1081 Valþór Gk 123  kemur til hafnar i Þorlákshöfn Mynd þorgeir Baldursson 25 mars 2021

Fiskistofa hefur svipt Valþór GK 123 leyfi til veiða í atvinnuskyni í fjórar vikur vegna framhjálöndunar.

Veiðileyfissviptingin gildir frá og með 24. ágúst til og með 20. september, að því er fram kemur í fréttatilkynningu frá stofnuninni.

Þetta er í annað sinn á þessu sumri að skipið er svipt veiðileyfi vegna framhjálöndunar. 

Í ákvörðuninni kemur fram að við löndun úr skipinu þann 28. apríl 2021 hafi hafnarstarfsmaður orðið þess var að 572 kg.

af þorski voru flutt af löndunarstað án þess að aflinn hafi verið veginn á hafnarvog.

Ákvörðunin byggir á því að með þessu hafi verið brotið gegn 1. mgr. 6. gr. laga nr. 57/1996, um umgengni um nytjastofna sjávar,

en þar er mælt fyrir að allur afli fiskiskips skuli veginn á hafnarvog þegar við löndun og 1. mgr. 10. gr. sömu laga þar sem mælt er fyrir um að ekið skuli með landaðan afla rakleitt á hafnarvog.

Viðurlög í málinu voru ákveðin með hliðsjón af ítrekunaráhrifum fyrri sviptingar á leyfi skipsins til veiða í atvinnuskyni vegna sambærilegs brots.

Skipið var einnig svipt leyfi til veiða í fjórar vikur fyrr í sumar vegna sambærilegs brots.

Ítrekunaráhrifa vegna þeirrar sviptingar gætti ekki við ákvörðun viðurlaga í þessu máli þar sem ekki var komin ákvörðun um sviptingu á leyfi skipsins áður en hin ólögmæta háttsemi fór fram sem framangreind svipting tekur til.

Selur á Steini Mynd þorgeir Baldursson

Niðurstöður selatalningarinnar miklu, sem fór fram á Vatnsnesi um helgina, benda til að stofninn sé frekar að stækka en minnka. Framkvæmdastjóri Selasetursins telur líklegt að það sé selveiðibanni að þakka.

Fleiri selir en við síðustu talningu

Talningin var gerð á rúmlega 100 km svæði á Vatnsnesi og Heggstaðanesi. Öll fjaran var gengin, selir taldir og skráðir. Páll L. Sigurðsson, framkvæmdastjóri Selasetursins á Hvammstanga, segir að talningin hafi komið vel út.

„Við töldum 718 seli sem er talsvert betra en í þrjú síðustu skipti. Síðast þegar við töldum, 2016, fengum við 580 seli. Þannig að við erum alveg mjög kát yfir því að í stofninum skuli ekki vera að fækka heldur í það minnsta standi hann í stað,“ segir Páll.

Selveiðibannið að virka

Selir hafa verið taldir á Vatnsnesi frá 2007 og hefur meðaltalið verið 757 dýr. Nú er fjöldi sela því nærri þessu meðaltali. Páll telur þessar tölur gefi vísbendingar um að selveiðibann sem var sett á fyrir um tveimur árum beri árangur. „Það að menn voru ekki að drepa seli við ósa þar sem laxar voru.
Menn höfðu þá ranghugmynd að selir væru að éta laxana og þá voru þeir réttdræpir, við skulum orða það þannig,“ segir Páll.

Mikilvægar upplýsingar til framtíðar

Páll segir að upplýsingarnar séu mikilvægar fyrir selarannsóknir næstu áratugina. Stefnt sé að selatalningu á næsta ári og að talningin verði árlegur viðburður.

Sjálfboðaliðar víða að töldu selina og voru það jafnt Íslendingar sem útlendingar. Páll gleðst mjög yfir þeim mikla áhuga sem fólk sýndi verkefninu, bæði ferðamenn og fjölmiðlar.

„Það var mjög góð þátttaka, í allt voru þetta 58 og það voru 55 sem gengu eða örkuðu Vatnsnes og Heggstaðanes. Þannig að við erum mjög ánægð og þakklát fyrir þennan hóp sjálfboðaliða,“ segir Páll að lokum.
 

