1277 Ljósafell SU 90 og 2401 Ljósafell su 70 mynd Guðlaugur Björn Birgisson 

 Af vef Austurfrettar 

Nýtt Ljósafell kom til heimahafnar á Fáskrúðsfirði í fyrsta sinn í gærkvöldi. Eldra skipið kvaddi um leið en í gær var gengið frá sölu þess til Færeyja.

Skipstjórinn vonast eftir hagkvæmari veiðum með nýja skipinu.

Nýja skipið hét áður Þórunn Sveinsdóttir, smíðað í Danmörku árið 2010 og alla tíð gert út frá Vestmannaeyjum. Loðnuvinnslan tók við skipinu fyrir rúmum mánuði í Færeyjum en þangað var það sent í endurbætur.

Skipið yfirgaf Færeyjar um kvöldmatarleytið á mánudag og var tæpum sólarhring síðar komið inn á Fáskrúðsfjörð.

Þar beið það á meðan eldra Ljósafell var gert tilbúið til brottfarar, en það fór frá bryggju nokkurn veginn á slaginu átta í gærkvöldi.

Skipin mættust skammt utan við bæinn og sigldu inn með þorpinu í hring áður en leiðir skildu; gamla Ljósafellið hélt áfram út fjörðinn meðan hitt lagðist að bryggju.

Ljósafell SU 90 selt til Færeyja

Í gærmorgun var gengið frá sölu eldra Ljósafells til Færeyja og um leið varð ljóst að hægt væri að búa til litla athöfn í gærkvöldi þar sem það yrði kvatt og nýju skipi heilsað. Talsverður fjöldi fólks lagði leið sína niður á bryggju af því tilefni í kvöldsólinni.

Hjálmar Sigurjónsson var skipstjóri í þessari síðustu ferð. Nokkur áhugi mun hafa verið á að fá að fara með og komust þar færri að en vildu. Búist er við að skipið komi til Færeyja seint í kvöld en strekkingsvindur er á leiðinni og talsverð alda sem skipið skoppar á því það er tómt.

1277 Ljósafell Su 90 og Ljósafell Su 70 mynd Guðlaugur Björn Birgisson 2026          Brottför Ljósafellsins markar ekki bara straumhvörf í útgerðarsögu Fáskrúðsfjarðar, þangað sem skipið kom nýtt sumarið 1973 heldur líka Íslendinga því það er hið síðasta af svokölluðum Japanstogurum. Það er samheiti yfir tíu skip sem smíðuð voru fyrir Íslendinga í Japan snemma á áttunda áratugnum.    Nýja skipið ber skipaskrárnúmerið SU 70 á meðan hið eldra var SU 90. Kristján Gísli Gunnarsson, skipstjóri Ljósafells, tók við skipinu í Færeyjum og sigldi því heim. „Ferðin var fín miðað við 15-18 m/s hliðarvind. Það valt en lítið enda velta öll skip,“ sagði hann um siglinguna til Fáskrúðsfjarðar. Í nýja skipinu er talsvert betri aðstaða til vinnu auk þess sem öflugra skip skilar hagkvæmari veiðum. „Ég skýt á að þetta sé 80% uppfærsla. Togdekk, millidekk og lest eru miklu betri. Það tekur 60% meira í körum og togetan er meiri því nýja skipið getur dregið tvö troll. Öflugra skip gefur okkur meiri tíma í að elta uppi tegundir. Ég býst ekki við að þorskskammturinn okkar breytist miðað við viku frá viku, en ég á von á að við eyðum minni tíma í að ná honum.  Við höfum stundum skotist í minni fiska því við höfðum ekki getu í annað. Það að við getum notað tvö troll gefur okkur möguleika á að draga dýpra og þá fáum við kannski stærri og verðmætari fisk, sem er betra fyrir bæði okkur og frystihúsið.“ Ljósafell SU 70 fer til veiða um helgina Þegar skipin sigldu saman hlið við hlið um fjörðinn í gærkvöldi tók fólk eftir því að nýja Ljósafellið er breiðara en styttra en hið eldra. „Nýja skipið er tæpum tveimur metrum breiðara en 7-8 metrum styttra. Það er samt stærra í tonnum talið því metri í breidd telur svo mikið. Klefar og vistarverur eru þrengri. Við tvímenntum bara í einum klefa í gamla skipinu en gerum það í fleirum í þessu. Að öðru leyti eru þetta fínir klefar,“ segir Kristján Gísli. Áhöfnin af eldra skipinu færist á það nýja. Nú er verið að gera það klárt fyrir fyrstu veiðiferðina. „Við förum út helst á sunnudag og ég hlakka til að takast á við þetta,“ segir Kristján Gísli að lokum.

