Kaldbak mynd þorgeir Baldursson 12 feb 2021

2642 Sturla Halldórsson Dráttarbátur Isafjarðarhafnar mynd þorgeir Baldursson

Í minnisblaði Guðmundar M. Kristjánssonar, hafnarstjóra til hafnarnefndar

kemur fram að eftir stækkun Sundahafnar verður að taka að bryggju í Sundunum allt að 130.000 tonna skip og allt að 330 metra löng.

Telur Guðmundur að þá verði ekki hjá því komist að auka getu dráttarbáts.

„Miðað við reynslu bæði Faxaflóahafna og Akureyrarhafnar þá mun

2955 Seifur hinn nýji dráttarbátur Hafnarsamlags Norðurlands mynd þorgeir Baldursson

dráttarbátur með 50 til 60 tonna togkraft vera nauðsynlegur til að geta brugðist við aðstoð við skip við komu og brottför.
Gera má ráð fyrir því að núverandi dráttarbátur Sturla Halldórsson verði seldur. Sturla Halldórsson er með dráttargetu 12,5 tonn og alla tíð reynst hið mesta happafley.

Um kostnaðinn segir í minnisblaðinu að gera megi ráð fyrir að gangverð á núverandi bát gæti verið 70 til 90 miljónir en að nýr og öflugur
dráttarbátur muni kosta á bilinu 600 til 800 miljónir.

2985  Magni mynd Hilmar Snorrasson 2020

Hafnarstjóri leggur til við hafnarstjórn að kannað verði með hvaða hætti mun verða hægt að ýta þessu verkefni úr vör í samvinnu við Hafnamálasvið Vegagerðarinnar. Fallist var á það.
Frétt af bb.is

Svona leit þetta út þegar ég á átti leið um um Jökulsábrú á Möðrudalsöræfum þann 7 febrúar siðastliðinn 

enn er mikill krapi i ánni og stutt var i að vatnið næði uppi brúargólfið    smá myndasyrpa af þessu 

tekið með Dróna 

Drónamynd af krapastiflunni i Jökulsá á Möðrudalsöræfum mynd þorgeir Baldursson 7 febrúar 2021                                      mikill karpi er i ánni eins og sjá má mynd þorgeir Baldursson 7 febrúar 2021           Krapastiflan teygir sig alllangt uppeftir ánni sennilega up 2-3 kilómetra mynd Þorgeir Baldursson

Séð yfir frystihús og bræðslu sildarvinnslunnar i Neskaupstað mynd þorgeir Baldursson 2020

Auður Hauksdóttir aðalbókari Síldarvinnslunnar mun láta af störfum á næstu mánuðum. Auður hefur starfað hjá fyrirtækinu frá árinu 1991, gegnt starfi aðalbókara frá árinu 2000 og skilað afar góðu dagsverki. „Það er mikil eftirsjá að Auði en það á við hér eins og víðast hvar annars staðar að maður kemur í manns stað,“ segir í frétt frá Síldarvinnslunni.

Rakel Kristinsdóttir

Nýr aðalbókari var ráðinn úr hópi 16 umsækjenda seint á síðasta ári og hóf hann störf í ársbyrjun. Nýi starfsmaðurinn er Rakel Kristinsdóttir. Rakel er fædd og alin upp í Reykjavík en á ættir meðal annars að rekja til Mjóafjarðar. Eftir að hún lauk námi í Verslunarskólanum dvaldi hún erlendis við nám og störf í átta ár. Dvalarstaðirnir voru París og London og það var listnám sem hún lagði stund á. Þegar heim til Íslands var komið hóf hún störf meðal annars á listasviðinu og annaðist uppsetningu á söngleiknum Annie í Austurbæ í Reykjavík. Í framhaldinu hóf Rakel að starfa við bókhald og lagði stund á nám í viðskiptafræðum við Háskólann á Akureyri. Að því námi loknu lá leiðin í Háskóla íslands þar sem hún lauk námi í reikningsskilum og endurskoðun. Síðastliðin sjö ár starfaði Rakel hjá endurskoðunarfyrirtækinu KPMG.

Rakel var spurð að því hvers vegna hún hefði sótt um aðalbókarastarfið hjá Síldarvinnslunni. „Mér fannst það spennandi og það hentar vel minni menntun og starfsreynslu. Það er áskorun fyrir mig og 12 ára son minn að flytja út á land og upplifa eitthvað nýtt og svo finnst mér mikilvægt að kynnast íslenskum sjávarútvegi. Ég hef áhuga á útivist og það er freistandi að búa á stað þar sem nálægðin við náttúruna er mikil. Austurland hefur upp á margt að bjóða og ég ætla að njóta þess. Nú erum við flutt til Neskaupstaðar og okkur líst báðum afar vel á það sem mætir okkur þó vetrarveðrið hafi verið óblítt á köflum að undanförnu. Sonur minn, Kristófer Jökull Jóhannsson, byrjaði að sjálfsögðu strax í Nesskóla þar sem hann lætur vel af sér og að auki er hann byrjaður að æfa fótbolta af kappi og lærir á gítar. Það er alveg víst að hér á nýjum heimaslóðum verður hægt að fást við margt skemmtilegt auk þess sem starfið er spennandi í alla staði,“ segir Rakel.