Garðar Ba 64 mynd þorgeir Baldursson 29 júni 2021

60. Garðar BA 64.
Hér liggur Garðar í fjörunni inni í Skápadal innst í Patreksfirði en þar var honum komið fyrir árið 1981.
Saga Garðars er á þessa leið:
1912 Nýsmíði, nafn Norröna I. Smíðaður sem hvalbátur, afhentur í mars 1912, smíði nr. 332 hjá Aker Mek. Veksted A/S í Osló, hlaut nafnið Norröna I. Eigandi: Norröna Hvalfanger A/S í Sandefjord (Peder Bogen), heimahöfn var Larvik. 152 brt, 56 nrt. Rúmlega 30 metra langur, yfir 6 metra breiður og risti tæplega 3,5 metra. Var tvímastraður og seglbúinn, en með gufuvél til að nota í lognviðri. Vél: 1 x damp stempelmaskin, triple exp., 3 sylindret, syl.diam.: 12"-20"-33", slag/stroke: 24", 84 NHK. Bygget ved Akers mek.Verksted, Kristiania (Oslo) Hraði: 11 hnútar. Kjele(r) (boiler): 1 stk dampkjel, dim: 11,5'x11,0', m/2 fyrganger. Heteflate: 1.535 kv.ft, damptrykk: 200 PSI. Bygget av Akers mek.Verksted, Kristiania (Oslo)

1921. Seldur til A/S Sandefjord Hvalfangerselskap (Peder Bogen), Sandefjord.
1926. Seldur til Larvíkur, nýtt nafn Globe IV. Seldur til Globus A/S Larvik, omdøpt GLOBE IV.
1936. Seldur til Þórshafnar í Færeyjum. Seldur til Hvalveiðifélagsins Áir í Þórshöfn í Færeyjum og hlaut þar nafnið Falkur. Þar var hann notaður aðallega til að draga hval, fremur en að veiða hann. Stutta tíð var hann í eigu Guðmundar Ísfeldts sem gerði hann út á hval og til vöruflutninga.
1945. Seldur til Siglufjarðar, breytt í fiskibát, nýtt nafn Siglunes SI-89. Kaupandi Siglunes hf. Siglufirði, eigendur þess voru Áki og Jakob Jakobssynir. Þeir létu strax gera stórviðgerð á bátnum. Breytingarnar fóru fram í Skipasmíðastöðinni Dröfn í Hafnarfirði og vélsmiðjunni Kletti. Allt var tekið úr honum, gufuvélin, brúin, kolaboxið, tankarnir, lúkarinn, skrúfan, öxullinn. Lunningar vogu hækkkaðar, nýr keis, ný brú, bátapallur settur á hann o.fl.
1945. Ný vél sett í bátinn. Þá var sett í bátinn 378 ha (375 hk). Ruston Hornsby díeselvél, var hún snarvend, 7 strokka, 4 takta og loftræst. Sett voru 6 tonn af steypu í kjölinn vegna þyngdarmunar gufuvélarinnar og díeselvélarinnar.
1952. Seldur til Skeggja hf. í Reykjavík, nýtt nafn Sigurður Pétur RE-186. 21. Október 1952 var báturinn seldur til Reykjavíkur og var þá nefnt Sigurður Pétur RE-186, kaupandi Skeggi hf. eigandi Jón Sigurðsson. Þá var sett í hann nýtt stýri en það gamla var keðjudrifið og erfitt í meðförum. Gerður út á síld-, línu- og netaveiðar.
1958. Miklar skemmdir. Sigurður Pétur RE-186 skemmdist mikið í aftakaveðri en honum hafði verið lagt milli tveggja stærri báta. Skipta þurfti um 28 plötur í byrðingnum.
Stutta stund var hann svo í eigu Einars Sigurðssonar í Vestmannaeyjum.
1961. Seldur til Siglufjarðar, nýtt nafn Hringsjá SI-94. 14. Júlí 1961 var báturinn seldur til Siglufjarðar á ný. Kaupandi Skeggi hf. á Siglufirði. Nafni þess var breytt og hét þá Hringsjá SI-94. Skipstjóri Páll Pálsson.
1963. Seldur til Skeggja hf. í Garðarhreppi, nýtt nafn Garðar GK-175. Tveimur árum síðar var báturinn enn selur og nú til Skeggja hf. í Garðarhreppi eigandi Þórarinn Sigurðsson og þá var honum gefið nafnið Garðar GK-175.
1964. Vélaskipti. Sett er í Garðar 495 hestafla 750 snúninga Lister-díselvél.
1967. Seldur til Reykjavíkur. Halldór Snorrason í Reykjavík keypti Garðar 28. Desember 1967. Hann hélt nafninu, en einkennisstafirnir urðu RE-9. Garðar RE-9 Garðar var endurmældur og mældist þá 158 brúttólestir.
1974. Seldur til Patrekur hf. Íslandi. Jón Magnússon á Patreksfirði keypti Garðar 20. Nóvember 1974 og eftir það hét báturinn Garðar BA-64. Fór í smá klössun og var settur á flot 1975.
1981. Afskráður. Garðar var tekinn af skrá 1. Desember 1981. Honum var siglt upp í botn Patreksfjarðar, n.t.t. Skápadal í desember 1981 þar sem hann stendur ennþá. Jón keyrði ljósavél bátsins allt til 1991 yfir hátíðarnar og hafði ljósaseríu á Garðari.