                                  3045  Þórunn Þórðardóttir HF 300 Mynd þorgeir Baldursson 

                                   3031 Álfsnes við bryggju i Eyjum mynd þorgeir Baldursson 

Á dögunum 17.-27. apríl sl. vann Álfsnesið með hléum við dýpkun í hafnarmynninu og náði  að koma skaflinum í um -2,7 m dýpi sem gerir vinnu í næsta glugga auðveldari, sjá mynd af dýpinu 24. apríl. Þannig að þegar færi gefst undir eða um helgina næst vonandi að vinna verkið hraðar.

Herjólfur
Vegagerðin ákvað þegar bilun kom upp í annarri af tveimur vélum í Herjólfi IV að færa Baldur til Vestmannaeyja til afleysinga þar sem viðbragðstími Baldurs er mjög stuttur.  Í framhaldi af bilanagreiningu á Herjólfi IV var ákveðið að undirbúa að Herjólfur III gæti komið inn sem varaskip ef þörf væri á.  Vel hefur gengið að undirbúa skipið til siglinga og er áætlað að áhöfn frá Herjólfi ohf. komi til Reykjavíkur í byrjun næstu viku til að undirbúa skipið til siglinga. Því miður hefur ekki tekist að skipuleggja þetta hraðar.

Herjólfur III ristir töluvert dýpra en Herjólfur IV og mun því að svo stöddu ekki geta siglt inn í Landeyjahöfn en gæti siglt til Þorlákshafnar.

Bilaða vél Herjólfs IV er komin á verkstæði í Hollandi þar sem hún verður yfirfarin og lagfærð.  Beðið er eftir upplýsingum frá forsvarsmönnum viðgerðanna um hversu langan tíma verkið mun taka.

                                         Friðarhöfn i Vestmannaeyjum 20 april 2026 mynd þorgeir Baldursson 

Loðnubræðsla Isfélags vestmannaeyja (fes) mynd þorgeir Baldursson                                                      3018 Sigurbjörg Ve 67 mynd þorgeir Baldursson                Frár ve Drangvik Ve og Álsey Ve við bryggju i Friðarhöfn i Vestmannaeyjum mynd þorgeir Baldursson                                         Vinnslustöðin i Vestmannaeyjum mynd þorgeir Baldursson                    2964 Bergey ve við bryggju i Friðarhöfn i Vestmannaeyjum mynd þorgeir Baldursson                              1742 Sighvatur Bjarnasson ve 81 og   2025 Bylgja Ve 75 mynd þorgeir Baldursson                                              2730 Gullberg Ve 292 og 1062 Kap Ve 4 mynd þorgeir Baldursson                               3031 Álfsnes og  3016 Suðurey Ve 11 mynd þorgeir Baldursson

                                                  Northern Osprey III Foto Julien Savoie 2024

Slippurinn DNG hefur gert samning við kanadískt útgerðarfyrirtæki, MV Osprey Ltd. um hönnun, smíði og uppsetningu á bolfiskvinnslulínu um borð í rækjufrystitogarann Northern Osprey III, að því er fram kemur í frétt á vef fyrirtækisins.

