Baldvin Njálsson GK 400. á Austfjarðamiðum mynd þorgeir Baldursson 2022 Af vef Aflafrétta

Eftir smá byrjunarörðuleika með frystitogarann Baldvin Njálsson GK þá hefur þetta gengið betur og betur,

áhöfn togarans að læra betur á skipið og búnað þess.

Togarinn var að koma úr sínum allra stærsta túr núna um miðjan júlí,

Togarinn hafði verið á veiðum að mestu fyrir austan land og var Þorsteinn Eyjólfsson skipstjóri á skipinu í þessum túr,

togarinn kom í land með fullfermi og ansi vel það.

því landað var úr skipinu alls 1400 tonnum .

var þetta eftir um 30 daga á veiðum og gerir það um 47 tonn á dag sem er nú feikilega mikill afli á dag

af þessu var ufsi 549 tonn.

ýsa 584 tonn og þorskur 221 tonn,

Aflaverðmætið var líka ansi gott eða  um 630 milljónir króna,

það gerir um 450 krónur á kíló,

 Kvótinn

Kvótinn í þennan risatúr kom að mestu frá Sigurfara GK og smávegis frá Sigga Bjarna GK,

Reyndar er ekki mikill kvóti eftir hjá Nesfisksflotanum eftir þennan risatúr.  

Pálína Þórunn GK á 3,4 tonn eftir,  

Siggi Bjarna GK 16,1 tonn,

Benni Sæm GK 8,6 tonn

og Sigurfari GK 1281 tonn, enn mestur kvótinn hefur verið geymdur á Sigurfara GK ,.

Allir þessir bátar hafa verið í löngu sumarstoppi, enn allir stoppuðu snemma í júní og fóru allir í 8 vikna stopp,

3013 Sólborg RE 27 á toginu á Papagrunni i kvöld mynd þorgeir Baldursson

3013 Sólborg RE27 á veiðum mynd þorgeir Baldursson 2022

Allri áhöfn frystitogarans Sólborgar RE-27 hefur verið sagt upp. Runólfur Viðar Guðmundsson, framkvæmdastjóri Útgerðarfélags Reykjavíkur og eigandi frystitogarans, staðfestir þetta og segir að ástæða uppsagnanna sé sú að félagið íhugi að kaupa nýjan togara. Ráðningarsamband í lausu lofti Runólfur segir það eiga eftir að koma í ljós hvort áhöfnin verði ráðin áfram og bætir við að menn séu ekki ráðnir hjá útgerðinni heldur á einstök skip. „Þannig að þegar þú skiptir um skip þá þarftu að segja fólki upp og skrifa undir nýjan ráðningarsamning hjá hverjum og einum,“ segir hann. Spurður hvort starfsfólkið sé þá í lausu lofti um áframhaldandi ráðningu, svarar Runólfur því játandi. Ekki liggja þó fyrir frekari upplýsingar um nýtt skip. Skipið smíðað árið 1988 Sólborg RE-27 kom inn á íslenska skipaskrá í júlí 2019 og var áður í eigu Arctic Prime Fisheries á Grænlandi. Hún er 75,9 metrar að lengd og um 2.550 brúttótonn. Skipið var smíðað í Noregi árið 1987 fyrir Grænlandsmarkað

Strandveiðilöndun á Dalvik mynd þorgeir Baldursson 2022

Strand­veiðarn­ar hafa gengið svo vel í sum­ar að nú er út­lit fyr­ir að heild­arkvót­inn í þorski klárist eft­ir um það bil þrjár vik­ur, þegar mánuður og ein vika eru eft­ir af veiðitíma­bil­inu. For­ystu­menn smá­báta­sjó­manna von­ast til að mat­vælaráðherra bæti við þannig að all­ir fái sína 48 daga til að veiða.

„Veiðin und­an­farna daga hef­ur verið með ólík­ind­um. Í þess­ari viku hef­ur afl­inn verið 269 tonn af þorski á dag, að meðaltali,“ seg­ir Örn Páls­son, fram­kvæmda­stjóri Lands­sam­bands smá­báta­eig­enda. Kvót­inn er 10 þúsund tonn. Þorskafli strand­veiðibát­anna í maí og júní var 7.424 tonn, 37% meiri en á sama tíma í fyrra. Þá eru aðins liðlega 2.500 tonn eft­ir, sem gætu auðveld­lega náðst fyr­ir 25. júlí. 