Samantekt Jón Steinar Sæmundsson 

Af vefsiðu Bátar og bryggjubrölt 

Wilhelm Þorsteinsson EA11 mynd þorgeir Baldursson 2021                                                  Börkur Nk 122 mynd þorgeir Baldursson 2021

Danish Export-Fish Tech (sem er hluti af Danska útflutningssambandinu) mun kynna stóran hóp danskra fyrirtækja á Íslensku sjávarútvegssýningunni 2021.

„Danish Export-Fish Tech er staðurinn þar sem þið fáið aðgang að meira en 100 dönskum birgjum sem útvega búnað, lausnir, tækni, kunnáttu og ráðgjöf.

Danish Export-Fish Tech skipuleggur Danska sýningarskálann á Íslensku sjávarútvegssýningunni 2021, þar sem dönsku þátttakendurnir sýna dæmi um sérþekkingu sína,

gæði og nýsköpun í búnaði, lausnum og tækni fyrir fiskveiðar, fiskeldi og vinnslu fisks og sjávarafurða.

Margra ára reynsla hefur fært dönskum birgjum mikla þekkingu og sérfræðikunnáttu varðandi þarfir og kröfur bæði í fiskveiðum og fiskeldi,

sem hefur leitt af sér hugmyndaríkar, sjálfbærar, endingargóðar og fjárhagslega hagkvæmar lausnir fyrir greinina.

Aukin áhersla Íslensku sjávarútvegssýningarinnar 2021 á fiskeldi hefur opnað á breiðari hóp danskra birgja,“ segir í frétt frá sýningunni.

„Það veitir okkur mikla ánægju að koma með hóp sérfræðinga á Íslensku sjávarútvegssýninguna nú í ár,

bæði úr veiðum, eldi og vinnslu til þess að taka þátt í samræðum við íslenska og alþjóðlega aðila sem hafa hagsmuna að gæta og koma að ákvörðunartöku

þar rætt yrði um tækifæri og áskoranir í greininni á Íslandi og í Norður-Atlantshafi,” segir Martin Winkel Lilleøre, yfirmaður Danish Export-Fish Tech.

„Ef þú setur þig í sambandi við einn af dönsku birgjunum í sýningarskála Danmerkur færðu bæði góða þjónustu og gæðavörur og lausnir.”

www.audlindin.is

Það var létt yfir Strákunum á Hrafni Sveinbjarnarsyni GK 255 þegar við á Ljósafellinu SU komum til þeirra i siðustu viku

með varahluti i Baader vélar og þá voru meðfylgjandi myndir teknar 

1972 Hrafn Sveinbjarnarsson GK 255 Mynd þorgeir Baldursson                                Hrafn Sveinbjarnasson Gk   Beðið eftir Varahlutum mynd þorgeir Baldursson                                    Strákarnir biða spenntir eftir pakkanum mynd þorgeir Baldursson                                Valur Skipstjóri i brúnni á Hrafni Sveinbjarnassyni Gk 255 mynd þorgeir Baldurssson                        Hrafn Sveinbjarnarsson GK 255 og afturgálginn á Ljósafelli SU mynd þorgeir Baldursson