           Magnús Blöndal, sviðsstjóri DNG vinnslubúnaðar, og Keith Coady frá MV Osprey Ltd., handsala samninginn. Mynd: Slippurinn DNG.

„Þetta er mjög spennandi verkefni fyrir Slippinn DNG. Samstarfið við útgerðina hefur verið til fyrirmyndar við hönnun á fyrirkomulagi og við hlökkum til að fá skipið norður í haust,“ segir Magnús Blöndal, sviðsstjóri DNG vinnslubúnaðar, í frétt fyrirtækisins. Áætlað er að skipið komi til Akureyrar í september. 

Nánar er fjallað um þetta verkefni á vef Slippsins DNG, en þar segir meðal annars: 

Við hönnun á vinnslulínunni var lögð áhersla á góð afköst, framúrskarandi aflameðferð og nákvæma flokkun og pökkun.

„Okkar helsta áskorun var að hanna afkastamikla bolfiskvinnslulínu innan þess rýmis sem við höfum. Eigendurnir voru framsýnir á sínum tíma og skildu eftir pláss á vinnsluþilfarinu fyrir mögulega þorsk- og grálúðuvinnslu,“ segir Ásþór Sigurgeirsson, hönnuður hjá Slippnum DNG.

Northern Osprey III hefur eingöngu verið á rækjuveiðum en nú er þorskvótinn á uppleið við strendur Nýfundalands og er nýja bolfisklínan því hrein viðbót.

„Sem dæmi um búnað frá okkur verður: Sæljón, blæðingar- og þvottabúnaður, sem hámarkar blóðtæmingu og þvott. DNG flokkari sem stærðarflokkar hráefnið fyrir frystingu, auk pökkunar-trogvoga sem auðvelda vinnu og minnka yfirvigt.

Vinnulagi við vigtun og pökkun á Japansrækju verður einnig breytt til að auka afköst. Að endingu verður þorski og rækju pakkað í endanlegar umbúðir fyrir frystingu, sem sparar handtök og er í samræmi við það vinnulag sem tíðkast í dag,“ bætir Ásþór við.

Heilsársrekstur og framtíðarsýn

Með nýju bolfisklínunni verður hægt að gera Northern Osprey III út allt árið um kring en áætlað er að skipið stundi bolfiskveiðar 3–4 mánuði á ári.

„Samstarfið við Slippinn DNG við hönnun nýju bolfisklínunnar hefur verið mjög jákvætt. Ferlið hefur verið opið, hratt og lausnamiðað. Innleiðing á bolfiskvinnslu er mikilvægt framfaraskref fyrir útgerðina og Labrador Fishermen’s Union Shrimp Company Ltd. Bæði styrkir það reksturinn og langtíma efnahag svæðisins. Áreiðanlegt aðgengi að þorskvóta er lykilatriði til að hámarka ávinning fyrir áhöfn og samfélag,“ segir Keith Coady, útgerðarstjóri hjá MV Osprey Ltd.

                                           2401 Ljósafell SU 70 við bryggju i Færeyjum i morgun Mynd Jónas Sigmarsson

2401 Ljósafell su 70 unnið að merkingum mynd Jónas Sigmarsson 2026

                                             7900 Skiði EA 666 mynd þorgeir Baldursson 11 april 2026 

7900 Skiði EA 666 á kranbil á leið fram á bryggjuna mynd þorgeir Baldursson                      Jón Gretarsson Eigandi og útgerðarmaður við Sjósetninguna i dag mynd þorgeir Baldursson                             Kominn á flot og jón hoppar um borð i bátinn mynd þorgeir Baldursson                               Kominn á flot og birjað að losa stroffurnar mynd þorgeir Baldursson