Hér skal upplýst að Rakel hefur mikinn áhuga á umhverfismálum og á hún hugmyndina að verkefninu Skjótum rótum sem Landsbjörg og Skógræktarfélag Íslands hafa unnið að. Verkefnið felst í því að draga úr notkun flugelda um áramót án þess að það bitni á tekjum björgunarsveita

2411 Huginn VE55 Mynd Óskar Pétur Friðriksson 13/11 2018

Vinnslustöðin átti fyrir 48% hlut en á nú félagið allt og hyggst starfrækja það áfram í óbreyttri mynd.

Vinnslustöðin hf. hefur keypt Huginn ehf., útgerðarfélag í Vestmannaeyjum sem gerir út fjölveiðiskipið Hugin VE-55, ásamt aflaheimildum í síld, loðnu, kolmunna og makríl.

Þetta kemur fram í tilkynningu frá Vinnslustöðinni. Kaupsamningur var undirritaður í Eyjum á föstudaginn var, 29. janúar. Kaupverðið er trúnaðarmál kaupenda og seljenda.

Í umfjöllun Vinnslustöðvarinnar segir: 

Vinnslustöðin átti fyrir 48% hlut í Hugin en á nú félagið allt og hyggst starfrækja það áfram í óbreyttri mynd.

Seljendur Hugins ehf. eru þrír synir og dóttir hjónanna Guðmundar Inga Guðmundssonar og Kristínar Pálsdóttur. Fjölskyldan eignaðist allt félagið árið 1968 og var meirihlutaeigandi þess þar til nú. Bræðurnir eru skipstjórnarmenntaðir, tveir þeirra skipstjórar á Hugin VE en sá þriðji framkvæmdastjóri félagsins, Páll Þór Guðmundsson.

Samhliða kaupunum hefur verið ákveðið að Guðmundur Ingi Guðmundsson verði skipstjóri á Hugin á móti föður sínum, Guðmundi Hugin Guðmundssyni og föðurbróður, Gylfa Viðari Guðmundssyni. Guðmundur Ingi verður þar með þriðji ættliður skipstjórnarmanna á Hugin VE-55.

Huginn VE-55 var smíðaður árið 2001, öflugt vinnsluskip og fjölveiðiskip og veiðir uppsjávarfisk í nót eða flottroll.

Útgerðarfélagið Huginn var frumkvöðull að makrílveiðum við Ísland og fór að þreifa fyrir sér í þeim efnum á árunum 2002 til 2006 en með misjöfnum árangri. Það var svo sumarið 2007 að áhöfn Hugins VE náði alls um 3.000 tonnum, þar af um 2.500 tonnum í íslenskri lögsögu og 500 tonnum í þeirri færeysku. Þar með hófust beinar makrílveiðar í lögsögu Íslands.

Sigurgeir Brynjar Kristgeirsson, framkvæmdastjóri Vinnslustöðvarinnar, segir að kaupin á Hugin séu gleðiefni fyrir Vinnslustöðina en ekki síður góðar fréttir fyrir Vestmannaeyjar:

„Það var ekki sjálfgefið að kaupandi meirihluta Hugins væri félag í Eyjum en systkinin eru trú og trygg byggðarlaginu sínu og lögðu áherslu á að félagið, skipið og aflaheimildirnar yrðu hér áfram. Við erum afar ánægð með þá afstöðu þeirra.

Vinnslustöðin hefur byggt upp uppsjávarhluta starfsemi sinnar á undanförnum árum. Samrekstur félaganna mun skila aukinni hagræðingu og leiða til betri nýtingar skipa og verksmiðja samstæðunnar.

Undanfarin ár hefur Huginn ehf. verið í samstarfi við Eskju um vinnslu á makríl. Stjórnendur Vinnslustöðvarinnar sjá áhugaverða kosti í því samstarfi og vonast til að þróa það áfram.“

Af vef Fiskifretta 

Mynd Óskar Pétur Friðriksson 

FISKIFRÉTTIR

Landaði fyrstu loðnunni

1. febrúar 2021 kl. 10:30

Loðnu landað úr Polar Amaroq á Eskifirði. MYND/Sigurður Grétar Guðmundsson

Það var grænlenska skipið Polar Amaroq sem landaði tæplega 700 tonnum af frystri loðnu á Eskifirði á laugardaginn. Fyrstu loðnunni í nærri þrjú ár var landað á Eskifirði á laugardag.

„Starfsmenn Tandrabergs ehf. hófu löndunina snemma um morguninn og lauk henni um kvöldið,“ segir í frásögn Síldarvinnslunnar.

„Þessi loðnulöndun markar tímamót því hún er sú fyrsta hér á landi í tæplega þrjú ár.“

Haft er eftir Sigurði Grétari Guðmundssyni skipstjóra að það sé afar góð tilfinning að vera farinn að veiða loðnu á ný. Skipið hélt síðan til veiða á ný strax að löndun lokinni.

„Polar Amaroq fékk aflann í hinu svonefnda trollhólfi austur af landinu. Aflinn fékkst að mestu í þremur holum en fyrsta holið var tekið í mjög slæmu veðri og gaf einungis 20-30 tonn.

Loðnan sem veiddist var hin fallegasta og voru um það bil 40 stk. í kílóinu. Nokkur áta var í loðnunni,“ segir á vef fyrirtækisins.

„Þegar haft var samband við skipið í morgun var það búið að taka eitt 300 tonna hol og var unnið að frystingu um borð af fullum krafti.“