Nú seinnipartinn i kvöld hélt isfisktogarinn Gullver NS 12 áleiðis til heimahafnar á Seyðisfirði eftir gagnlegar breytinga i slippnum á Akureyri 

þar sem að meðan annas var skipið heilmálað i litum Sildarvinnslunnar i Neskaupstað en Gullver Ns hefur alltaf siðan það var smiðan verið 

Orange litað og hvitt að ofan en er nú blátt og kremgult sem að fer skipinu afar vel meðfylgjaand myndir voru teknar i kvöld á Akureyri og við Hjalteyri 

1661 Gullver Ns 12 mynd þorgeir Baldursson 23 júli 2021                                         1661 Gullver Ns 12 mynd þorgeir Baldursson 23 júli 2021                                    1661 Gullver Ns 12 við Hjalteyri mynd þorgeir Baldursson 23 júli 2021                            1661 Gullver NS12  við Hjalteyri i kvöld Mynd þorgeir Baldursson 23 júli 2021                                  1661 Gullver Ns 12 Við Hjalteyri i kvöld Mynd þorgeir Baldursson 23 júli 2021                                     1661 Gullver Ns 12 mynd þorgeir Baldursson 23 júli 2021                             1661 Gullver Ns 12 við Hjalteyri i kvöld mynd þorgeir Baldursson

Breytingar á skipastól Síldarvinnslunnar

20/7/2021 | Fréttir

Bergur ehf. í Vestmannaeyjum hefur samþykkt sölu á Berg VE 44 til Vísis í Grindavík. Skipið verður afhent nýjum eigendum í ágúst á þessu ári. Bergur er með tæplega 1600 þorskígildi, en skipið er selt án aflaheimilda. Bergur ehf. mun í kjölfarið kaupa Bergey VE 144 af móðurfélagi sínu Bergi Hugin ehf. Er um að ræða hagræðingaraðgerðir til að auka nýtingu skipa félagsins. Þess skal getið að skerðingar Síldarvinnslusamstæðunnar námu um 1500 tonnum í bolfiski fyrir komandi fiskveiðiár.

Dótturfélag Síldarvinnslunnar, Runólfur Hallfreðsson ehf., hefur einnig gengið frá sölu á uppsjávarskipinu Bjarna Ólafssyni AK 70 til erlendra aðila. Salan er þó háð ákveðnum fyrirvörum af hálfu kaupenda sem munu skýrast innan mánaðar. Ef af verður mun skipið verða afhent nýjum eigendum á haustmánuðum. Eins og kunnugt er tók Síldarvinnslan á móti nýju skipi í júníbyrjun sem fékk nafnið Börkur. Í kjölfarið mun eldri Börkur fá nafnið Bjarni Ólafsson AK 70 og munu áhöfn og aflaheimildir þá flytjast á milli.

2184 Vigri RE71 mynd þorgeir Baldursson

Góður afli og blíða í Barentshafinu þar sem þrjú íslensk skip hafa verið að veiðum að undanförnu.

„Aflinn var góður og svo vorum við svo heppnir að það var nánast einmuna blíða allan tímann.

Það var logn og þegar best lét fór hitinn í meira en 30 gráður. Þetta er hins vegar gríðarlega löng sigling.

Við vorum rétt tæpa fimm sólarhringa að sigla norður í Barentshaf og mér sýnist að heimferðin taki svipaðan tíma.”

Þetta segir Eyþór Atli Scott, skipstjóri á frystitogaranum Vigra RE, er heimasíða Brims náði tali af honum en Vigri var á leiðinni til Reykjavíkur.

Eftir Vigra var frystitogarinn Örfirisey RE en bæði skipin, sem Brim gerir út, hafa að undanförnu verið að veiðum í Barentshafi.

1345 Blængur Nk 125 mynd þorgeir Baldursson

„Við vorum 30 daga á veiðum og vorum með alls 1.030 tonn upp úr sjó. Uppistaða aflans var þorskur en við vorum með nokkra tugi tonna af ýsu og hlýra. Afli Örfiriseyjar var meiri enda getur skipið dregið tvö troll samtímis.”