                       Skipverjar á Elinu ÞH 82 gera klárt til Grásleppuveiða mynd þorgeir Baldursson 

Skipverjar á Elinu ÞH 82 gera klárt til Grásleppuveiða mynd þorgeir Baldursson

                         Vilhelm Þorsteinsson EA 11 á leið á Kolmunnaveðar mynd þorgeir Baldursson 

Vilhelm þorsteinsson EA ,Aðalsteinn Jónsson SU , Jón Kjartansson SU, Hoffell SU. 

 héldu einnig af stað i dag  áleiðis á kolmunnamiðin við Færeyjar 

Síldarvinnsluskipin Barði NK, Beitir NK og Börkur NK munu halda til kolmunnaveiða í dag. Heimasíðan ræddi við Theodór Haraldsson skipstjóra á Barða og spurði hvernig mönnum litist á veiðarnar. “Mér líst vel á þær. Við munum halda til veiða um hádegi í dag og verðum væntanlega komnir á miðin að lokinni viðkomu í Færeyjum annað kvöld. Veiðin mun eiga sér stað á hinu svonefnda gráa svæði syðst í færeysku lögsögunni en þangað er fiskurinn að ganga úr írsku lögsögunni. Síðustu árin hefur þarna hafist kraftveiði um þetta leyti og hafa skipin verið að fá allt upp í 100 tonn á tímann. Í fyrra hófst veiðin þarna 6. – 10. apríl og gekk afar vel. Ég held að íslensku kolmunnaskipin séu yfirleitt að leggja af stað á miðin um þetta leyti og menn eigi von á góðri veiði,” sagði Theodór.

Í fyrra barst fyrsti kolmunnafarmurinn á þessum árstíma til Neskaupstaðar þann 8. apríl en þá kom Börkur NK þangað með fullfermi eða 3.250 tonn sem fengust í sex holum á tveimur og hálfum sólarhring á gráa svæðinu.

                                 3048 Vinur ÞH kemur til hafnar á Akureyri i dag Myndir Þorgeir Baldursson 

Leiðsögukonan klár með endann mynd þorgeir Baldursson                                              Tekið á móti endanum mynd þorgeir Baldursson                                     Farþegarnir himinsælir með góðan túr mynd þorgeir Baldursson                                          Farþegar ganga frá borði himisælir mynd þorgeir Baldursson                    Arnar Sigurðsson skipstjóri og útgerðarmaður i brúnni á Vini ÞH mynd þorgeir Baldursson                          Hörður Harðasson ásamt starfsfólki  Frends of Moby Dick mynd þorgeir Baldursson                           Starfsfólk Frends of Moby Dick mynd þorgeir Baldursson                                       Starfsfólk Frends of Moby Dick mynd þorgeir Baldursson

                               Snekkjan á leið út Eyjafjörð i morgun 30 mars mynd þorgeir Baldursson 

Snekkja auðmannsins Olegs Tinkov, La Datcha, siglir nú út Eyjafjörð og er á leið út fyrir 12 mílna landhelgi Íslands.

Á opinberum kortagögnum má sjá að hún heldur nú til Nuuk, höfuðborgar Grænlands. 

Snekkjan siglir undir fána Panama en við skoðun Landhelgisgæslunnar kom í ljós að skipið sigldi undir rússneskum fána frá apríl 2021 til september 2022.

Henni var því upphaflega meinaður aðgangur að höfninni á Akureyri vegna þvingunaraðgerða gegn Rússum en var veitt undanþága síðustu helgi til að leggja að bryggju af öryggisástæðum.

Frétt af mbl.is

Lúxussnekkjunni hleypt í land af öryggisástæðum

Fengu olíu og vistir

„Af öryggisástæðum var samþykkt að snekkjan fengi að taka olíu og vistir. Með þeim hætti var best hægt að tryggja að hún gæti haldið frá Íslandi með öruggum hætti,“ sagði Ásgeir Erlendsson, upplýsingafulltrúi Landhelgisgæslunnar, við mbl.is síðasta föstudag.