200 milur mbl.is

Básinn hjá Kapp á sjávarútvegssýningunni i Smáranum mynd þorgeir Baldursson

Högg fyrir tæknifyrirtæki er Rússland lokaðist.

Frá undirritun samningsins á sjávarútvegssýningunni í Færeyjum í maí. Freyr Friðriksson, eigandi KAPP, og Kent Damgaard, framkvæmdastjóri Karstensen Skibsvært. Mynd/aðsend.Ljósmynd: Aðsend mynd

Deila 

Verkefnastaða KAPP, sem framleiðir kælibúnað fyrir skip og landvinnslur, er með besta móti með tilliti til þess að Rússlandsmarkaður, sem var fyrirtækinu mikilvægur, hefur lokast. Nýlega gerði KAPP samning við Karstensens skipasmíðastöðina um smíði á kælibúnaði í þrjú skip sem eru í smíðum.

Eins og fleiri íslensk tæknifyrirtæki varð KAPP fyrir talsverðu höggi í kjölfar refsiaðgerða vestrænna ríkja gagnvart Rússlandi vegna innrásarinnar í Úkraínu. Fyrirtækið var með samninga um afhendingu á kælibúnaði fyrir þrjú skip í Rússlandi og hafði framleitt allan búnaðinn þegar Rússland lokaðist. Freyr Friðriksson, eigandi KAPP, segir að þarna hafi stór markaður gufað upp í einu vetfangi.

„Við vorum með samning um búnað í þrjú skip og vorum langt komnir í framleiðslu á þeim búnaði. Búnaðurinn var ekki kominn út til Rússlands og á endanum tókst okkur að koma honum til annarra kaupenda,“ segir Freyr.

Aukning hafði verið ár frá ári á framleiðslu KAPP inn á Rússlandsmarkað alveg frá árinu 2014. Á þessum tíma hafi mikið magn búnaðar verið seldur til rússneskra fyrirtækja og Freyr segir ljóst að sá tími er að renna upp að það þurfi að fara þjónusta þennan búnað. KAPP er ekki frekar en öðrum fyrirtækjum fært að sinna þeirri þjónustu. Þetta er því snúin staða og ekkert útlit fyrir að lausn sé í sjónmáli. Þetta sé ekki óskastaða. KAPP hafi unnið með mörgum rússneskum sjávarútvegsfyrirtækjum og góð tengsl hafi myndast.

Fyrirtækið hefur náð að snúa vörn í sókn og tilkynnti á sjávarútvegssýningunni í Færeyjum í maí samning um framleiðslu og uppsetningu á kælibúnaði fyrir þrjú uppsjávarskip sem danska skipasmíðastöðin Karstensens Skibsværft er að smíða. Hluti af þeim búnaði sem hafði verið framleiddur fyrir rússnesku kaupendurna fór til Karstensens skipasmíðastöðvarinnar. Stærsta skipið af þeim þremur sem um ræðir er Havsrup, 77 metra langt og 14 metrar á breidd. Hin tvö eru 70 og 69 metra löng og er verið að smíða þau fyrir útgerðir í Noregi, Svíþjóð og Skotlandi.

Kælikerfi til Máritaníu

„Við náðum góðum samningi við Karstensens og okkar staða er því bara björt. Það skemmtilega við þetta eru líka þessi sterku tengsl Karstensens við íslensk sjávarútvegsfyrirtæki. Það er talað um að Karstensens sé ein fremsta skipasmíðastöð í heiminum.“

Nýlega flutti KAPP í nýjar höfuðstöðvar í Kópavogi og rekur auk þess þjónustustöðvar í Þorlákshöfn og Vestmannaeyjum. Freyr segir ýmiss önnur verkefni framundan. KAPP seldi fyrir skemmstu kælikerfi alla leið til Máritaníu og var það í fyrsta sinn sem fyrirtækið á viðskipti þar um slóðir. Sá samningur var undirritaður á sjávarútvegssýningunni í Barcelona fyrr á árinu. Búnaðurinn fer í togara sem er á bolfiskveiðum í mjög hlýjum sjó út af vesturströnd Afríku. Freyr segir mikil tækifæri í þessum heimshluta fyrir vörur fyrirtækisins.