Að sögn Eyþórs Atla hófust veiðar svo til á þeim punkti þar sem rússneski eftirlitsmaðurinn var tekinn um borð.

„Við unnum okkur svo austur eftir og vorum lengst af á veiðum á Gæsabankanum. Við lukum veiðum svo á svokölluðum Kildenbanka,” segir Eyþór Atli.

„Þorskurinn er af mun blandaðri stærð en við höfum átt að venjast og það er nokkuð ljóst að yngri árgangar eru að koma inn í veiðina.”

2265 Arnar HU 1 mynd þorgeir Baldursson

Að sögn Eyþórs Atla voru tvö önnur íslensk skip á slóðinni, Arnar HU og Blængur NK. Góð samvinna var á milli skipstjórnarmanna og segir Eyþór Atli slíka samvinnu skila mjög góðum árangri.

„Það hefur mjög margt breyst frá því að maður byrjaði í Barentshafinu. Rússarnir eru farnir að gera út mjög stóra og öfluga togara og það eru fleiri en áður um hituna,” segir Eyþór Atli Scott.

1868. Helga Maria RE 1 Mynd þorgeir Baldursson 2021

Isfisktogarinn Helga María Re1 fer frá Reykjavík í kvöld en togarinn hefur að undanförnu verið að veiðum á Vestfjarðamiðum. Á heimasíðu Brims segir frá því að nokkur undanfarin sumur hafa ísfisktogarar fyrirtækisins orðið að leita austur á Norðurlandsmið vegna aflabrests á Vestfjarðamiðum, en í ár virðast miðin ætla að gefa þokkalegan afla.

Friðleifur Einarsson er skipstjóri á Helgu Maríu en Einar Bjarni Einarsson var með skipið í nýafstaðinni veiðiferð. Friðleifur segist sammála Eiríki Jónssyni, skipstjóra á Akurey AK, um að fiskurinn væri núna á grunnslóðinni en ekki úti í kanti eða á Halanum eins og undanfarin ár.

„Það er aflinn á grunnslóðinni sem heldur veiðinni uppi. Aflinn hefur verið í góðu lagi en ef maður hættir sér of djúpt er alls staðar gullkarfi sem við megum helst ekki veiða. Við erum því á flótta undan karfa þessa dagana og svo þvælist ýsan einnig fyrir okkur, þótt það kveði ekki eins rammt af ýsugengdinni og í vor og byrjun sumars,” segir Friðleifur enn hann segir það kost að þurfa ekki að fara langt austur eftir aflanum.

„Við höfum ekki farið lengra austur en í Nesdjúpið til að ná í aflann,” segir hann.

                                                                                 Herjólfur 111 i höfn i Vestmannaeyjum  mynd Óskar Pétur Friðriksson  

Farþegaog bilaferjan  Herjólf­ur III, sem er í eigu Vega­gerðar­inn­ar, hef­ur nú verið sett á sölu á norskri skipa­sölusíðu. Eyja­f­rétt­ir greindu fyrst frá. 

Upp­sett verð á skip­inu er 4,5 millj­ón­ir evra eða um 660 millj­ón­ir ís­lenskra króna. 

Gamli Herjólf­ur var smíðaður í Nor­egi árið 1992 og hef­ur þjónað sam­göng­um milli lands og Vest­manna­eyja síðan þá þar til nýr Herjólf­ur tók við árið 2019.

Skipið mun þó sigla nokkr­ar ferðir um versl­un­ar­manna­helg­ina til þess að ferja gesti til og frá Þjóðhátíð. 

Harðbakur EA 3 og Oddeyrin EA 210  fyrir framan höfustöðvar Útgerðafélags Akureyringa mynd þorgeir Baldursson

Skipið hefur þegar vakið mikla athygli í alþjóðlegum sjávarútvegi

2978 Oddeyrin EA. 210 mynd þorgeir Baldursson 7 júli 2021                                        2978 Oddeyrin EA 210 myynd þorgeir Baldursson 7 júli 2021

Tímamót urðu í sögu Samherja í dag og þar með íslenskum sjávarútvegi, er Oddeyrin EA kom til Akureyrar eftir gagngerar breytingar á skipinu í dönsku skipasmíðastöðinni Karstensens.

