3035 Hoffell SU 80  Mynd þorgeir Baldursson 2022

Ísland og Fær­eyj­ar hafa gengið frá samn­ing­um um fisk­veiðar árið 2025.

Ákveðið var í kjöl­far viðræðna í byrj­un des­em­ber að fram­lengja gild­andi samn­ing­um milli ríkj­anna og í því felst að skip beggja ríkja fá að veiða kol­munna og norsk-ís­lenska síld í lög­sög­um hvors ann­ars.

Fá fær­eysk skip að veiða 5.600 tonn af botn­fiski á Íslands­miðum. Þar af má allt að 2.400 tonn vera þorsk­ur og 400 tonn af keilu. Þá fá Fær­eyj­ar 5% af heild­arkvóta í loðnu en þó ekki meira en 30 þúsund tonn.

Íslend­ing­ar fá 1.300 tonn af mar­kíl­kvóta Fær­ey­inga, en enn er ósamið milli ríkj­anna um mak­ríl­veiðar. Fær­eyj­ar hafa þó gert samn­ing um mak­ríl­veiðar við Nor­eg og Bret­land án aðkomu Íslands, Evr­ópu­sam­bands­ins og Græn­lands.

Frétt af mbl.is

Ein­ing um heild­arkvóta en ekki skipt­ingu

Fram kem­ur í til­kynn­ingu á vef sjáv­ar­út­vegs- og sam­gönguráðuneyt­is Fær­eyja (Fiski­vinnu- og sam­ferðslu­málaráðið) að upp­haf­lega hafi verið gert ráð fyr­ir að samn­ingaviðræðurn­ar færu fram í Fær­eyj­um fyrr í haust, en viðræðum hafi verið frestað eft­ir að til­kynnt var um að efnt yrði til þing­kosn­inga Íslandi.

heimild Mbl.is

Hvaða sjómaður  hefur verið á öllum þessum skipum sem stýrimaður og skipstjóri 

Hrimbakur EA 306 mynd þorgeir Baldursson

2265 Arnar HU 1 mynd þorgeir Baldursson

2626 Guðmundur i Nesi RE 13 Mynd þorgeir Baldursson

                             Birtingur NK verður leigður til Samherja í tvo mánuði.  Mynd svn .is Smári Geirsson 

Birtingur NK, sem Síldarvinnslan keypti nýverið af Skinney-Þinganesi, hefur verið leigður til Samherja hf. og er leigutíminn tveir mánuðir.

Með kaupunum á Birtingi var ekki ætlunin að fjölga skipum innan Síldarvinnslusamstæðunnar heldur var ráðgert að selja skip í hans stað.

Nú er hafinn undirbúningur að sölu togskipsins Jóhönnu Gísladóttur GK.

100 tonn í fyrstu veiðiferð

Birtingur hélt í sína fyrstu veiðiferð frá Neskaupstað sl. föstudag og kom til löndunar á mánudag. Afli skipsins var 100 tonn, nánast alfarið þorskur.

Egill Guðni Guðnason skipstjóri segir að vel hafi gengið að veiða.

„Það var hörkuveiði á Héraðsflóanum en þar fékkst mjög góður þorskur.

Skipið hefur verið ónotað um hríð og þá þarf alltaf að sinna ýmsum verkefnum til að fá vélar og tæki til að snúast eðlilega.

Það var því mikið að gera hjá vélstjórunum í túrnum eins og gert hafði verið ráð fyrir.

Við héldum til veiða á ný á þriðjudag og nú er verið að veiðum á Glettinganesflakinu,” segir Egill Guðni. 

2677 Jóhanna Gisladóttir Gk 357 á veiðum á Austfjarðamiðum fyrir skömmu  mynd þorgeir Baldursson 2024