Oleg Tinkov, eigandi snekkjunnar, er einn þeirra rússnesku auðmanna sem hvað mest hafa gagnrýnt rússnesk stjórnvöld vegna stríðsins í Úkraínu.

Hann afsalaði sér rússnesku ríkisfangi sínu eftir að hafa lent upp á kant við stjórnvöld.

Frétt af mbl.is

Hefur gagnrýnt stríðið harðlega: „Er frábær maður“

                       Árni Friðriksson HF200 i Slippnum 28 mars 2026 mynd þorgeir Baldursson 

Klassavottun flotkvíar Slippins Akureyri frá alþjóðlega flokkunarfélaginu Bureau Veritas hefur verið endurnýjuð.

Með endurnýjuninni er staðfest að kvíin uppfylli áfram strangar kröfur um öryggi, ástand og rekstur.

Vottunin staðfestir að flotkvíin sé í góðu ástandi og tryggi örugga þjónustu fyrir skip sem tekin eru í kví.

Hún styrkir jafnframt getu Slippins Akureyri til að þjónusta fjölbreyttan flota skipa, þar á meðal skip í eigu Íslendinga á borð við varðskip, ferjur og rannsóknarskip.

Árni Friðriksson HF200 i Slippnum 28 mars 2026 mynd þorgeir Baldursson

Endurnýjun klassavottunarinnar eykur einnig möguleika fyrirtækisins á að taka að sér verkefni fyrir erlenda aðila,

þar sem vottun frá viðurkenndu flokkunarfélagi er mikilvæg forsenda fyrir því að skipaeigendur og rekstraraðilar

geti treyst aðstöðu til viðhalds og viðgerða.

Flotkví Slippins Akureyri er eina flotkvíin á Íslandi með slíka vottun.

Hún endurspeglar þann gæðastaðal sem fyrirtækið leggur áherslu á í starfsemi sinni og það traust sem flokkunarfélög

bera til þeirrar fagmennsku sem þar fer fram.

Heimild slippurinn dng 

                           Fjöruborðið og heitupottarnir á Hauganesi mynd þorgeir Baldursson 

Hvalaskoðunnarbátarnir Niels Jónsson og Whales mynd þorgeir Baldursson  Komdu í hvalaskoðun og sjóstöng með Hvalaskoðuninni á Hauganesi – með fjölskylduna, vinina, vinnuna eða skólakrakkana. Leitaðu upplýsinga um ferðirnar okkar, verð og fyrirkomulag í síma 867 0000, í EP hér eða á whales@whales.is. Hvalaskoðunin á Hauganesi er elsta hvalaskoðun landsins og er staðsett í hjarta Eyjafjarðar. Við gerum út tvo klassíska íslenska eikarbáta sem þykja einkar stöðugir og þægilegir. Allar ferðir eru kolefnisjafnaðar sem felur í sér að við gróðursetjum tré fyrir hverja ferð til að vega upp á móti kolefnisútblæstri ferðarinnar, ásamt því að við blöndum olíuna með lífdísli. Við erum í samstarfi við Vistorku. Sumarið 2019 sáum við hvali í öllum okkar ferðum, þar á meðal hnúfubaka, hrefnur, hnísur, háhyrninga og steypireyðar. Hvalirnir voru að meðaltali í 20 mínútna fjarlægð frá Hauganesi og því stutt vegalengd til að líta þessar fallegu og jafnframt tignarlegu skepnur augum.  Hér á Hauganesi finnur þú einnig veitingastaðinn Baccalá Bar, fullbúið tjaldsvæði og heitu pottana vinsælu í Sandvíkurfjöru.                 Hafnarsvæðið með aðstöðu fyrir hvalaskoðunnarbátana mynd Þorgeir Baldursson               1357 Niels Jónsson EA106  og 500 Whales EA við bryggju á Hauganesi i dag mynd þorgeir Baldursson