Samherji keypti uppsjávarveiðiskip og lét breyta því fyrir bolfiskveiðar, jafnframt verður hægt að dæla fiski um borð og geyma lifandi í sér útbúnum tönkum.

Sex tankar sem geta geymt lifandi fisk Segir á vef Samherja i dag 

Hjörvar Kristjánsson skipaverkfræðingur og verkefnastjóri á útgerðarsviði Samherja segir skipið á margan hátt flókið.

„Já, þetta er nokkuð flókið skip, hérna er hægt að gera ýmislegt sem ekki er hægt að gera á öðrum fiskveiðiskipum.

Í fyrsta lagi getur það stundað hefðbundnar veiðar en stóra nýjungin er að um borð er búnaður til að dæla fiski um borð og geyma hann lifandi í alls sex tönkum skipsins. Í þessum tönkum er líka hægt að kæla fiskinn, ef hann er ekki fluttur lifandi til lands.“

Alþjóðlegur sjávarútvegur fylgist vel með

Hjörvar segir að Oddeyrin hafi þegar vakið töluverða athygli í alþjóðlegum sjávarútvegi.

„Já, klárlega. Karstensens skipasmíðastöðin stendur framarlega á sínu sviði og þar er daglega fólk sem fylgist vel með öllum tækninýjungum.

Við urðum sannarlega vör við áhuga greinarinnar á þessu verkefni okkar og víst er að það verður vel fylgst með okkur þegar skipið kemst á veiðar.

Þetta eru stór tímamót í íslenskum sjávarútvegi,“ segir Hjörvar.

Hægt að jafna út skammtímasveifur og sækja inn á nýja markaði

Næsta skref er að Slippurinn tekur við skipinu og kemur fyrir ýmsum búnaði, aðallega á vinnsludekki.

Heiðdís Smáradóttir verkefna- og gæðastjóri Samherja fiskeldis, segir að aldurinn á fiskinum til landvinnslunnar geti hæglega farið úr þremur til fimm dögum niður í nokkrar klukkustundir, með tilkomu Oddeyrarinnar.

„Afhendingaröryggi landvinnslunnar eykst til mikilla muna. Með því að geyma fiskinn lifandi um borð eða í kvíum í landi er hægt að jafna út skammtímasveiflur, svo sem vegna hráefnisskorts.

Einnig aukast möguleikar á því að sækja inn á nýja markaði með ferskan ófrosinn fisk vegna lengri líftíma vörunnar, svo dæmi séu nefnd.

Stór hluti af þessu öllu saman er að geta alltaf átt hráefni klárt fyrir landvinnsluna og svo auðvitað að geta boðið upp á enn ferskara hréfni.

Við erum ekki komin á þann stað að geyma fiskinn í kvíum á landi, en möguleikarnir eru fyrir hendi.

Norðmenn hafa sett fisk í kvíar en með þessu skipi er stigið skrefinu lengra. Samherji leggur ríka áherslu á ferskleika og það erum við sannarlega að gera með þessu nýja skipi,“ segir Heiðdís.

Búnaðurinn reyndist vel

„Mér líst mjög vel á skipið. Við fórum í tvo stutta prufutúra við Danmörku, aðallega til að tékka af búnaðinn og allt virkaði fínt.

Það ríkir auðvitað alltaf ákveðin spenna þegar eitthvað nýtt kemur fram á sjónarsviðið og ég hef heyrt ýmsar pælingar, sem segir sitt um áhugann á þessari nýjung.

Ég er alveg sannfærður um að þetta gangi allt saman upp og það hefur verið frábært að vinna að þessu verkefni með framsæknu og lausnarmiðuðu starfsfólki Samherja,“ segir Hjörtur Valsson skipstjóri.

Frábært að sigla inn Eyjafjörðinn í fallegu veðri

„Við lögðumst að bryggju á Akureyri snemma í morgun og það var alveg frábært að sigla inn Eyjafjörðinn í fallegu veðri.

Ísland tók vel á móti okkur, það er ekki hægt að segja annað,“ segir Hjörtur.